مشكله غربيه فى دواسه البنزين

**soledad** · 26-08-2013 12:10 PM

السادة اعضاء المنتدى الكرام
امبارح وانا مسافر كان الطريق واقف وفجاءه بدوس بنزين لاقيت مافيش اى استجابه من الماتور
طبعا اضطريت انى امشى بالعربيه على الغيار الاول بدون مادوس بنزين على شان اركن على جنب و اشوف فيه ايه بس الطريق كان بيتحرك بالعافيه فقررت انتى ابطل وادور العربيه و اجرب لاقيت العربيه ضبطت
تتفتكرا كانت فين المشكله

**ehab_mansour** · 26-08-2013 12:29 PM

عربيتك دواسة كهرباء ... السبب هيكون اما بتعلق او الدواسة نفسها فيها مشكلة او فيشتها مهزوزة ناحية الدواسة او ناحية الفيوز بوكس .... الموضوع محتاج مراجعة لو اتكرر كتير و محتاج كشف كمبيوتر لو معرفتش توصل لحل

**أحمد جودة** · 26-08-2013 12:47 PM

المشاركة الأصلية كتبت بواسطة ehab_mansour

عربيتك دواسة كهرباء ... السبب هيكون اما بتعلق او الدواسة نفسها فيها مشكلة او فيشتها مهزوزة ناحية الدواسة او ناحية الفيوز بوكس .... الموضوع محتاج مراجعة لو اتكرر كتير و محتاج كشف كمبيوتر لو معرفتش توصل لحل

تمام الكلام .......... وجايز يكون السينسور محتاج تنظيف

**ehab_mansour** · 26-08-2013 02:48 PM

المشاركة الأصلية كتبت بواسطة soledad

هى الحمد لله ماحصلتيش من امبارح بس فيه ترشيح زيت بسيط عند الماتور ولاحظت انو واصل للبوابه احيانا الماتور بيبرجل امشى عليها شويه يضبط

مصدر الترشيح فين بالضبط ؟؟ و ازاي يوصل للبوابة ؟؟؟ و لو البوابة متسخة جامد يبقي نظفها عشان العربية تفضل مضبوطة و متبرجلش

**Ahmed Amin** · 26-08-2013 01:01 PM

المشاركة الأصلية كتبت بواسطة mem

الواضح من كلامك ان العربيه اوتوماتيك
واللى حصل ده نتيجه انك فضلت واقف فى الزحمه كتيير وانت جايب ال d
المفروض لما تكون واقف فى طريق مزدحم فتره تجيب الغيار على ال n من اجل تريح الماتور
فده رد فعل عادى ولو كنت سيبت بنزين ودوست تانى كانت استجابت

حضرتك مقرتش الموضوع كويس, أو عندك لبس.

الموضوع مالوش علاقة بالعربية اوتوماتيك ولا مانيوال,,
والأوتوماتيك حتي لو وقفت بيه في زحمة كتير عال d, وجيت تدوس والعربية متحركتش بيبقي عيب فتيس مش موتور, يعني عدد لفات الموتور هيعلي والموتور مش هيتحرك..

دا غير أنو بيقول جاب الأول ومشيت بيه عادي لحد ما ركن, يعني العربية مانيوال ومكنش فيه أستجابة من دواسة البنزين.
وحتي لو كانت العربية أوتوماتيك وجاب d أي عربية هتتحرك برضة بس علي أقل سرعة زي أي عربية بتاخد d من غير ما يتداس لها بنزين.

**SYD** · 26-08-2013 06:34 PM

أزيك يا بشمهندس عبدالفتاح
طبعا البشمهندس إيهاب والأخوة قاموا بالواجب وزيادة
اللي يدخل زيت للبوابة هو مبخر الزيت
حاول دائماً تحط الزيت لمنتصف المؤشر

تحياتي