البور بيتحجر وسط زحمة او في وسط اشارة

**tarekjwal** · 27-08-2013 11:01 AM

مشكلة مضحكة جدا لكني مش عارف سببها لذا ارجوا من الأعضاء افادتي
معايا اسبرانزا تيجو 2010 اتوماتك
العربية الصبح تشتغل بغمزة مارش وتبقي زي الفل والتكييف يبقي كويس والبور ناعم جدا جدا لكن اول لما العربية تبقي وسط زحمة او في وسط اشارة الاقي البور اتحجر والتكييف بحس ان الكمبرسور لقط لكن ما بيطلعش هوا ساقع اطلاقا وباسمع صوت مراوح التبريد شغالة عادي وتقريبا علي السرعة العالية لكن برضة مشكلة التكييف والباور زي ما هي وتبدأ المشكلة تروح لما ازود سنة بنزين يعني عدد لفات الموتور تزيد شويه .....؟؟
هل دة
1-مشكلة سير علما ان السير كشفت علية لقيتة كويس ومشدود ولا لما بيسخن بيتمدد..؟؟
2-مشكلة مراوح ممكن تكون ضعفت شوية علما ان دة مش وارد او احتمال ضعيف
3-غيرت زيت الباور وغسلت الدايرة وحطيت زيت موبيل atf 320 عالي اللزوجة ونفي المشكلة
......................
ارجوا الأفادة
شكرا
طارق اسيوط

**AHMEDCAR** · 27-08-2013 11:07 AM

اتاكد من شحن الدينامو

**mahmoud_fathy** · 13-10-2013 09:30 PM

راقب عداد الاrPm لو بيقل و انت واقف و مشغل التكيف بعد ما العربيه بتسخن عن 750 يعنى تحت ال1 بحاجه بسيطه يبئى المشكله فى حساس الايدل انو بينزل من سرعه الماتور فبيخلى الكمبرسر بطى و غير فعال كذلك الباور