العربية كانت هتولع امبارح
صباح الخير
امبارح ركبنا العربية انا والأسرة العصر..دورت العربية وسيبتها تسخن على بال ما دخلت جيبت المحفظة من البيت عادي يعني..رجعت ولقيت ريحة بنزين شديدة جدا لدرجة ان الناس في الشارع بقو يقولولي..بطلت العربية على طول..وقولت اكيد جوان الطرمبة..فكيت الكنبة وبصيت على الطرمبة كله تمام..فتحت الكبوت وكانت الصدمة..خرطوم البزين اللي جاي من الفلتر للرشاشات مخروم من الطرف ومغرق المتور بنزين والمتور كان مولع ومؤشر الحرارة داخل على النص..كل دا انا واقف اشوف بيسرب منين وشوية لقيت البنزين سخن وبيطلع دخان جامد اوي وقرب يولع :oh:
جريت على طول جيبت جركن مية وغرقت الحوض.. والحمد لله لحقت الدنيا قبل ماتولع وكان معايا اخواتي الصغيرين ووالدي ووالدتي..ألف حمد وشكر ليك يارب انها عملت كدا قدام البيت احسن ما كانت عملت كدا في مشوار والعربية مولعة كان البنزين ولع على طول ولا كان وصل للتانك..ستر من عند ربنا في الأول والآخر.
المهم قصيت منه يجي عقلتين صباع كدا الجزء دا مخروم..وجيبت كوليهين من الموان وربطته كويس وكله تمام..على بال ما اشتري واحد جديد.
المهم انا عملت الموضوع دا عشان الناس تاخد بالها بعد كدا..في حاجات مهمة مينفعش نطنشها زي البنزين مثلا..دا مش خطر على العربية بس..كمان خطر على حياة الركاب..
اي حد عنده خراطيم قديمة ومشكوك في أمرها يغيرها أحسن..كمان لو شامم ريحة بنزين جوا الصالون شيك على جوان الطرمبة تحت الكنبة..لو فيه خرم جامد في التانك غيرو أحسن بدل ما تلحم..الحاجات دي مفيهاش هزار وممكن تعمل مصايب لاقدر الله.
وربنا يسترها علينا يارب.
لمبة الزيت نوبيرا 2008 لا تعمل
ارجوا المساعدة اشتريت نوبيرا2 موديل 2008 ولما اجي ادور العربية (الكونتاك) يعني لمبة الزيت لا تضيئ هي ولمبة البنزين فانا عايز اعرف لمبة الزيت مكانها فين وفيشتها فين علي الموتور ممكن تكون فاصلة وكمان لمبة البنزين