الموضوع: الفرملة وتسقيط الغيار بالمشط والكعب

المشاركة الأصلية كتبت بواسطة amrelsaqqa

موضوع جامد جدا ، بس عندى شوية اسئلة

هل دلوقتى الهدف من دوسة البنزين اللى اثناء التسقيط انها هتمنع كسر الفتيس وقواعد الموتور والصبابات وتلف الاسطوانة ..... الخ ؟

حتى لو كنت اصلا جايب اخر الغيار التالت ونزلت للتانى مثلا ؟ ، ولو كدة ، ازاى بقى ؟
دوسة البنزين من غير الفرامل على السرعة دى هتكسرلك الدنيا

انا طول عمري بسقط نقلة عادى عشان الفرملة ، ولو انا اصلا مش حارق على الغيار الحالى ، بنزل نقلة على طول واشيل رجلى من على الدبرياج الاقى العربية كلبشت في الارض ، بدون اي مشكلة
الحركة دى بتتعب قواعد الموتور

انما لما بلاقى نفسى اتزنقت في الفرملة وكنت كمان جايب اخر الغيار بدوس فرامل جامد لحد ما سرعة العربية تهدى شوية وبعدين اكمل تسقيط ، بحيث انى ما اكسرش الفتيس او ابوظ الموتور والحركات دى .. .

وساعات كنت انزل النقلة عادى وانا على ار بي ام عالى بس اشيل رجلى من على الدبرياج بالتدريج عشان ما افاجئش الفتيس
الحركة دى بتتعب الاسطوانة

ف ايه دور دوسة البنزين هنا ؟ هستفيد منها ف ايه ؟
فى اللحظة اللى انت بتدوس فيها دبرياج عشان تسقط بتلاقى الـrpm نزل وبقى فيه فرق كبير بين سرعة العربية وسرعة دوران الموتور وتسقيط النقلة ورفع رجلك من على الدبرياج بسرعة هيخلى الـrpm يطلع بسرعة ويفاجئ القواعد والات الجر, ولو نفس الحركة بس رفعت رجلك من على الدبرياج بشكل تدريجى عشان ده ميحصلش بس هتبقى ساعتها بتحمل على الاسطوانة كأنك طالع بتفرك او دايس نص الدبرياج وانت على سرعة

كمان معروف ان اللى بيسبب حركة الانجين بريك دى ، هى قفل الـ throttle مع سرعة الدوران العالية ، فتخلى الموتور كأنه كان واحد بيجري ونفسه اتكتم فجأة وصعوبة دخول الهوا ، هى اللى بتخلى الموتور يبقى حمل كبير على العربية ويوقفها
تمام, بس فى حالة تسقيط النقلة بالطريقة العادية البوابة مش هتقفل, بالعكس دى هتبتدى تفتح, لكن دوسة البنزين دى هى اللى بتعمل فرملة الموتور


والدليل على كدة ان تسقيط النقلة مع دوسة بنزين بتخلى العربية تجري مش تقف (زي اول مثال انت قلته بتاع الغيار الرابع وسرعة 40 )

ف ازاى هنا هدوس بنزين مع تسقيط النقلة وده يخلى العربية تقف؟
مش فاهمها منطقيا مع انى ممكن اتخيلها عادى ، بس عايز تفسير منطقى لسبب الدوسة على البنزين وشرح تأثيرها بالظبط بيعمل ايه

ياباشا دوسة البنزين مع الفرامل حاجة ومن غير فرامل حاجة تانية خالص
وبعدين دوسة البنزين مع الفرامل فى التسقيط بتكون فى لحظة النقل بين الغيارين فقط, يعنى اول ما بتعشق بتكون شيلت رجلك خلاص من على البنزين عشان العربية متجريش منك

اتمنى انى اكون قدرت اوصل المعلومة

المشاركة الأصلية كتبت بواسطة terrible_darsh

عمال افكر برده فى كده لانى بسقط نقلة بنفس طريقتك مع مراعاة السرعة يعنى مكتونش سرعة عالية وفجاة غيار اقل

دلوقتى دست فرامل السرعة هدت شوية مع تموير الفتيس وبعدها تسقيط نقلة

دوسة البنزين برده مش فاهمها حتى لو حارق على اخر الغيار