خبر غرييييييييييييييييب بخصوص الفتاه بنت الباشا و العصا الكهربيه

**eng/muhamad** · 05-09-2008 02:39 AM

لم تكن ابنة عميد شرطة، كما زعمت في الكليب المثير الذي بثه مدونون علي شبكة الإنترنت، بل ابنة طبيبً في مدينة جرجا بسوهاج.

«فتاة العصا الكهربائية» التي شغلت الرأي العام طوال الأسبوعين الماضيين، ألقي القبض عليها إثر محضر حرره المحاسب أحمد السيد كامل في قسم العمرانية، قائلاً إنها صدمت سيارته من الخلف وحطمتها وسبته وهددته بعصا كهربائية،

وأجرت اتصالاً هاتفياً بشخص قالت بصوت عال إنه والدها الذي يعمل عميد شرطة. كشفت تحريات المباحث أن المتهمة شيرين عبدالحفيظ علي أحمد نور الدين «٣٠ سنة» كانت تعمل في تجارة الملابس، وهي من البيطاش بالإسكندرية.

قالت شيرين في التحقيقات إن والدها طبيب بشري وليس عميد شرطة، وأنها لجأت وقت المشاجرة إلي الاتصال بصاحب الفندق الذي تعمل فيه بشرم الشيخ لإيهام الشاب الذي صدمته بأن والدها عميد شرطة حتي تنهي المشاجرة.

ونفت شيرين أن تكون العصا التي ظهرت ممسكة بها في الكليب «كهربائية»، قائلة إنها مجرد عصا عادية «شومة» تخلصت منها بعد انصرافها من موقع المشاجرة وأحيلت الفتاة والمحاسب إلي نيابة العمرانية.

وقال عباس صاحب مدونة «الوعي المصري»، الذي بث الكليب مثير الضجة، إنه تلقاه من أحد الشباب وشاهده عدة مرات وتأكد أن العصا كهربائية، وأضاف أنه ليس ملزماً أن يجري تحريات حول الواقعة للتأكد من صدقها.

المصدر:المصري اليوم

**eng/muhamad** · 05-09-2008 02:48 AM

بل ابنة طبيبً في مدينة جرجا بسوهاج.

1- قالو انها ابنه طبيب فى جرجا بسوهاج

كانت تعمل في تجارة الملابس،

2- تعمل فى تجاره الملابس

وهي من البيطاش بالإسكندرية

3- هى من البيطاش فى اسكندريه ((و ابوها من سوهاج))

لجأت وقت المشاجرة إلي الاتصال بصاحب الفندق الذي تعمل فيه بشرم الشيخ

4- اتصلت بصاحب الفندق الذى تعمل به فى شرم
طيب هى بتاجر فى الملابس و لا بتشتغل فى فندق
هى من سوهاج و لا من اسكندريه و لا بتشتغل فى شرم

لجأت وقت المشاجرة إلي الاتصال بصاحب الفندق الذي تعمل فيه بشرم الشيخ

5- العصا مش كهربيه امال الصوت اللى سمعنها فى الكليب ده بتاع ايه
((زغزغه))

انا مش فاهم اى حاجه

**م/محمد صلاح** · 05-09-2008 02:51 AM

فى جريدة الاخبار قالو انها من اسكندريه ومطلقه وعندها 35 سنه وبتتاجر فى الملابس بس ماجابوش سيرة بباها الدكتور ولا جابو سيرة سوهاج ولا شرم الشيخ

**amr mokhtar** · 05-09-2008 02:57 AM

يا جماعة انتوا شاغلين نفسكوا بالأشكال دى ليه؟

يا محمد انا مش بستغرب من انى أسمع الكلام ده بعد ما بقيت بشوف البنات قاعدين يشربوا شيشة عادى جدآ قدام امها و أبوها
أما بخصوص التحقيقات فلا أظن ان يتم فبكرتها لإنها مش بنت باشا و لا حاجة دى طلعت بنت عربجى

**eng/muhamad** · 05-09-2008 03:07 AM

المشاركة الأصلية كتبت بواسطة amr mokhtar

يا جماعة انتوا شاغلين نفسكوا بالأشكال دى ليه؟

يا محمد انا مش بستغرب من انى أسمع الكلام ده بعد ما بقيت بشوف البنات قاعدين يشربوا شيشة عادى جدآ قدام امها و أبوها
أما بخصوص التحقيقات فلا أظن ان يتم فبكرتها لإنها مش بنت باشا و لا حاجة دى طلعت بنت عربجى

انا معاك فى كلامك بس انا مش بتكلم على سلوكها علشان ده مش محتاج كلام هو واضح لواحده
انا بتكلم على التناقض الغرييب اللى فى التحقيق حجات كلها عكس بعض
من سوهاج جنوبا الى اسكندريه شمالا و من الاسكندريه غربا الى شرم شرقا
و فى الاخر المشكله تحصل فى فيصل يعنى الجيزه
اعتقد عداد الاوبترا اللى مع البنت دى عامل كم كتيييييييييييييييييير
دى واخده البلد كلها رايح جاى
استاذن الاستاذ منير كريم فى الحته دى
ننيييييييهههههههههههههه

**MEDO80** · 05-09-2008 03:09 AM

دى طلعت بنت عربجى[/quote]
طيب ذنبة اية ابوها ممكن يكون راجل غلبان و مغلوب علي امره زي ما بنشوف في عائلات كتير السلطة فيها نسائية او معدومة

**KoDaK_Gti** · 05-09-2008 03:13 AM

المشاركة الأصلية كتبت بواسطة amr mokhtar

يا جماعة انتوا شاغلين نفسكوا بالأشكال دى ليه؟

بقيت بشوف البنات قاعدين يشربوا شيشة عادى جدآ قدام امها و أبوها

شيشة بسسس ؟؟
ماخفى كان اعظم وانا معاك فى رأيك اللى زى دى محدش يشغل باله اصلا بموضوعها

**amr mokhtar** · 05-09-2008 05:52 PM

المشاركة الأصلية كتبت بواسطة MEDO80

دى طلعت بنت عربجى

طيب ذنبة اية ابوها ممكن يكون راجل غلبان و مغلوب علي امره زي ما بنشوف في عائلات كتير السلطة فيها نسائية او معدومة[/quote]

صدقنى مستحيل يكون أهلها ناس محترمين لإن الراجل المحترم ما يرضاش أبدآ ان بنته يكون ده سلوكها