الموضوع: اكشف علي عربية مستعملة فين؟

الكشف في التوكيل فرع غمرة هاتدخل للمهندس مصطفي البرنس راجل محترم و خدوم جداً حاول تكون هناك الساعه 9 علشان الكشف بياخد وقت
التوكيل لو متعرفش طريقة من كوبري أكتوبر أمزل نزلة شارع بورسعيد أمشي شويه و عدي كوبري المشاه أسأل أي حد هايشاور لحضرتك علي الشارع اللي فيه التوكيل
العربيه مفيهاش عيوب خفية علي التوكيل متقلقش كله بيطلع في التقرير و أي حاجه أسأل عليها المهندس مصطفي هو صدره رحب جدا
التقرير من 3 أو 4 صفحات فيه الكهربا و العفشه و الموتور و كل شئ فيه العربيه حتي لمبات الإضاءه و زراير الزجاج
الكشف بحوالي 220 جنيه
هايقولك العربيه عايزه صيانة دوريه (ده سلو التوكيل) عادة سيئة في توكيلات مصر في الكشف لازم يقولك صيانة دوريه فمتتخضش
العربيه صيانتها الكامله (كاتينه و سيور و بلي و فلاتر بتبقي في حدود 1000 جنيه من التوكيل ) و حوالي 200-250 مصنعيه (بره التوكيل )
اللي تركز عليه إن الكهربا تكون مش ملعوب فيها بالإنذار الأصلي و الإضاءه الأصليه و الكاسيت الأصلي و زراير الزجاج شغاله و تمام
و كمان ميكنش فيها حاجه من كهربة الموتور فيها مشكله
بالتوفيق لو أحتجت أي حاجه كلمني