استشاره بخصوص فنون جميله قسم عماره

**Lord of the flies** · 22-08-2013 04:28 AM

السلام عليكم و رحمه الله و بركاته

واحد قريبى جاله فى التنسيق فنون جميله قسم عماره و كان عاوز استشاره فى الموضوع ده من اهل الخبره
هل الهندسه المعماريه ليها فرص عمل جيده فى مصر و ما هى نوعيه الوظائف المتاحه؟
هل خريجى فنون جميله عماره مطلوبين ام الافضليه لخريجى عماره من كليات الهندسه؟
هل هناك فرص عمل فى الخليج؟

انا مبحبش افتى فقلت اسأل اهل الخبره .... وشكرا

**M_samii** · 22-08-2013 03:25 PM

انا ان شاء الله داخلها السنادي و كنت بقارن بينها و بين حاسبات و معلومات بس فضلتها

و اللي عرفته عنها و جمعته من معلومات انها افضل من هندسة عماره لان احنا بندرس الخمس سنين عماره و بندرس جانب فني بجوار الجانب الهندسي و هي مطلوبه بره اكتر لان خريج العماره عندهم بيبقي خريج كلية الفنون و بعدين بالنسبه لسوق العمل فهو مفتوح لان المعمار لا يتوقف و علي فكره احنا بندرس نفس مواد هندسة عماره و علي فكره اشهر معماري مصري خريج فنون جميله

بالتوفيق :)

**Lord of the flies** · 27-08-2013 01:40 PM

المشاركة الأصلية كتبت بواسطة m_samii

انا ان شاء الله داخلها السنادي و كنت بقارن بينها و بين حاسبات و معلومات بس فضلتها

و اللي عرفته عنها و جمعته من معلومات انها افضل من هندسة عماره لان احنا بندرس الخمس سنين عماره و بندرس جانب فني بجوار الجانب الهندسي و هي مطلوبه بره اكتر لان خريج العماره عندهم بيبقي خريج كلية الفنون و بعدين بالنسبه لسوق العمل فهو مفتوح لان المعمار لا يتوقف و علي فكره احنا بندرس نفس مواد هندسة عماره و علي فكره اشهر معماري مصري خريج فنون جميله

بالتوفيق :)

متشكر لرأيك بس كان نفسى اسمه من حد خريج فنون جميله عماره او هندسه عماره الى احتكوا بالدراسه و مجال العمل.

**maryano** · 27-08-2013 02:00 PM

انا اخويه اتخرج منهاا هي متعبه و فيها شغل كتير و لازم تظبط نفسك تاخد كورسات غي الاجازة 3d max و autocade و اي برنامج يسعدك و لازم تعمل حسابك اخر اجازة علي الاقل تتدرب في شركة او مكنب استشاري مجلات شغلها كتير غي شركة مفاولات او مكتب استشاري او مكتب تشطيبتات داخليه للمولات او المحلات و ممكن تعمل شفلك الخاص بمعرفك من غسر راس مال كبير انا اخويه اول متخرج اشتغل في شركة و جاتلو فرصه احسن اشتعل اسبوع و لولا التجنيد كان كمل

**AlGazar2** · 27-08-2013 10:43 PM

فى الوقت الحالى الشغل فيها قليل جدا لان راس المال مش موجود

لكن الله اعلم بعد 5 سنين هيكون ايه النظام

خريج فنون جميله عماره هيكون زى خريج هندسه عماره فى حاجات و اعلى منه حاجات و اقل منه فى حاجات لان كل كليه بيكون فيها حاجة زياده عن كليه تانية

بتاع فنون جميله هيدرس ديكور باستفاضه لكن مش هيدرس اربن او تخطيط اوى
بتاع هندسه عماره هيدرس اربن و تخطيط و ممكن يتخصص فيهم بس الديكور مش هيكون كتير زى فنون جميله
فى مواد مش عارف ايه نظامها فى فنون جميله بس بتدرس فى عماره ليها علاقة بشغل مدنى خرسانة مثلا و مواد بناء و حصر اعمال و مواد تانية مش فاكرها حاليا

**أبو صلاح** · 28-08-2013 04:48 PM

انا كنت شغال في شركة دعاية واعلان
كان قسم التصميم والجرافيك كله في الشركة خريجين فنون جميلة
وكان راتب حديث التخرج 4000 تصل 10000 لخبرة متوسط 5 سنين
بس مشكلتهم انهم تقريبا ملهومش مواعيد عمل يعني ممكن يشتغل على مشروع اسبوع كامل تقريبا 18 ساعة يوميا وفي الاخر يتقبل او يترفض هو ملهوش فيه لكن لو مشاريعه كلها ناجحة وتقبل سعره بيزيد قوي وممكن يحصل فرص حلوة خصوصا لو اشتغل مشاريع شركات معروفة
وجالنا في فترة من الفترات ناس خريجين حقوق وتجارة لكن محترفين 3d max و Photoshop (الشغل كله تقريبا بالبرامج دي) لكن الناس دي منجحتش في عملها لانه معندوش مبدأ الابداع والافكار في التصميم
اعتقد لو هو وضعهم في مصر بالشكل ده يبقى لو خبرة 5 سنين مثلا ممكن راتبه في الامارات او السعودية يعدي 15-20 الف ريال / درهم