الموضوع: متى احتاج لتغيير البطارية ؟

بص من الاخر لو بطاريتك دى من نوع مية النار تفضى البطارية من مية النار القديمة وتنضفها بمية مغلية من 3 الى 4 مرات بعد كده تنضفها مرة كمان بالكربونات ودى حتلاقيها عند اى عطار وبعدين تغسلها كمان 3مرات بالمية المغلية وبعدها 2 مرتين ميه عادية
وبعدها تجيب مية نار جديدة وتحطها فيها وتسيبها قيمة 6 او 7 ساعات كده
وبعدين تحطها فى العربية وتدور وان شاء الله تشتغل معاك على طول

وفى حل تانى ممكن تعملو لو انتا خايف على نفسك من مية النار وكده تروح لواحد بتاع بطاريات وهوه يعملك العملية دى

وفى حل كمان انك تاخد بطاريتك دى وتحطها فى عربية تاكسى ....اه تاكسى .........لان العربيات التاكسى بتشتغل على الاقل 8 او 9 ساعات يوميا وطبعا التاكسى يكون مفيش فيه تكيف ولا حاجة من اللى تشفط الكهربا
فوجود البطارية فى التاكسى حيشحنها تمام جدا.......لان التيار قليل وكمان على فترة طويلة وحتشحن براحتها خالص
لكن لو كل يوم شغلتها ربع ساعة مش كفاية لان العربية فى الربع ساعة دى مش حتعوض اللى اخدتو منها فى تشغيل الموتور فلازم على الاقل 2 ساعتين لحد ما البطارية تبقا تمام
ونصيحة لما تيجى تسيب العربية بالليل افصل كبل الكهربا بتاع البطارية

الف شكر على الاهتمام .. انا بطاريتى جافة و المشكلة ان مشاويرى قليلة بحكم ان شغلى مش بعيد , فى كهربائى قاللى مش بتخزن شحن و عايزة تتغير .

المشاركة الأصلية كتبت بواسطة lidosasa

أنا كلامى كان عن البطارية الجافة أما البطارية السايلة فأنا معرفش حاجة عنها نهائى لكن أظن إنها غير مناسبة نهائياً للعربيات الملاكى وخصوصاً اللى مشوايرها قليلة

ضحكتنى يا راجل يا طيب البطارية السائلة دى بتشتغل فى العربيات الملاكى من زمان
لان قبل ما تنزل الجافة كانت السائلة هى اللى ماسكة السوق

وكمان فى حاجة ممكن تلاحظها ان البطارية السائلة بتعيش اكتر فى الملاكى عم التاكسى
وكمان فترة الضمان فى التاكسى عليها بتكون 6 شهور لكن فى الملاكى فترة الضمان عليها سنة كاملة
وبتعيش اكتر من سنة كمان جوه الملاكى ممكن توصل لسنتين

بعدين ده انتا بطاريتك جافة ريحت نفسك فيها لان ملهاش تغيير مية نار
ملحوظة هى مش جافة ولا حاجة بس هى من نوع تانى قلوى مش حمضى زى السائلة
ولو فكيت البطارية بره العربية ورجيتها رج خفيف حتلاحظ صوت ميه جوه البطارية

انا عارف انتا عايز ايه الحل دلوقتى بسيط جدا
تشحنها بالكامل طبعا فى عربية تكون بتشتغل كتيير زى التاكسى يا اما تسيبها فى عربيتك شغالة على الاقل 6 ساعات
وخلى بالك بلاش شحن بالتنجر او الشحن الخارجى بره العربية لان ناس كتير من بتوع البطاريات بيستغبو بصراحة ويحط البطارية على امبير عالى قال ايه عشان تشحن بسرعة فتاخد ساعة
الكلام ده حيبوز بطريتك فورا وحصلت معايا فى بطارية وديتها سليمة وشغالة بس فاضية شحن رحت للراجل اخدها بعد 7 ساعات لقيتو مش موصلها على التنجر
المهم وصلها ورجعتلو تانى بعد ساعة كده واخدتها لقيتها قطعت خالص ولا حتا بتشغل اى نور فى العربية اتارى البيه بالشحن العالى طير ربرع منها
فعشان كده بقولك اشحنها فى عربية مدة 6 ساعات على الاقل وحترجع تانى تشتغل معاك بكامل قوتها
ولو مطلعتش بالعربية خالص شغلها كل اسبوع مدة ساعة بس

للاسف اضطريت اغيرها لانها بقيت بتنام كتير اوى . هو حل انها تتحط فى عربية تانية ده حل كويس بس للاسف معرفش حد بيفرك كتير .. هى بقالها معايا حوالى 3 سنين. الحمدلله انا جبت. acdelco ب450 بلبل بالقديمة و ربنا يستر و تعمر ..

الف شكر لكل اللى اهتم و رد عليا . ناس محترمة جزاكم الله خير