الموضوع: استفسار بخصوص ابيزا 99

المشاركة الأصلية كتبت بواسطة SYD

الشكر لله

1- نظرة فاحصة علي الشنطة من الداخل (وترفع الفرش الداخلي - وتشيل الاستبن)
المكان دة مهم جدا

2- لازم الجريد بتاع مزراب السقف يكون راكب باحكام - لو اتفك مرة مش بيركب تاني كويس

3- تتأكد ان جميع المسامير اللي ماسكة الرفارف الامامية نفس الشكل (مسمار سداسي بحفرة في المنتصف) دة مسمار الفبريكة ومش هتلاقيه لو لفيت الدنيا بحالها

4- تطمن ان العفشة تمام

5- حالة الصالون وفرش الابواب والتابلوه اهم من حالة الموتور

6- تأكد ان جميع العدادات شغالة

7- تأكد من حالة التكييف

8- الفحص الجيد للقوايم والعتب

9- ترفع العربية وتشوفها من تحت بدقة متناهية

10- اتبع جميع الارشادات الموجودة في الموضوع دة
http://www.nilemotors.net/Nile/31680...post3874610958

بص علي الموضوع دة وحاول تجيبها باقل عدد من المشاكل المذكورة
http://www.nilemotors.net/Nile/374068-94-98-a.html
وياريت لو تقرا الموضوع لحد اخر مشاركة

وفي البداية و النهاية كله توفيق من عند ربنا وتصلي استخارة

تحياتي وربنا يوفقك

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

ربنا يابركلك ياباشا وتسلم علي النصايح الجامده دي

انا لسه مروحتش شوفت العربيه :( لحد دلوقتي بسبب الشغل
المهم ان الراجل اما كلمته النهرده عرفت منه انه كان بيعمل عامره للماتور علشان اما يبيع العربيه يبعها علي نضيف
المهم هوه مكنش يعرف الماتور الي فيها نوعه ايه عشان كده كان بيقولي ١٣٠٠ زي الي مكتوب في الرخصه المهم انه بيقولي النهرده وهوه في الحرفيين لما كان بيجيب طقم الشامبر الصنايعيه قلولو ان الماتور ده 2e بتاع الجولف المهم
انا عايز اعرف ازاي اعرف نوع الماتور ده لما اروح اشوف العربيه وغير كده كمان عايز اعرف هل حوار طقم الشامبر والتظبيت بتاعه بيخلي العربيه ترجع تاني تمام ولا شويه وهرمي الماتور ده مع العلم ان الماتور انجيكشن
افيدوني اثابكم الله

والله انا انصحك انك تهتم بالعربيه كأساسيات يعنى الدواخل الدهان الخارجى القوايم ومن جوه العربيه زى التابلوه الفرش بتاع الباب والكسوه بتاعت الكرسى - الفرش بتاع الارضيه
ولازم ترفع العربيه وتاخد تقرير حتى لو مبسط شفوى عن حالتها
واخر حاجه تتكلم فيها هيا الماتور علشان بصراحه انا شايف ان السعر مغرى جدا جدا ومش هتلاقى زيه
وده مش معناه انك تتسرع اكشف على العربيه كويس ولو تعرف بوهيجى خده معاك
وربنا يستر طريقى وطريقكم