ليه التويوتا بتنزل التعليق الخلفى ليها تورشن بيم مش مالتى لينك زى الهوندا و زى الاوبل و زى عربيات كتير محترمه
و ما هى ميزه المالتى لينك عن التورشن بيم ؟؟
ليه التويوتا بتنزل التعليق الخلفى ليها تورشن بيم مش مالتى لينك زى الهوندا و زى الاوبل و زى عربيات كتير محترمه
و ما هى ميزه المالتى لينك عن التورشن بيم ؟؟
انا جاوبتلك على استفسارك بس النت قطع وعامل الجهاز هيبرنيت
عموما خلاصه الكلام البيم افضل لمصر وطرق مصر
والفراافير يستخدم المالتى لينك
اقتباس:
المشاركة الأصلية كتبت بواسطة asemx1
يا ريت حضرتك لو فاهم ترد على اد السؤال ولو مش عارف ومش فاهم متردش بتجريح فى الناس وخلاص ولاحظ ان هنا فى المنتدى ناس كتير اوى عربيتها مالتى لينك امثال الاوبل والانسر والهوندا والشغل الالمانى طبعا
وتصحيح لكلامك .... ان الافضل فى مصر بالذات علشان الطرق الواعره والعالى والواطى هو ان يكون نظام التعليق الخالفى مالتى لينك مش تورشن بيم لان المالتى لينك مصمم خصيصا للطرق الوعره بحيث تجرى وتسحب براحتك وتبقى متأكد ان السياره ثابته جدا على الطريق وخد ملفات براحتك وعلى سرعه واعمل اللى انت عايزه كل ده بفضل المالتى لينك
اما التورشن فهو فاشل جدا فى السرعات وعايز سواقه هاديه جدا لانه بيؤدى اللى عومان السياره وعدم ثابتها على السرعات العاليه يعنى اخرك بيك 120 مش اكتر
عرفت ان كلامك غلط
كلامى غلط يا سيدى ومعلش لو جه كلامى على قلبك وجرح مشاعرك الحساسه
الى انتا شايفه انى كلامى غلط
بس ركز فى كلامى وركز فى الى قولته وماتتسرعش فى الرد
انا بقول طرق مصر التورشن احسن ليها
ليه ؟؟؟
التورشن عباره عن عمود واصل بين العجله اليمين والشمال
يعنى العفشه الخلفيه ملهاش مقصات زى المالتى لينك
ودا معناها ان العجلتين الخلفيتين محمله على 2 مساعد و 2 سوسته
ودا معناه برضو ان العجله اليمين لو اخدت مطب هتاثر على العجله الشمال بنفس المقدار
يبقى لما المطب يخبط فى العجلتين ايه الى يحصل هتحس فيه بالعربيه اكتر
يعنى التورشن دا مش مريح طبعا ومقرف فى المسافات
انما ليه هوا ينفع لمصر ؟؟
لان معظم المطبات عندنا جبليه وذات معالم بريه والطرق عندنا غير ممهده للاستهلاك الادمى
فاى مطب هييجى فى العجل هيرفع العربيه كلها واى نقره هتيجى فى العجل هترفع العربيه كلها
كما ان صيانه التورشن بيم تقريبا معدومه لعدم وجود جلب مقصات وزوايا واتزان وكلام كتير
يعنى تكلفتها فى الصيانه صفر الا لقدر الله حصل حادثه يعنى لما هروح اظبط زاويا هدفع نص الفلوس الى بيدفعه واحد معاه لانسر سوبر اكشن
فاذا استحمال التورشن على الطرق اكتر من المالتى لينك
يبقى الخلاصه ليه تورشن ومش مالتى لينك
1-علشان طرق مصر الجميله
2-علشان اوفر فى الفلوس
3- علشان لما احمل على العربيه ماتنزلش اوى
4-معظم التورشن ارتفاع عربياته اكتر من المالتى لينك
طيب نيجى للمالتى لينك
المالتى لينك معناه العجل اليمين منفصل تماما عن الشمال وكل واحد متصل بمقص منفصل
ودا هيدى عندك هدوء اكتر فى القياده وثبات اكتر لان اى مطب او حفره جت على العجله اليمين مش هتاثر على الشمال
