الموضوع: العربية كانت هتولع امبارح

المشاركة الأصلية كتبت بواسطة Amr Axel

اولا الف حمد لله ع سلامتك يا خالد

ثانيا انت ارتكبت خطأ خطير باستخدام المية في الحالة ديه كان من الممكن يؤدي لكارثة لولا ستر ربنا و أبسط العواقب انه ممكن يضيعلك كهربا العربية

لو حصل الكلام ده الاجراءات من المفترض تتبعها كالأتي :

- في نفس لحظة اخلاء العربية من الاشخاص
- اول حاجة تبطل العربية
- تفك كابل السالب للبطارية و تبعده عن اي حاجة و خاصة الموجب و ممكن تلفه بفوطة من اللي بتبقي في العربية
- الطفاية تكون جاهزة في ايديك و لاحظ اني بتكلم عن الطفاية البودرة و لو حسيت بوجود اي شعلة او نار تستخدمها بشكل مناسب و في المكان المناسب

لكن المية ديه لا قدر الله في الحالات الحرجة كاحتراق العربية كلها لكن في الغالب يفضل استخدام الطفايات البودرة مش الرغوة و لا المية

و اتمني الموضوع ده يفيدك

http://www.nilemotors.net/Nile/222278-a.html

و حمد لله ع السلامة مرة تانية

الله يسلمك ياعمر ويسترها معاك..هو للأسف ساعتها من الخضة الواحد ماجاش في بالو يعمل ايه ولا ميعملش ايه..طلعت جري على جركن المية وادلق والدخان يطلع..ساعتها مكنش في بالي العربية خالص بس كانو أهلي جواها واتخضيت عليهم..وللأسف طفاية الحريق منتهية صلاحيتها وراميها في الشنطة كمان مش تحت الكرسي..بس ان شاء الله هنزل اشحنها واخليها جمبي لأي ظرف لاقدر الله..

تسلم يا عمور :)

المشاركة الأصلية كتبت بواسطة a_arazik

الحمد لله _____حمد لله علي سلامتك انتا والاسرة الكريمة

الله يسلمك يا باشا وربنا يسترها معانا.

المشاركة الأصلية كتبت بواسطة esam_refaat

ربك ستار

ونعم بالله..

المشاركة الأصلية كتبت بواسطة Mecha

all hamd lillah

you did well khaled

Shokran ya basha :)

المشاركة الأصلية كتبت بواسطة hossamalsadik

حمدا لله على سلمتك انت والأسره الكريمه

الماء h2o
الماء مكون من مادتين رئيسيتين قابلتان للاشتعال أحداهما : الهيدروجين وهو شديد الاشتعال يستخدم فى اللحام والصهر
الأوكسوجين وهو العنصر أو الوقود الأساسى فى أى عملية أشتعال

عشان كده لايفضل الأطفاء بالماء وربنا يسترها مع الجميع

الله يسلمك..أنا عارف ان اللي عملتو دا غلط..بس ساعة القدر بقى والخضة..الحمد لله انها جت على كده.

المشاركة الأصلية كتبت بواسطة mero100

ربنا يسترها عليك و علينا يا خالد ..... الخرطوم ده انا جبته لواحد صاحبي من التوكيل ( منصور ) ب 80 جنيه . gm كوري .

آمين يارب...انا هنزل دلوقتي اشتري متر خرطوم عادي نوعية نضيفة لحد ما ابقى انزل التوفيقية ولا حاجة لما البلد تهدى.

المشاركة الأصلية كتبت بواسطة ketoo

حمدا لله على سلمتك انت والأسره

الله يسلمك ياغالي.

الحمد لله على كل شئ وقدر الله وما شاء فعل، كويس انك لحقتها... ربنا يكفينا شر الحرائق