بطارية الفيرنا 2013 سائلة

**nbabad** · 22-08-2013 04:26 PM

ياجماعة أنا عرفت بالصدفة إن البطاريات إللي بتنزل مع الفيرنا 2013 بتبقى سائلة مش جافة !
وواحد من أهل الخبره قاللي لازم تزود ماء البطارية أحسن تروح منك في الباي باي !!
طبعاً أنا من ساعة ماجبتها من 4 شهور عمري مافكرت أزود ماء البطارية لأني كنت فاكرها جافة !!
فياتري أزودها بماء مخصوص ولا ماء عادي ؟ ، وكمية الزيادة أد إيه ؟ ، وأذودها كل فترة آد إيه ؟!

معلش أنا عارف إن ديه حاجات بديهية ! لكن للأسف أنا ماليشخبره خالص في العربيات وديه أول عربية ليا !

**h_moga** · 22-08-2013 04:39 PM

أنا لسه جايبها من أسبوعين بس كانت جافه ..... عرفت إزاي إنها سائله

**nbabad** · 22-08-2013 04:46 PM

المشاركة الأصلية كتبت بواسطة h_moga

أنا لسه جايبها من أسبوعين بس كانت جافه ..... عرفت إزاي إنها سائله

إتنين قرايبي عندهم فيرنا برضه حذروني من موضوع ماء البطارية ده لإنهم حصل معاهم مشكلة بسبب عدم تذويدهم للماية والبطارية طارت وإضطروا يغيروا البطارية وجابوا جافه ..

أنا أول ماعرفت كده فتحت الكبوت وبصيت علي البطارية عشان أشوف أي مؤشر يقولي إذا كانت سائلة أو جافة ماقدرتش أشوف حاجه !! ..، روحت فاكك الأفيز إللي بيثبتها وفكيت الوصلات ورفعت البطارية وكانت المفاجأة إنها سااااااااااااااااااائلة :( !!

ياريت حضرتك تتأكد من بطاريتك كويس أحسن تحصل معاك مشكلة وإنت مش مدي خوانه !

**kareem_eg** · 22-08-2013 05:07 PM

الموضوع ده ممكن يفيد حضرتك
http://www.nilemotors.net/Nile/263059-a.html

بالتوفيق

**h_moga** · 22-08-2013 05:19 PM

جزاك الله خير ... هتأكد بس لما أرجع من السفر بس أنا كنت بقول كده علشان إبن عمي لقاها مختلفة عن اللي راكبه عنده في 2012
شكرا

**elkorany** · 22-08-2013 05:38 PM

البطارية لو فيها غطيان صغيرة كده ومكان لمفك علشان تتشال تبقى سائلة
لو مفهاش الغطيان دى تبقى جافة
وبعدين انتو بتتكلمو على عربية زيرو وفيها ضمان
نصيحة منى يا ريت تلتزم بالضمان
على الأقل لحد ما تجيب 20000 كيلو
لحد لما تطمن على العربية وكل حاجة سليمة
هما ف التوكيل بيبصو على كل حاجة وتقولهم على كل العيوب اللى ممكن تلقيها فى العربية

**elkorany** · 22-08-2013 05:46 PM

ومتخليش اى حد غير التوكيل يلغب فى العربية
خلى البطارية تبوز البطارية عليها ضمان سنه من الوكيل لو جرلها حاجة هتتغير فى الضمان

**mshmshm3** · 22-08-2013 07:08 PM

في التوكيل ولا هايبص عليها من بعيد حتي انت تزودها مية في الوقت المناسب ليها و لما تتم سنة ولا سنة و كام شهر طوحها و هات بطارية كويسة زي فارتا او ac delco

**h_moga** · 22-08-2013 10:35 PM

المشاركة الأصلية كتبت بواسطة elkorany

البطارية لو فيها غطيان صغيرة كده ومكان لمفك علشان تتشال تبقى سائلة
لو مفهاش الغطيان دى تبقى جافة
وبعدين انتو بتتكلمو على عربية زيرو وفيها ضمان
نصيحة منى يا ريت تلتزم بالضمان
على الأقل لحد ما تجيب 20000 كيلو
لحد لما تطمن على العربية وكل حاجة سليمة
هما ف التوكيل بيبصو على كل حاجة وتقولهم على كل العيوب اللى ممكن تلقيها فى العربية

يعني إيه موضوع الغطيان ده؟؟؟؟؟؟ عمري ما شفت بطارية سائلة للاسف
أنا عربيتى في السعودية اسي ديلكو جافة والفيرنا نفس شكلها بالظبط فقط طرفين توصيل أعلي البطارية +-
أعتقد الأن أنها جافة

**elkorany** · 22-08-2013 11:07 PM

طالما اطراف التوصيل بس
وهتلاقى فيها دائرة صغيرة كدا فيها ليد غالبا لونه اخضر
هى دى البطارية الجافة

الموضوع: بطارية الفيرنا 2013 سائلة

LinkBack

أدوات الموضوع

عرض

-

-

-

-

المواضيع المتشابهه

هى بطارية الاسترا j 2013 اللى بتنزل فيها سائلة و لا جافة

نيسان صنى 2013 سوبر صالون ببطارية سائلة؟؟؟!!!!!

تنصحوني بايه؟ بطارية جافة ولا سائلة؟

احسن نوع بطارية سائلة

بطارية الفيرنا

الكلمات الدلالية لهذا الموضوع

المفضلات

المفضلات

ضوابط المشاركة