النوبيرا عملتها

**Ahmed Nasser** · 24-08-2013 02:22 PM

المشاركة الأصلية كتبت بواسطة mgelgel;[caution

3875145698[/caution]]الكلام ده بالضبط اللي الميكانيكي التاني قاله ان الغرفة 2 و 3 مهربين الكبس علي بعض
انا لما استعد ماديا هحل المكنة و الميكانيكي يشوف حالتها لو كويسة يبقي طقم شنبر ولو المكنة تعبانة و محتاجة شغل و خرط يبقي هجيب موتور مقفول من غير ادوات التغذية و الميكانيكي قاللي هيعمل في حدود 2000 جنيه

فك المكنة لو لقيت الشمايز والسبيكة والكرنك والصبابات تمام
اعملها شنبر وكاوتش صباب

**besso33** · 24-08-2013 06:09 PM

عليك وعلي علاء المتوكل في الحرفيين تخصص استيراد دايو هتلاقي عنده اي حاجة انت عايزه وبسعر كويس علشان هو مستورد رئيسي

**mgelgel** · 25-08-2013 12:59 PM

ان شاء الله بكره هروح للميكانيكي و يبدا يفك الموتور و ربنا يستر .......

**mgelgel** · 25-08-2013 01:02 PM

و ياريت لو حد من الاسكندرية يقولي اسعار الموتور سواء النص التحتاني او موتور كامل بدون ادوات تغذية او موتور بكافة مشتملاته عشان الواحد يبقي عامل حسابه

**mostafamedany** · 28-08-2013 08:05 PM

المشاركة الأصلية كتبت بواسطة mgelgel

و ياريت لو حد من الاسكندرية يقولي اسعار الموتور سواء النص التحتاني او موتور كامل بدون ادوات تغذية او موتور بكافة مشتملاته عشان الواحد يبقي عامل حسابه

انا لسه مغير موتور نوبيرا قبل العيد معاه الكومبرسيور بتكلفه 2500 جنيه بدون تكلفة الورق
و لسه حغير الكويل و المارش علشان القدام بعافيه شويتين
لو عايز اي استفسار ابعتلي و انا اوصفلك الراجل ده فين لانه نضيف جدا في تعامله و لو عايز الميكانيكي بتاعي يروح معاك حديك رقمه

**Ahmadhamza84** · 29-08-2013 12:06 AM

بص ياباشا أنا ممكن أدلك على ميكانيكي محترف يفيدك اسمه عماد توفيق ... فاتح مابين صقر والبساتين قريب من اليوم الواحد ...عمرلي الموتور ...راجل من الآخر ...وميزته العبقرية انه بيضمن شغله فترة حلوة ....
يعني لو رجعلته بعد اسبوع في مشكلة مثلا بيصلحها بدون مقابل ولو حاولت تعزم عليه ممكن يضربك :)
راجل محترف فعلا ...

**hassabooo** · 29-08-2013 11:12 AM

[QUOTE=MohammedAladel;3875144334]ان العربية تمشى 2 سلندر دا خطير جدا وبيسبب رزع جامد فى الموتور
ياريت تنقل على لفات موتور عالية يعنى تشبع الغيار

غير أن كدا لو مشيت بيها مسافة هتبوظلك المحول الحفاز ( علبة البيئة )

وياريت تشوف ميكانيكى غيره[/QUOTE

فعلا دا اللي حصل معايا قبل كدة .. و جيت من اكتوبر للمعادي في ساعتين و نص و ماكنتش عارف اية السبب و فعلا علبة البيئة باظت .. و دي كارثة على الطريق لان العربية بتطلع دخان كثيف من العلبة برائحة البيض الفاسد كانها بتولع ((لا قدر الله)) ...

**mgelgel** · 29-08-2013 09:25 PM

شكرا لجميع المشاركات و هحكيلكم اللي تم
يوم الثلاثاء روحت للميكانيكي بدري و بدا يفك المكنة و طلع الجزء العلوي و بص علي الغرف لقاها كويسة مفيش عتب او تجريح فيها بس لقي صباب مكسور في الغرفة رقم 2 و بعدين حل الكارتيرة و سقط ال 4 بساتم و كشف علي عمود الكرنك و لقي حالته كويسة و الحمد لله
و اداني ال4 بساتم و قاللي تروح للخراط في ش صلاح الدين يكشف علي البساتم و يشوف حالتهم
فعلا نزلت البلد و وصلت للخراط و قاللي حاجة غريبة ان البساتم دي بتاعة نوبيرا 1 مش 2
قولتله انا مشتري العربية من 4 سنين و مفكتش الموتور قبل كده قاللي المكنة دي بتاعة ال 1 مش ال 2
قلتله علي العموم شوف حالتهم ايه
قام جايب الميكروميتر بتاعه و قاس كل بستم و قاللي البساتم دي حالتهم نضيفة محتاجين بس طقم شنبر
جابهولي ياباني ب 200 جنيه شاملة تمن الكشف وانا ماشي سالت واحد بتاع دايو علي الشنبر قاللي ب 170 جنيه الكوري قلت مش مشكلة و رجعت للميكانيكي و كان الوقت اتاخر قاللي بكره هنكمل
امبارح ركب صباب من عنده و قاللي الوش مش محتاج خرط و قفل المكنة و طبعا طقم بوجيهات و جركن زيت خفيف للتليين و دور الموتور و سابه داير بس انا لاحظت دخنة بيضاء من الشكمان
سبتها دايرة حوالي 4 ساعات و النهارده الصبح قاللي اطلع بيها مشوار طويل و امشي علي سرعة 60 علي الغيار الرابع
مشيت بتاع 140 ك بيها واحدة واحدة ورجعت له بس الدخنة البيضاء لسه موجودة و قاللي يومين كده و الموضوع ده هينتهي و كمل تليين بكره كمان
انا بقي قلقان من الدخنة دي هي مش كثيفة بس باينة و هل ده طبيعي ولا لأ ؟؟؟؟؟؟