المشاركة الأصلية كتبت بواسطة فادى محمد
بمناسبه تنظيف دوره التبريد..
احنا بنعتمد علي طرمبه الميه اللي في العربيه لتسيير تيار الميه .تمام؟؟
انما لو اعتمدنا علي قوه دفع اكبر من كده اكيد التاثير هيبقي احسن بمراحل...
من هنا بقي جت فكره تنظيف الرادياتير بدون فكه !!
الفكره ممكن نعملها ببساطه شديده لو عندنا موتور ميه منزلي مش محتاجينه او مفكوك بدون استخدام.
-الرادياتير له ماخذ ميه من فوق من خرطوم الرادياتير التخين ومخرج للميه من تحت للشجره..
-هنفك الخرطومين ونوصل خرطومين جداد واحد من تحت ويروح بره العربيه لطبق كبير لتجميع الماء المتسخ والتاني من فوق الرادياتير ونوصله بموتور الميه بعد طبعا معادله القطر بين بوز الرادياتير وبوز الموتور
طرف الموتور التاني نوصله بخرطوم قصير في طبق كبير تاني فيه ميه لغسيل الرادياتير وممكن نحط فيها ماده غسيل جاهزه زي ابرو مثلا
. وصل الموتور بالكهربا . ايه اللي هيحصل ؟
هيسحب الميه + ماده التنظيف من الطبق الكبير ويدفعها بقوه في الرادياتير وطبعا القوه دي هتزق الرواسب والرمل من الرادياتير لبره لتجميعها في الطبق التاني ..