ودا هيدى ثبات اكتر علشان المقصات ليها زوايا يعنى مع تغير الحمل المقصات بتتغير زواياها على حسب التصمييم
فدا بيزودا الثبات والسرعات العاليه
طيب يبقى العربيات الغاليه الى الناس بتقول عليها ثابته على الطريق وسريعه واتزانها حلو وهاديه كل دا هتلاقيها مالتى لينك ودا بيختلف طبعا العفشه الرياضيه عن المش رياضيه
لكن بيعيبها ان المالتى بيحتاج صيانه كتير ظبط زوايا وتغيير جلب مقصات كل فتره
دا غير ان لقدر الله المقص حصله حاجه بتغيره لو اخدت مطب جامد او حفره واتعوج منك
يبقى انا اجيب ليه مالتى لينك وما اجيبش التورشن
1- ثبات اكتر
2-هدوء اكتر
3-راحه اكتر وسرعه اكبر
علشان كدا هتلاقى معظم العربيات الغاليه مالتى لينك
ومعظم العربيات حماله الاسيه تورشن بيم
مثال على التورشن ( اى 4x4 تورشن بيم - تويوتا هايلوكس - برادو - جيب - لادا - بعض انواع الفيات - الشاهين - الياريس علشان المنتدى هنا - اوبل كورسا علشان ما تزعلش - الخ)
وعلى فكره التورشن بيم اتلغت خلاص فى الصناعه فى العفشه الاماميه فى اى عربيه دلوقتى مالتى لينك امامى
كلامى كله على العفشه الخلفيه
ودا كله علشان يزودوا الثبات فى القياده مع تغير الاحمال لان التورشن بيم اثبت فشله امامى لسوء التوجيه والملفات والاحمال
انما خلفى فهو ممتاز للطرق الوعره
وكلام كتييييييييييير عن الزوايا عايز اقوله
بس انا بعشق التكنولوجيا والتعقيد وبالنسبالى المالتى لينك فيه كل الهندسه والاتزان واللعب كله فيه انما البيم غبى مافيهوش ابداع
واختلاف كل عربيه عن التانيه فى الغلاء فى تصميم المالتى لينك
عرفت ليه بقى انا بقول الفرافير بيحبوا المالتى لينك مش تجريح والله انا معايا اوكتافيا واكيد انتا عارف انها مالتى لينك بس اكيد مش بعاملها معامله العبيد زى الياريس
وعلشان كلمه انا مش فاهم
فاعرفك بنفسى المهندس عاصم جاد
متخرج من هندسه المنصوره قسم ميكانيكا قوى بتقدير جيد جدا مرتبه شرف
اتدربت فى تويوتا العباسيه والعبور ومرسيدس الاسكندريه الزراعى و مراكز خدمه كتير
وبشتغل دلوقتى مهندس تحليه مياه فى خليج العقبه
والدى استاذ دكتور فى هندسه قسم ميكانيكا قوى واسمه د/حلمى جاد لو مش مصدق اعمل سيرش على جوجل
وعامل كتاب من 600 صفحه عن تكنولوجيا السيارات اسمه ماذا تفعل اذا توقفت سيارتك فى الطريق
فيه شرح مفصل عن كل قطعه فى السياره وجميع الاحتمالات الى ممكن تحصلك لو عطلت بيك العربيه فى الطريق
وباب الزوايا فيه فيه شرح مفصل جدا عن الزوايا والى هتعرف منه ظبط الزوايا ازاى
طولت عليك يلا تحياتى لك يا سيدى
شكرا جزيلا asemx1:cheekkiss5:
اقتباس:
المشاركة الأصلية كتبت بواسطة asemx1
اولا : بغض النظر حساسه ولا مش حساسه شكرا على زوئك العالى
ثانيا : بدل حضرتك فاهم كده ووضحت بالشرح الوفى والجميل ليه مقولتش كده من الاول خصوصا ان الراجل صاحب الموضوع قصدى السؤال شكرك فى تانى مشاركه لحضرتك مش فى اول مشاركه وده حال كل واحد دخل وقرأ مشاركتك وده اللى بنتكلم فيه هنا فى المنتدى من تبادل خبرات ونقدر نفيد بعض انما للاسف حضرتك موضحتش غير لما وجهت حضرتك بالنقض
