الفرملة وتسقيط الغيار بالمشط والكعب
أحبائى أعزائى
أعذرونى انى بقالى فترة مش متواجد بس غصب عنى
الموضوع ده انا عامله للناس بتاعت الشد والجرى المفترية اللى قلبها ميت :3gears:
أنا عارف طبعا ان فيه ناس كتير هتدخل وهتقول ان الجرى خطر وحرام عليك والسواقة ملهاش كبير :funny34d:
بس انا كاتب الموضوع ده لأن مهم جدا اننا نعرف العربية بتمشى ازاى ونوقفها ازاى ومش شرط تكون بتجرى وبتشد عشان تستفاد من الموضوع ده, لأن جايز جدا حد فينا يتعرض لموقف مفاجىء وهو مسافر, لأن ساعتها كل اللى بيجى فى بالنا اننا ندوس فرامل بكل قوتنا ومن هنا بقى تبدأ فقرة الزحف المستمر من غير حتى ما تقدر تغير اتجاه عربيتك عشان تفادى الموقف
الموضوع ده للعربيات المانيوال بس سواء كانت بفرامل ABS او من غير
معظمنا طبعا عارف ان فيه حاجة اسمها تسقيط نقلة او غيار عكسى ودى ليها استخدامين:
1- لما العربية بتكون مش بتستجيب معاك مثلا لو انت ماشى على الغيار الرابع بسرعة 40 كيلومتر/ساعة وحبيت تخلى العربية تجمع اسرع عشان تنقذ نفسك من موقف معين او تكون هتشد مع حد فـ تديها نقلة اقل (حسب سرعتك) عشان تجمع معاك اسرع
2- لما تكون بتجرى وعايز تفرمل وانت عارف ان الفرامل مش هتسعفك خصوصا لو داخل ملف, ساعتها هتديها نقلة اقل وانت دايس فرامل عشان تستفاد من عزم الموتور فى الفرملة
بالنسبة لرقم 1 مفيش مشكلة, تقدر تسقط نقلة عادى جدا زى اى نقلة تانية
لكن رقم 2 لو اتعملت غلط ممكن تكسر فيها قواعد موتور او تكسر فتيس او تطير اسطوانة او تكسر صبابات (حسب الغيار اللى انت هتسقطه وسرعتك ساعتها) :oh:
لكن فيه حاجة اسمها Heel & Toe Downshifting او تسقيط النقلة بطرف وكعب الرجل
شوفو كده الفيديو ده وبعدين نكمل كلامنا
Tutorial: Heel & Toe Downshift (read de......ion first!!) - YouTube
هو ليه بيعمل كده!!!!!
هو بيعمل كده عشان يعمل توافق بين سرعة العربية وسرعة دوران الموتور والنقلة اللى انت هتجيبها
يعنى ايه؟؟!! :icq_offline:
يعنى مبقاش انا مثلا بعربيتى ماشى على الغيار التالت على سرعة 130 والـRPM على 6 وانزل للغيار التانى :wound13:
لكن الصح انى ادوس فرامل عشان اقلل سرعتى وبعدين ادوس دبرياج عشان استعد انى اسقط النقلة وبطرف رجلى (سواء مشط او كعب رجلى) ادوس بنزين عشان اخلى الـRPM على نفس المستوى اللى كان عليه قبل ما ادوس دبرياج وفى نفس الوقت اكون جبت الغيار التانى وشيلت رجلى من على الدبرياج (كل ده من غير ما اشيل رجلى من على الفرامل)
http://img13.imageshack.us/img13/9427/9vl.gif
Uploaded with ImageShack.us
ساعتها هتلاحظ ان مسافة الوقوف قلت بشكل كبير جدا بدون خطر الزحف وكمان تقدر ساعتها تغير اتجاه العربية
الموضوع ده كمان بيستخدموه السواقين فى السباقات زى الرالى والفورميولا عشان التراك بيكون فيه ملفات عاصية كتير بتخليه لازم يهدى سرعته قبل الملف وطبعا ده بيخليه ممكن يخسر السباق لأن الثانية بتفرق معاهم
طبعا لو دخل الملف بسرعته هتلاقى العربية زحفت منه بالجنب حتى لو حاطط عفشة وكاوتش مخصوص للكلام ده
لكن احنا بنلاحظ انهم بياخدو الملفات قطم من غير حتى ما العربية تميل او تطلع بره الحارة بتاعتها وكمان بيزود سرعته جوه الملف
http://img838.imageshack.us/img838/2557/fkiu.jpg
Uploaded with ImageShack.us
كده هو استفاد انه مش لازم يقلل سرعته قبل الملف بفترة كبيرة وبالتالى مش هيبقى بطىء
وكمان استفاد انه هيدخل الملف بكل ثبات لأنه مش هيحتاج يدوس فرامل فى الملف وكمان وزع ثقل العربية صح وده يخليها متميلش وتزحف جوه الملف وتخرج عن حارتها
وكمان استفاد انه هيطلع من الملف بسرعة لأن النقلة بتكون لسه فى عزمها
طيب الكلام ده بالنسبة للناس الجراية :33:
طيب بالنسبة للناس العاقلة هيفيدهم بايه؟؟!! :welcome2:
هيفيدهم فى حالة انك ماشى فى طريق سفر مش حافظه واتفاجئت بملف جامد شوية
هيفيدهم فى حالة ظهور حاجة فجأة فى الطريق والفرامل مش هتلحق توقفك وكمان لازم تغير اتجاهك وتفادى الحاجة دى
الموضوع طبعا محتاج تدريب ومحتاج سرعة بديهة
بس فيه فرق لما تتفاجئ بالموقف وانت عارف هتعمل ايه عشان تنقذ نفسك وبين انك تتفاجئ بالموقف وتدوس فرامل وتدعى ان العربية تبطل زحف وتقف قبل ما تلبس :angel:
اتمنى انى اكون قدرت اوصل المعلومة
اسف على الاطالة
قعدوا بالعافية :inlove: