الموضوع: قدر الله وماشاء فعل محتاج نصيحه الوحوش العربيه لسه ماغيرتش زيت الفابريكه

المشاركة الأصلية كتبت بواسطة gebreel

الموضوع بسيط يا باشا متقلقش
الاكصدام هو هو بتاع الفلوانس الفيسليفت القديم ظاهريا الا لو كان مكان القواعد مختلف و لو اني معتقدش لأن التغير كلوا في الوش

الحتة اللي في باب الشنطة تتسمكر عادي و مش هيبقى فيها مشكلة ان شاء الله

اما الكبسة اللي في الظهر بتاع الشنطة دي ليها حاجة من 2 على حسب قوتها:
تتشد بزرجينة و دي انا عملتها في التوكيل و كلفتني 150 جنيه و ظبطوا باب الشنطة و القفل و الدنيا زي الفل الحمد لله
او تتغير و دي امرها سهل لأني اما غيرتها في عربيتي للاسف عرفت ان الرينو بيبقى معمول حساب الفك و التركيب بانهم بيضربوا شنيور في اماكن اللحام القطعة بتطلع في ايدهم و تيجي القطعة الجديدة باماكن لحاماتها بتتلحم في نفس الاماكن و العربية مبيبانش فيها اي حاجة و بتبقى بنفس المتانة

فا في الحالتين ان شاء الله بسيطة و المبلغ اللي قالولك عليه ده مبلغ لوزعي ممكن يقل منو شوية كويسين لأن انا المقايسة بتاعتي كانت ب21000 و دفعت 15000 لأن التأمين فاصل معاهم و في قطع غيار كانوا قايلين انها محتاجة تتغير و بعد الفك لقيوها سليمة ركبوها و مغيروهاش فهما عندهم امانة و الرش في التوكيل نضيف جدا جدا

اما موضوع الانتظار ده للاسف مفيش منو مفر لأن بيبقى في عربيات داخلة قبلك و لازم تخلص قبلك فبياخدوهم بالدور و سيبان العربية شهرين في التوكيل مفيش منو مشكلة لأنك بتاخد امر شغل فيه قراية العداد و بيبقى التوكيل مسئول مسئولية كاملة على العربية لحد ماتستلمها بالسلامة و بعد ما تستمها كار كير في اي مكان محترم او غسلة كويسة (انا عربيتي قعدت شهر و نص تقريبا و احتاجت غسيل برة و جوة بس علما باني كان الزجاج الخلفي كمان مكسور و كانت مركونة في حتة مش متغطية و الدنيا كانت بتمطر كمان :) )

ربنا يطمنك يا أستاذ جبريل انا للاسف مش مأمن عليها يعني مني ليهم وانا المفروض اخر الاسبوع ده ان شاء الله هروح امضي علي المقايسه مش عارف المفروض افاصل معاهم دلوقتي ولا بعد مايخلصوا شغل بس موضوع انهم عندهم امانه في تغييير القطع ده كان مقلقني بس كويس ان حضرتك طمنتي وربنا يسهل في موضوع المده ده وتعدي علي خير