ثالثا : انت امرك غريب انت وضحت وشكرت فى المالتى لينك وقولت كل المميزات الى بيتمتع بيها النظام ده يعنى احنا شبه متفقين
انا بدور على الثبات العربيه فى الجرى والامان كمان ودى اهم حاجه فى ركوب سياره اصلا وده ايضا حال كل واحد بيدور على عربيه تبقى بنفس المواصفات دى
وحضرتك بتدور على كيفيه التغلب على وجود نقره فى المطب وده امر كل فين وفين لما بيقابلنا وبعدين احنا لما بنيجى ناخد مطب فى كتير بياخدوه بالعرض او استنضف اى حته هتعدى عليها العجلتين فيا سيدى الفاضل الموضوع مش معقد للدرج
وكمان حضرتك بتجبلى امثله عربيات دبابه مثل الاده والشاهين والجيب والشروكى يا عم قول كلام غير ده وهاتلى امثله عربيات زى الى ركبنها وبنتكلم فيها مش عربيات دبابه زى مثلا السيراتو والتويوتا والالنتر الجديده مش دى عربيات تورش بردو مش دى عربيات لما بتحملها بتسحف على الارض ومتعرفش تخد مطب بيها الا بالعرض مش دى عربيات اخرك بيها 120 علشان الثبات شبه معدوم
اظن حضرتك باه كده فهمت انا بتكلم فى ايه بالظبط
اه على فكره انا راكب عربيه وان عندى 12 سنه وكنت بشتغل كمان كهربائى وميكانيكى سيارات فى الاجازه ده بجانب انى مهندس اليكترونيات واسف على الاطاله
انا كتبت فى تانى رد انى جاوبتله على سؤاله لكن النت قطع ورديت باختصار علشان كنت على الموبايل
ثانيا انا بعشق المالتى لينك لان هندسه التعليق كلها فيه ومحاولات كتير علشان العجل يفضل بنفس الزاويه عاى الارض مع تغير الاحمال
ووضحت انه اهدىء واثبت على السرعات وانا بعشقه جدا لكن بره مش فى مصر نظرا لشوارعنا الى العفشه بتشوف فيه مهاول
ووضحت انى اخترت التورشن علشان انا ببهدل قى المشى
وعلشان صيانته اوفر
ودائما كلما زاد التعقيد زات العيوب
وردى كان متاخر عقبال ماروحت وكتبت الرد
وانا سايب للمستفسر حريه الاختيار بين المزايا والعيوب لكل نظام على حسب مادياته
تحياتى لك
Torsion beam :
medium Heavy duty and less comfortable and common in commercial utes
Multi link : Enjoy independent suspension
but less capabilities
Top Heavy duty : rear leaf springs like land cruisers troopy
I will choose multi-link over that torsion-beam ANY DAY... I believe it's more reliable in terms of stability on the road, in Egypt or elsewhere, regardless any kind of talk about it's "costly" maintenance whatsoever!!
In real life, I would have NEVER chosen a Toyota Corrola over my own Lancer EX as mine delivers much higher performance and feels much safer and more stale on the road thanks to its rear multi-link suspension in the first place!!
I guess the majority are concerned more about safety than anything else, which is a "multi-link" suspension is all about...!!
شكرا جزيلا asemx1 معلومات قيمه جدا ولكن سؤال
السيات قرطبه بفهمى لكلامك
العفشه الخلفيه تورشين بيم والاماميه مالتى لينك