اول تقرير بالصور لتويوتا كورولا 2014 الجديدة في مصر

http://nileup.com/up/uploads/nilemotors_13774507741.jpg

انهارده عديت بالصدفة على العباسية ولاقيت نفسي جنب تويوتا مصر قلت اخش ابص على الكورولا الجديدة وبالمرة بقا اعمل تقرير بيها لاحلى منتدى :36_3_10[1]:

الواضح انهم منزلين منها كتير يعني تقريبا كده كانت مغرقة المعرض

العربية صناعة تركية وفي منها اربع فئات ودي صورة بمواصفات كل فئة واسعارها

اول وتاني فئة زي بعض بالظبط الفرق الوحيد ان الفئة الاولى مانيول والتانية اوتوماتيك

http://nileup.com/up/uploads/nilemotors_13774523581.jpg

http://nileup.com/up/uploads/nilemotors_13774507752.jpg

العربية من الخلف

http://nileup.com/up/uploads/nilemotors_13774507753.jpg

من الجنب

http://nileup.com/up/uploads/nilemotors_13774507754.jpg

من الامام

العربية نازلة بفرد كاوتش بريدجستون ياباني

http://nileup.com/up/uploads/nilemotors_13774521393.jpg

دي فردة بالطاسة

http://nileup.com/up/uploads/nilemotors_13774521392.jpg

ودي فردة بالجنط

http://nileup.com/up/uploads/nilemotors_13774516884.jpg

ناقل الحركة الاوتوماتيك

http://nileup.com/up/uploads/nilemotors_13774526794.jpg

ناقل حركة يدوي ب 6 سرعات

http://nileup.com/up/uploads/nilemotors_13774507758.jpg

شكل عدادات السرعة في الفئات التالتة والهاي لاين بس والشكل بيتغير في الفئات الاقل

http://nileup.com/up/uploads/nilemotors_13774507769.jpg

ده شكل العدادات في الفئات الاقل

http://nileup.com/up/uploads/nilemotors_13774512556.jpg

التابلوه وه بيختلف تماما في الهاي لاين بيبقى شكله اشيك بكتير من كده

http://nileup.com/up/uploads/nilemotors_13774521397.jpg

ده الهاي لاين فيه شاشة وكاميرا للركن وتكيف تاتش وشكلة في الحقيقة احلى بكتير خصوصا مع الفرش الجلد

http://nileup.com/up/uploads/nilemotors_13774507757.jpg

الباب

http://nileup.com/up/uploads/nilemotors_13774507756.jpg

http://nileup.com/up/uploads/nilemotors_13774526797.jpg

دي زراير اوتو بارك وحاجات تانية كده :C_laugh[1]:

http://nileup.com/up/uploads/nilemotors_13774521381.jpg

دي صورة للكنبة اللي ورا بحامل الاكواب وطبعا الكنبة واسعة جدا

http://nileup.com/up/uploads/nilemotors_13774516899.jpg

درج التابلوه

العربية مفيش فيها فتحة سقف في اي فئة بس احلى حاجة فيها انها بتركن لوحدها !! :oh:

انا مش بتاع تقارير اوي يعني بس انا اجتهدت على قد ما اقدر واتمنى اكون افدتكم

تسلم اديك يا باشا

هتعمل مبيعات جامده بالفئه التانيه أوتو اللي ب 185 - حاجه كده تفكرنا بالسيراتو القديمه.

كنت فى المعرض النهاردة وشوفت الفئة اللى ب 185 هى جميلة اه بس اللى عحيتنى اكتير تويوتا اوريس ب 190 هاتش باك شكلها من بره مش احلى من الكرولا اه بس الاحسن انها 132 حصان ومن جوه التابلوه زى الهاى لاين من التويوتا كاست تاتش وكاميرا خلفية وكمان فيها شفتات فى الدريكسيون واحد صاحبى جاب الاوريس وبيشكر فيها جدا

ايه رائيكوا اجيب الكرولا ولا الاوريس ؟؟؟؟؟؟؟؟؟؟ :Oc_sun1[1]:

nice report
thank u

تسلم ايدك
و العربيه واضح انها هتبيع جامد
و هي الحصان الاسود السنه الجايه و هتعيد امجاد موديل 2002

مجهود رائع و سياره عريقه تستحق التقدير

تقرير ممتاز ,, تسلم ايديك

شكرا يا باشا. بس لسه فاضل فئه اللى فيها فتحه سقف

بسم الله الرحمن الرحيم
تقرير ممتاز الله يكرمك

ممتازة بس واطية جدا من الارض وهتحك فى كل المطبات للاسف

تسلم ايــدك
مجهود رائــع ..

