الموضوع: الحمد لله استلمت كرولا 2014 النهاردة

الف مبروك و ربنا يديلك خيرها و يكفيك شرها, يا ترى استهلاك البنزين اخبارة ايه

باشا الف مبروك على السيارة وربنا يعطيك خيرها ويكفيك شرها ونرجو منك التقرير عنها زى ماوعدتنا وشكرا

الف مليون مليون مبروك على العربية الجديدة
عاوز تفاصيل اكثر بكثير عنها وعن كيفية راحتك فيها وعن التوكيل وعن عيوبها ومشاكلها وعن مميزاتها والصيانة طبيعية وسهلة في التوكيل
يعني كل حاجة عنها بعد اذنك
وربنا يباركلك فيها إن شاء الله ويكفيك شرها أمين يارب العالمين

السلام عليكم يا جماعة والله مش عارف ازبط تقرير من ساعة ما استلمت العربية حتى قولت لما اعمل الاف كيلو و العداد لسة 200 و للاسف مصورتهاشى والله حتى لما عملت تائمين عليها و هيا لسة بستلمها بس صدقونى العربية روعة جدااا و بردة هاحاول اجاوب على اى سؤال بصوووووووااا انا شخصيااا مستنى العربية دة من سنة تقريبا و انا بطبعا بحب اقارن و افكر كتيررر و كنت متردد علشان شكل جديد بس توكلت عالله و مستنشى اعرف اية ظروفها من حد تانى علشان الكلام هايبقى كتير و الفتى اكتر اكتر حاجاتين فى العربية كنت مقلق منهم انها تركى لانى كنت عارف انها هاتبى تركى من فترة كبيرة قوووى و التانى ان الخلوص الارضى هايقل بس توكلت عالله علشان نبقى صح مافيش عربية كاملة من كلة لازم كل عربية هايبقى فيها ميزة و عيب بمقارناتى الكثيرة و الفئة السعرية الحمد لله الكرولا تكسب باكتساح فى جميع المقارنات سواء النعومة سواء التوكيل سواء الركوبة سواء طلب السوق و هالخص بردة ممبزات العربية علشان انا وعت الاعضاء و المنتدى من حيث الشكل الخارجى الله اكبر عليةسواء من الامام او الخلف الى كانت محتاجة من الخلف كانت الفوانيس تبقى ليد كانت هاتبقى روعة بس اظاهر فكرة التوفير لسة موجودة حتى بعد ما بقت تركى الفانوس الامامى مبقاشى ملطش زى الى الشكل الى فاتت و احب اعقب على العضو الى بيقول ان الفانوس الخلفى فيهم فراغ علشان دخول المية احب اقولة و لا الدموع مافيش نقطة بتدخل جوة علشان كدة قولت فى الاول الكلام هايبقى كتيررر و ياريت كل واحد ميال للعربية ينزل يتفرج عليها كرة و اتنين علشان يقتنع نيجى بقى للداخل التابلوة ناس كتير و انا شخصيا كنا بتعيب علية لكن طلع جيد و تصميم ممتاز و العدادات جيدة جدا و كلة واضح و مريح القاعدة مريحة جدااا سواء امامى او خلفى زاوية الرؤية من عند السائق ملمة بجميع اجزاء العربية مش زى الشكل القديم الخامات المستخدة بعتبرها جيدة و ليست ممتازة بالسبة بقى للنعومة حدث و لا حرج بالنسبة لاستجابة الماتور و بالاخص بعد ما بقى سبع سرعات بقى مافيش اى فقد للسرعة العزل جيد جدااا و ماتسمعشى اى حاجة برة خالص العفشة جيدة جدااا استهلاك البنزيم جيد جدااا برغم انها لسة تحت الاف لما فولت العربية كانت 53 لتر و التانك كلة 55 كان قراية الكومبيوتر حوالى 650 نيجى بقى للجزء ان فى ناس حايفة منة قوووى و هو الخلوص الارضى من الاخر هو مش جيدا جداا بس مش سىء قوووىى لو هاقيمة اديلة 7/10 و دة حال معظم العربيات اليومين دول و عن نفسى بعتبرها المانى علشان ما اشيلشى منها و زى ما قولت سابقا الخلوص دة علشان الشكمان حصل فية تعديل من الخلف علشان يوسع المقصورة من الخلف و مع التحميل العربية مش بتريح جامد و احب اطمن الناس ان الى بيحك فى المطب قفيز الى رابط الشكمان و متخافوشى خالص العربية مصفحة ضد اى شىء و فى عصو فاضل راح و قاس الخلوص بنفسة يا جماعة من الاخر الى ناوى يروح يتفرج و يسيبة من كلام الناس الى ولا هايودى و لا هايجب سياتك بتشترى تويوتا يعنى اسم كفيل باى حاجة ملحوطة علشان تعزرونى والله بكتب الموضوع فى الظلمة علشان ما اصحيشى الاولاد بس علشان خاطر المنتدى و اسف مرى تانية انى منزلتش بتقرير جامد و مرتب و منظم بالتوفيق

المشاركة الأصلية كتبت بواسطة ابو العينين

باشا الف مبروك على السيارة وربنا يعطيك خيرها ويكفيك شرها ونرجو منك التقرير عنها زى ماوعدتنا وشكرا

والله يا استاذى العزيز لما دخلت بس اتفقد المنتدى و لقيت طلب جضرتك احرجت جدااا و قولت احاول اوفى بعدى و ياريت اكون قدرت اوفى و بعتزر عن التاخير

المشاركة الأصلية كتبت بواسطة waelamin123

تعقيب على الفانوس الخلفى الثابت وليس المتحرك فيه تجويف بينه وبين جسم العربية لما تفتح الشنطة ودة خطر فى دخول الماء اثناء غسيل السيارة

جاوبت على سايتك و احب اطمن الناس كلها مافيش نقطة مية واحدة دخلت و شكراااااااا

المشاركة الأصلية كتبت بواسطة my3fox

أخبار العربية معاك أيه يا باشا..... ربنا يبارك لك فيها
و أخبار المطبات بتاعة المحروسة مع العربية عاملة أيه علشان موضوع إرتفاعها عن اﻻرض المنخفض ؟
يا ريت تطمني علشان ناوي أحجز في أقرب فرصة. .... في إنتظارك
شكرا مقدما

ما تفلفشى العربية مش واطية قوى للدرجة دة و الى بيجك قفزيز ال رابط الشكمان انا كنت محمل فيها اتنين غيرى و اخت مطب متوسط و محكتش بس لو مطب الى هو عالى قوى بتحك و مش فى جميع اجزاء العربية