الموضوع: قدر الله وماشاء فعل محتاج نصيحه الوحوش العربيه لسه ماغيرتش زيت الفابريكه

المشاركة الأصلية كتبت بواسطة ahmedelfeky

الحمد لله علي كل شيئ قدر الله وماشاء فعل اللهم اجرني في مصيبتي واخلفني خير منها وحوش رينو انا معايا عربيه فليونس الفيس ليفت الجديده والعربيه ماشاء الله لا تعليق علي مدي حبي ليها ومميزاتها لسه ماكملتش 7000 كيلو مش هطول عليكما كنت بعدي مطب زي اي مواطن مصري المهم صديق لي معاه اوكتافيا 99 دخل في شنطه العربيه بسرعته وانا فوق المطب كان سرحان وماشافش ان انا ضارب فرامل وانتظار عشان المطبات الاضرار كالتالي:
1- الاكصدام الخلفي ادمر بس والله اعلم الحوامل بتاعته لسه سليمه.
2-غطا الشنطه كله سليم ماعدا الجزء اللي تحت النمر ناحيه الشمال برضه اتني شويه واتجرح.
3-المشكله الاساسيه مكان الاستبن وهو ده اللي لبس الصدمه كلها انا طبعا مش عارف اطلع الاستبن والكوريك من مكانهم لان الحديد زانق عليهم من ناحيه الشمال الصاج اللي راكب فيه الاكصدام اتني لان الخبطه كانت جامده جدا الشاسيه بتاع العربيه الحمد لله مافيهوش حاجه القصه باختصار في ماقبل مكان الاستبن من ناحيه الاكصدام دي مطبقه وبعد مكان الاستبن مسمعه شويه اعجواج الحمد لله الفوانيس كلها سليمه اللي ورا.


المهم خدت العربيه وطلعت ع التوكيل عشان انا معرفش حته اجيب منها الاكصدام وخصوصا انا مش متأكد هو نفس الاكصدام الخلفي للشكل القديم ولا لا
السبب التاني ان انا عاوز حاجه ستنادرد بغض النظر عن الفلوس
المهم في التوكيل عملوا مقايسه من9 الاف ل 12 الف لانهم لسه ماعملوش حصر دقيق واللي مقلقني انهم لسه مش راسيين هيبقي في قطع ولحام في حوض الشنطه ولا لا الصاجه الخلفيه دي تمنها لوحده 2000 وشويه المشكله التانيه اني في طابور طويل قصادي ومش هيخلصوا العربيه قبل شهرين انا عامه مسافر بره شهر وراجع ف دي مش مشكله قوي لكن رميه العربيه هناك شهرين مقلقني بس خصوصا انها زيرو

انا في نفس الوقت عارف الصنايعيه اللي بره كلام وبس وبيطلعوا عيوب كتير في الشغل انتوا رأيكو ايه مع العلم اني من طنطا ودي صوره الحادثه

[img][/img]

اﻷخ المواطن الحبيب طبعا قدر الله وما شاء فعل ومعجب بإيمانك وحاسس بيك ﻷنها زيرو بس مع إحترامي لكلام اﻷخوة الأعضاء الخبطة تافهة وبسيطة ولا تحتاج كل هذه النصائح وألفين جنيه و 5 أيام عمل ترجع زيرو ثم من قال لك إن صنايعية التوكيل بيعرفوا يرجعوا العربيات فبريكة ﻷن سمكري وبوهيجي التوكيل 99% منهم هم درجة رابعة وخامسة التوكيل في قطعة غيار نادرة لعربية مش موجودة لعربية شغل كمبيوترات ولسه منزلتش البلد
أخي المواطن كلامي مش حيعجبك ﻷني مباشر ومبحبش أحرق بنزين عالفاضي بس أما تخلص مستني منك رسالة عالخاص تبلغني فيها إن التصليح معجبكش أنا علقت عالموضوع ﻷن شكلك إبن ناس ومغلوب على أمرك وأنا معجب بالفلوانس وبدور على عربية أختها مقلوبة وفيها العبر وساعتها أوديها لسمكري وبوهيجي بكبيره 8 آلاف بشرط يرجعها زيرو ولو حد عرف إنها مخبوطة تتعاد تتعاد على حسابهم وحجيب قطع غيار قليلة وربنا يوفقك بس عربيتك مفيهاش حاجة