السلام عليكم ورحمة الله وبركاته
ازيكم يا شباب. ان شاء الله دايما بخير
وكل سنة وانتم طيبين.
دلوقتى انا اول ما بدور العربية ولصبح بشم ريحة بنزين واضحة جوا الصالوت
هل الوضع دا طبيعى ولا كدا فيه مشكلة
ولو فيه مشكلة اكشف على ايه
واشكركم مقدما
السلام عليكم ورحمة الله وبركاته
ازيكم يا شباب. ان شاء الله دايما بخير
وكل سنة وانتم طيبين.
دلوقتى انا اول ما بدور العربية ولصبح بشم ريحة بنزين واضحة جوا الصالوت
هل الوضع دا طبيعى ولا كدا فيه مشكلة
ولو فيه مشكلة اكشف على ايه
واشكركم مقدما
شيل الكنبة وشوف لو في تسريت ولة حاجة لو مفيش حاجة اطلع علي ميكانيكي بئا يشوف هو
ليها اكتر من سبب
قد يكون فيه تسريب في دورة البنزين من عند الزور لحد الحوض
او مفيش احتراق كويس و البوجيهات عايزة تتغير
او الرشاشات بتسيل
لأ طبع مش طبيعى ولازم تكشف على وصلات البنزين من أول التنك وزره من الخارج وصولاً الى البوابه الى ركبه على الماتور
يعنى ممكن يكون فلتر البنزين فيه تسريب عند الوصلات - تسريب عن البوابه برضو عن الوصلات راجع على الأفيز الى ماسك كل خرطوم
اما لانه الصبح بدرى عند اول الدواره فأستبعد البوجيهات وتسيل الرشاشات
هوا فعلا الموضوع بيكون الصبح بدرى عند اول دوارة والعربية باردة
وهل المفروض اروح لمكانيكى على طول ولا ممكن استنى واخليهم يشوفها فى التوكيل مع الصيانة خلال اسبوعين تقريبا.
بصراحة بقلق من شغل الصنيعية من اللى بسمعه عنهم وخصوصا ان العربية لسة زيرو
والمشكلة انى مش عارف اى مكانيكى كويس جنبى فى فيصل ودى اول عربية ليا وعمرى ما تعاملت مع صنيعية قبل كدا
فأية رأيكم؟
ده كده غالبا زي مقولتلك
العربية نوعها و موديل كام ؟ و عاملة كام الف ك ؟؟ و الصيانات اللي اتعملت ايه ؟؟
انت من النوع اللى بياخد مطبات او بتدى عربيتك لحد
بص شوف التانك من تحت فيه تسريب ولا لاء
هوا انا الوحيد اللى بسوق العربية ومش يديها لحد.
وبكون حريص جدا مع المطبات
لكن فعلا انا حكيت قبل كدا فى كذا مطب لما كنت محمل العربية والكلام دا على سرعات قليله جدا.
بس انا ركزت كذا مرة مع المكان اللى بركن فيه العربية ومش بيبقى فية اثر لسائل على الارض وكمان بصيت على العربية من تحت ومش شايف اى حاجة بتنقط وكمان انا بشم ريحة البنزين جوا الصالون نفسة مش برة.
انت عربيتك جديدة احتمال اللى بقوله ليك دا يبقى ضعيف بس مش هتخسر حاجة
لو التانك بينقط هتشم الريحة جوة لانها تبقى عالية جدا وفى اول الدوارة يعنى وانت ماشى على الطريق ممكن وممكن لاء
حتى لو مفيش تنقيط بيبقى فيه مرحلة قبل التنقيط انه يبقى مرشج
ربنا يكفيك شرها