مينفعش مقارنه خالص. دي حماده ودي حماده تاني. عايز تحط حاجه قدام الكرولا تبقى سيفك أو أسترا أو فوكس انما اوكتافيا تاكلهم كلهم بغض النظر عن موضوع الفتيس.
مينفعش مقارنه خالص. دي حماده ودي حماده تاني. عايز تحط حاجه قدام الكرولا تبقى سيفك أو أسترا أو فوكس انما اوكتافيا تاكلهم كلهم بغض النظر عن موضوع الفتيس.
انا الصراحة ضد اللي بيقول ماينفعش المقارنة للسبب التالي
فئة العربيات السيدان في صغيرة و متوسطة وكبيرة وفخمة
الصغيرة :: كيا الريو - هيونداي الأكسنت - سكودا الرايبد - تويوتا الياريس - هوندا السيتي ..... الخ
المتوسطة :: كيا سيراتو - هيونداي النترا - سكودا اكتافيا - تويوتا كورولا - هوندا سيفيك .....
الكبيرة :: كيا اوبتيما - هيونداي سوناتا - سكودا سوبيرب - تويوتا كامري - هوندا أكورد ......
وهنا المقارنة بين التويوتا والأكتافيا مقارنة عادلة لانهم ينتمون لفئة واحدة بغض النظر عنفكرة دي يباني ودي الماني لانها ليست معيار مقارنة لأي سيارة ...
اتمني ان تكون وصلت الفكرة ..... وشكراااا
متنساش حضرتك عامل السعر ده مهم جدا وتقريبا اختيارات أي حد وقت الشرا بتتوقف على ميزانيه الشراء. يعني ممكن نضيف بي ام الفئه التالته للفئه المتوسطه والفئه الخامسه للفئه الكبيره طب نقدر نقارن سيراتو او كرولا اللي اخرهم 200-220 ألف بالفئه التالته اللي بتوصل 525 ألف في ال 335 ولا نقارن كامري مثلا بالفئه الخامسه؟ فرق سعر تجهيزات رهيب بين الاتنين يخلوهم مش بدائل لبعض.
أنا أخر كرولا سوقتها كانت ال 2008 وال 2010 وسوقت برضه أوكتافيا 2010 سفر وداخل المدينه وبصراحه فرق كبير في كل حاجه لصالح الاوكتافيا فما بالك كمان موتور الاوكتافيا الجديد بالفتيس ال dsg بس والله الفرق مش مواتير بس. نتكلم عن العزل ولا دوسه البنزين ولا حتى القعده في العربيه. اللي بيزعلني من أوكتافيا بس ان مساحه الرؤيه الخلفيه صغيره غير كده العربيه صفقه ممتازه.
يعني مينفعش الكورولا تتقارن بالاوكتافيا وينفع تتقارن بالسيفيك والاسترا والفوكس؟؟؟؟
طيب على كده بقى السيفيك والاسترا والفوكس مينفعش يتقارنوا بالاوكتافيا....!!!
انا شايف ان اي واحدة منهم المفروض (تاكل) الكورولا على جميع المستويات... بس احنا هنا بنتكلم عن موديل كورولا لسة نازل جديد... نفس سعة الموتور... تجهيزات فوق الممتازة نظريا بالنسبة للكورولا... سعر بقى في رينج الاوكتافيا في بعض الفئات (اعلى فئة كورولا ب 209000 وفيها مثلا 9 ايرباج)...
فالقصة هنا اننا لازم نجرب الكورولا الاول خصوصا نظام الثبات vsc لان انا تحديدا كان سبب رفضي لشراء الكورولا موضوع الثبات ده ورحت على الشارك بدون تفكير كتير... فخلينا نشوف وبعدين نحكم خصوصا ان حتى ابعاد العربية ومساحاتها الداخلية بقت اكبر كمان...
مع العلم اني من الناس اللي مبحبش الكورولا خالص بس السنة دي منزلينها بتجهيزات بعتبرها طفرة بالنسبة لتويوتا في الفئة دي!!!
على فكرة الvsc ده زى الesp ودول بيشتغلوا فى ظروف الطوارئ عند احساس كمبيوتر العربية وجود ما يهدد ثبات العربية على الطريق.
فهو مش حيفرق اوى فى احساس السائق بثبات العربية فى الاستخدام اليومى
اللى يفرق بيتهيقللى هو شكل الشاسيه ونظام التعليق وأبعاد ووزن العربية ومكان الموتور بالنسبة للأبعاد دى.
ولا ايه....؟