هى اعلى فئه بس اللى فيها ايموبلايزر؟ولا انا فاهم كلمه المفتاح الذكى دى غلط؟

اعتقد موضو تركى هيفكر الناس بالجنوب افريقى
يعنى المفروض تكون ارخص بما انها مش تقفيل يابانى
انا عاشق للكورولا وعارف ان فى ناس بتجيب الاسم من غير تفكير وبالتوفيق لمالكيها
شكرا للتقريروالصور

مفيش فيها فميه

طيب ادفع 185 في تركي ولا اجيب النترا اعلى حاجة بنفس السعر

اقتباس:

---

المشاركة الأصلية كتبت بواسطة معتز 603

طيب ادفع 185 في تركي ولا اجيب النترا اعلى حاجة بنفس السعر

---

لا طبعا تدفع في التويوتا عشان مهما كان دي تويوتا واي مصنع ليها بيكون لية معايير خاصة ومعينة
دة غير انها اعتمادية وصيانة اسهل واعادة بيع اسرع

المانيوال 6 سرعات
طيب الأتوماتيك كام سرعة حد يعرف ؟

اعتقد انها اخيرا هتدخل فى مقارنات كتيره الفتره الجايه بس مشكلتها هيبقى الاسعار لان اعلى فئه ده دخلت مع الالمانى وهنشوف الايام الجايه بس فعلا رائعه

هى الفئة التالتة بتركن لوحدها ولا لا ؟؟؟

مساء الفل يارجاله ينفع اطلب من التوكيل كورولا 2014 بموتور اوريوس 132 حصان وتحياتي

اقتباس:

---

المشاركة الأصلية كتبت بواسطة تويوتا افريقي

مساء الفل يارجاله ينفع اطلب من التوكيل كورولا 2014 بموتور اوريوس 132 حصان وتحياتي

---

ما تدور علي كورولا 1.8 أحسن

تسلم اديك يا باشا تقرير ممتاز الله يكرمك

الله يكرمك على التقرير الجميل ده
أنا عايش في السعودية وعاوز اشتري كورولا 2014 بس مش عارف اشتريها من السعودية ولا اشتريها من مصر مع العلم أنه مع الجمرك هتكون الاسعار بنفس السعر تقريباً
وأخبار التوكيل ايه في مصر واخبار قطع الغيار
لكم كل الشكر على الإجابة وربنا يوفق إن شاء الله

تسلم ايديك يا باشا

الف شكر على التقرير

انا شايف ان افضل وصف للعربية دي اننا نقول عليها تويوتا سيفيك او هوندا كورولا :)

لما تويوتا طورت شكلها عملت كوبي من الهوندا اللي بقالها كام سنة في الشوارع

اقتباس:

---

المشاركة الأصلية كتبت بواسطة amrico

الف شكر على التقرير

انا شايف ان افضل وصف للعربية دي اننا نقول عليها تويوتا سيفيك او هوندا كورولا :)

لما تويوتا طورت شكلها عملت كوبي من الهوندا اللي بقالها كام سنة في الشوارع

---

وجهة نظر برضه
انا المدام برضه اول ما شافتها افتكرتها السيتي

هيا فعلا تنفع هوندا كورولا , بس رأيي انها أحسن في الشكل الخارجي و الداخلي من الهوندا

اقتباس:

---

المشاركة الأصلية كتبت بواسطة boooning

هيا فعلا تنفع هوندا كورولا , بس رأيي انها أحسن في الشكل الخارجي و الداخلي من الهوندا

---

اكيد قصدك علي ال 2013
ال 2014 بقت احسن بكتير و احسن من الكورولا الجديده

اولا تسلم ايدك. فعلا تقرير اكتر من رائع
اللي محيرني ومجنني هو ليه بيعتبرو ان المانوال دايما هو اقل فئة وبيحطو فيه اقل اوبشنز
طب ليه مايكونشي فيه فئات في المانوال زي الاتوماتيك
يعني يبقى فيه مانوال بيزلاين وهاي لاين وتوب لاين
يعني انا من عشاق المانوال وعلشان اخد امكانيات يبقى لازم اركب اتوماتيك وبالتالي هضطر اني اسيب العربية ديه وادور على حاجة تانية يكون المانوال بعتها فيه اوبشنز كويسة. وللاسف النظرية ديه عند معظم التوكيلات في مصر

nice

نفس شكل الاوريون والافالون

اقتباس:

---

المشاركة الأصلية كتبت بواسطة horas3000

وجهة نظر برضه
انا المدام برضه اول ما شافتها افتكرتها السيتي

---

انا شفت العربية معروضة في موبيل جنب بوابة بورتو مارينا وبصراحة خفت اشوفها من جوة :)

بصراحة الواحد متعقد من الخامات اللي ريحتها وحشة لإنتريور العربيات الجديدة

يا رب دي تبقى غير الباقيين