صور الوحش القادم لسنة 2014 الفولفو اس 60

**khaledhamdy300** · 23-08-2013 02:07 PM

كشفت فولفو في معرض جنييف عن تحديثاتها الجديدة لفولفو S60 موديل 2014, .
السيارة حصلت على تغيير كبير في مقدمة السيارة, تشمل تصميم المصابيح الأمامية, وتزويد السيارة ايضاً بمصابيح LED نهارية.
من الداخل, حصلت السيارة على العديد من الاضافات والتقنيات الجديدة. مثل العدادات الرقمية, وبجانبها شاشة TFT يمكنك من خلالها اختيار الوان العدّاد
. وتم تزويد السيارة ايضاً بنظام Sensus Connected Touch التفاعلي. اضافةً الى التحكم بعدسات المصابيح, وانظمة IntelliSafe للسلامة التي تلتقط المشاة, واشارات الطرق.
الصور الحصرية لفولفو S60

سوف تقتحم الفولفو اس 60 السوق المصرية لعام 2014 وتعتبر منافس شرس للماركات العريقة امثال المرسيدس سى 180 والبى ام 316 والباسات بل يمكن القول انها تفوقت عليهم من حيث قوة المحرك وعزمة(180 حصان مع 240 نيوتن عزم)و جودة الخامات والتقفيل والاوبشن داخل السيارة بالاضافة الى استخدام اعلى تقنيات السلامة والتى جعلت ال اس 60 من اكثر السيارات امانا فى العالم مع وجود هيكل حديدى صلب جدا لهذا السبب اطلق عليها فى الدول الاوربية السيارة الفولاذية.

اخيرا وليس اخرأ, هل تعتقد سيطرت ال اس 60 وهيمنتها على السوق المصرية لسنة 2014 مع توافر كل الامكانيات والاوبشن فى هذة السيارة فى فئتها؟

الموضوع منقول

اخوكم خالد حمدى
مهندس امان

**برنس الليالي** · 24-08-2013 04:01 PM

العربية باين عليها حاجة قوية جداً (بس متشكرش فيها اوي كدا لحسن لو التوكيل شاف الكلام دا حينزلها بـ400 الف) ^^

هي العربية بالنسبالي اشيك وافخم من العربيات اللي حضرتك ذكرتها بس عليك وعلى الركوبة والهاندلينج إن شاء الله تنزل ونجربها

**A.Roushdy** · 24-08-2013 04:08 PM

المهم سعرها هيكون كام
لو عرف وكيلها يخطف لها سعر اقل من البي وام والمرسيدي تبقي هتعمل مبيعات حلوة
لو ضرب فوق يبقي موت العربية بنفسه
المصري بيخاف من اي حاجة جديدة ميعرفش عنها حاجة
وهيقولك عربية مش بياعة وقطع الغيار حراقة وكلام مندا

**ahmedharon** · 24-08-2013 04:37 PM

المشاركة الأصلية كتبت بواسطة احمد رشدي

المهم سعرها هيكون كام
لو عرف وكيلها يخطف لها سعر اقل من البي وام والمرسيدي تبقي هتعمل مبيعات حلوة
لو ضرب فوق يبقي موت العربية بنفسه
المصري بيخاف من اي حاجة جديدة ميعرفش عنها حاجة
وهيقولك عربية مش بياعة وقطع الغيار حراقة وكلام مندا

هوا حضرتك جبت منين كلمة عربيه جديده ومحدش يعرف عنها حاجه اذا كان الموديل السابق 2012-2013 عامل مبيعات كويسه جدا مقارنة بانتشارها المتعارف عليه
بس بصراحه من وجهة نظرى انا شايف ان 316 فى البى امى تكسب الكل نظرا لشكلها المتميز بجد خصوصا المصابيح الخلفيه واعتقد ان حجم السياره مبقاش صغير زى الاول تقريبا يعنى اقت اوسع من المرسيدس كمان والسعر تقريبا لصالحها برضو وياريت حد ياكد على موضوع السعر دا وضيف على كل دا بقى سعر اعادة البيع البى ام تكسب الفولفو اعتقد بكتير فى حين ان المرسيدس تكسب البى ام ببرضو

بس انا بصراحه بلاحظ ان 180 ليها مشاكل كتير ودايما معروضه للبيع كتير وانا عاصرت واحده على سبيل المثال لا الحصر كانت مع صاحب الشركه كان كل اسبوع تقريبا الاقيه جاى بالعربيه التانيه وفى نص اليوم الاقى التوكيل باعتهالو مع حد من عندهم فاعتقد ان فيها مشاكل بس ايه هيا معرفش

**ahmedharon** · 24-08-2013 04:44 PM

فى حاجه تانى تابلوة البى ام اشيك من دا على الرغم من ان دا جامد برضو بس البى ام احلى صراحه ومع كل اللى كتبته الا انى احترم هذه العربيه بشده ومينفعش نقلل منها مطلقا ومتتصوروش قد ايه انا مشتاق انى اجربه عشان كمان اجرب موضوع ال 180 حصان دا واشوف تجميع العربيه خصوصا وانا راكب لانسر 1300 ههههههههههههه اوعو حد يشتمنى فى غيابى ههههههههه

**A.Roushdy** · 25-08-2013 09:44 AM

المشاركة الأصلية كتبت بواسطة ahmedharon

هوا حضرتك جبت منين كلمة عربيه جديده ومحدش يعرف عنها حاجه اذا كان الموديل السابق 2012-2013 عامل مبيعات كويسه جدا مقارنة بانتشارها المتعارف عليه
بس بصراحه من وجهة نظرى انا شايف ان 316 فى البى امى تكسب الكل نظرا لشكلها المتميز بجد خصوصا المصابيح الخلفيه واعتقد ان حجم السياره مبقاش صغير زى الاول تقريبا يعنى اقت اوسع من المرسيدس كمان والسعر تقريبا لصالحها برضو وياريت حد ياكد على موضوع السعر دا وضيف على كل دا بقى سعر اعادة البيع البى ام تكسب الفولفو اعتقد بكتير فى حين ان المرسيدس تكسب البى ام ببرضو

بس انا بصراحه بلاحظ ان 180 ليها مشاكل كتير ودايما معروضه للبيع كتير وانا عاصرت واحده على سبيل المثال لا الحصر كانت مع صاحب الشركه كان كل اسبوع تقريبا الاقيه جاى بالعربيه التانيه وفى نص اليوم الاقى التوكيل باعتهالو مع حد من عندهم فاعتقد ان فيها مشاكل بس ايه هيا معرفش

مش قصدي جديدة يا باشا يعني لسة نازلة، اقصد عربية مش منتشرة، والشعب المصري اغلبيته مش هيكون عارفها، عامتا المصريين زي ما بيقولو بيخافو من كل حاجة ميعرفوهاش
ويمكن دة اللي مخلي مبيعات عربية زلا اللانسر البومة بقالها 9 سنين مفرومة في الشوارع، تتباع اكتر من بيجو 301، مع ان سعر البيجو اقل وطبا مفيش مقارنة ما بين الاتنين
يعني انا لو معايا مبلغ يجيب البي ام والمرسيدس والفوفو، اكيد هستبعد اول حاجة الفولفو علشان معرفهاش، فاهم قصدي يا باشا ؟