كلمة ممكن تزعل!!!

**pointer** · 05-09-2008 01:22 PM

المشاركة الأصلية كتبت بواسطة NaderNabil

يا جماعة انا مش باجيب الكلام ده من عندي و مش اجتهاد شخصي....
دي صفحة الباسات في وكيبيديا..و فيها كل المعلومات من يوم ما قالوا يا باسات

http://en.wikipedia.org/wiki/Volkswagen_Passat

اولا ازيك يا نادر باشا
حكايه الفتيس الصيني سمعتها كتير في المنتدى هما بس ماتاكدتش منها بعني والله اعلم
وممكن يكون صيني فعلا ايه المشكله ال مهم الماركه ايه و الرقابه ايه يعني الميني كوبر محدش جاب سيره موتورها ليه وهي اصلا انجليزي وتبع BMW والموتور متصنع في البرازيل
نرجع و نقول الماركه ثم بلد الصناعه ثم التجميع

**NaderNabil** · 05-09-2008 01:37 PM

المشاركة الأصلية كتبت بواسطة pointer

اولا ازيك يا نادر باشا
حكايه الفتيس الصيني سمعتها كتير في المنتدى هما بس ماتاكدتش منها بعني والله اعلم
وممكن يكون صيني فعلا ايه المشكله ال مهم الماركه ايه و الرقابه ايه يعني الميني كوبر محدش جاب سيره موتورها ليه وهي اصلا انجليزي وتبع BMW والموتور متصنع في البرازيل
نرجع و نقول الماركه ثم بلد الصناعه ثم التجميع

ما هو ده اللي باقوله...مش معني ان الفتيس صيني يبقي العربية بقت فرز تاني أو درجة تانية....

**passat** · 05-09-2008 02:08 PM

[quote=NaderNabil;400500]يا جماعة انا مش باجيب الكلام ده من عندي و مش اجتهاد شخصي....
دي صفحة الباسات في وكيبيديا..و فيها كل المعلومات من يوم ما قالوا يا باسات

http://en.wikipedia.org/wiki/Volkswagen_Passat[/quote]

بص يا نادر أحب اوضحلك حاجة أنه مينفعش تتخذ موقع ويكبيديا كمرجع نهائي لمعلوماتك لأنه فالأخر عبارة عن موسوعة انترنت عالمية مصدر معلوماتها اشخاص عادية سواء متخصصين أو غير متخصصين ممكن يكون منهم انا وأنت وأى واحد عنده اكونت فالويكيبديا، وممكن ادخل بالأكونت بتاعى دلوقتى حالاً اكتبلك فالصفحة بتاعة الباسات انها ايطالي مش المانى أو حتى مصري واغير محتويات الصفحة فلازم يبقا عندنا مصدر حقيقي يأكد المعلومة غير مواقع الانترنت لكن انا متفق معاك انه اياً كانت بلد الصنع فأنا بشتري عربية Made in Volkswagen وميهمنيش غير كده.

**mohamed ibiza** · 05-09-2008 02:11 PM

المشاركة الأصلية كتبت بواسطة NaderNabil

مافيش حاجة اسمها تخليط:)...و مافيش حاجة اسمها أقل موديل
اللي بنزل بره هي اللي بتنزل هنا

و حكاية الفتيس الصيني دي أشك فيها الا لو كنت شوفتها بعنيك....و حتي لو صيني ده هاينطبق علي كل الباسات مش اللي في مصر بس...لأن ده Supplier بيدي لشركة فولكس

أصل هيا مش جزمة Adidas و جزمة تانية Adidos!!!

انا قصدي بكلمة تخليط انها مل فيلم اغنية يعني اولا العربية مش تقفيل الماني دي حاجة خش علي الموتور تلاقيه الماني الفتيس صيني و ده اتفك ادام صاحبي اللي هو صاحب محل فولكس هاوس قطع غيار vw skoda seat audi و لقوه مكتوب عليه MADE IN CHINA وطبعا الفتيس كان بيتفك عشان بيتغير :):)

و قصدي بكلمة اقل موديل نزل من الباسات مش قصدي علي العربية اللي بتنزل برا و هنا انا قصدي ان الباسات 2008 عموما اقل موديلات الباسات جودة لو ركبت الباسات 99 هتحس حتي بفرق في الثبات بين الاتنين ال 99 اعلي..غير كده الباسات مشهورة بالعيب الكبييييييييييييييييييييي ييير المقصات الالمونيوم و يا ريتهم مقصين دول 8 مقصات و مبينزلهمش جلب مقصات لما الجلب تبوظ تغير طقم مقصات علي طول :):) فهمت قصدي

**Sharky** · 05-09-2008 02:16 PM

من الأخر يا جماعة الباسات فى مصر بتصنع فى المانيا مش البرازيل سواء الفتيس صينى أو لأ و نفس الكلام ينطبق على الجولف

الجيتا بتتصنع فى المكسيك

أى كلام غير كده غير صحيح

**NaderNabil** · 05-09-2008 02:17 PM

بص يا نادر أحب اوضحلك حاجة أنه مينفعش تتخذ موقع ويكبيديا كمرجع نهائي لمعلوماتك

دي حقيقة..و كنت قلت كده في موضوع سابق...لكن احنا هنا بنتكلم عن بلد الصنع...يعني مكان وجود المصنع....لو كان فيه مصنع تاني للباسات كان اتكتب لأن دديه مش معلومات سرية...الا اذا كانت فولكس العالمية بتخفي الأمر ده:)

و لو أخدت بالك مكتوب في الموديلات اللي قبل الحالية ان كان فيه جزء منهم بيتصنع في سلوفاكيا...الي جانب ألمانيا...

انا مش فارق معايا الباسات مصنوعة فين...يا رب تكون مصنعة في السودان...بس المعلومات واضحة قدامنا كلنا...و أبسط حاجة نعملها نفتح أي عربية و نشوف مكتوب بلد الصنع ايه !!

**mostafa el-gohary** · 05-09-2008 04:40 PM

يا جماعة الباسات ألماني أما بالنسبة للفتيس اللي بتقولوا عليه صيني حتي لو طلع كده . للعلم شركات السيارات مبتصنش كل المكونات .وأكيد جودته عالية

**Chicco** · 06-09-2008 12:03 AM

بس التقفيل فعلا بيفرق

الفولكس المكسيكي سمعته مش تمام هنا في كندا بسبب عيوب التصنيع ....
الانقح بقى المرسيدس الأمريكاني أسوأ بكتير من الألماني و جايب سمعة مرسيدس الأرض في أمريكا الشمالية كلها