الموضوع: رعشة في ال rpm مع التكييف - جراند بونتو

المشاركة الأصلية كتبت بواسطة 3ateef

تقريبا حساس الايدل..

المشاركة الأصلية كتبت بواسطة meshmesh78

تمام
حساس الإيدل عاوز تنظيف
وبالمرة نظف البوابة

طب يا جماعة مش لو كان حساس الايدل كان رعش في السلانسية حتي لو من غير تكييف؟ دا مش بيحصل البيحصل بالتكييف بس عشان (اعتقد) الكمبروسر بيفصل لنص ثانية و يشتغل تاني علي طول كل 5 ثواني

المشاركة الأصلية كتبت بواسطة leitosr

أنت كلامك مظبوط,, عشان كدا دي قواعد الفتيس مش حساس أيدل,
في قاعدة عندك أتاكلت خالص وعايزة تتغير.

تمام يا باشا بس بردة مش القاعدة دية هي البتعمل الهزة الجامدة دية لما ال rpm ينزل اوي و تبقي هتطفي, بس ايه سبب نزول ال rpm اصلا؟ انا يا جماعة الي قصدي ان التكييف مش طبيعي يفصل كل 5 ثواني نص ثانية بسرعة كدا و هي دي البتنزل ال rpm دا الي قصدي علية
مش اكيد التفسير دا بس حساس الايدل انا بستبعدة عشان من غير تكييف مش بيحصل حاجة

المشاركة الأصلية كتبت بواسطة leitosr

هوا المفروض القاعدة طبعاً متخليش ال rpm ينزل, بس الماتور لو مش مظبوط والقاعدة أتاكلت دا بيبرجل ال rpm يعني انا كان بيعلي عندي فوق الطبيعي ومكنتش العربية بتسحب بسهولة وبحس برجرجة ملحوظة لما بقف وهيا عال d لدرجة أن المراية كانت بتتهز من كتر الهزة.

بس علي كلامك لو بيفصل كل شوية ممكن تكشف علي الكومبريسور والدينامو عن حد بتاع تكييف أو في التوكيل لو لسه جديدة عشان متخاطرش بحاجة بيهم في الكشف برة.

ما انا ناوي اعمل كدا ان شاء الله بس المشكلة التوكيل ضايعين, انا بس عاوز حد يطمني علي الكمبروسور عشان انا لسه خارج من الضمان من شهر, العيب دا بيبقي عيب شحن ولا حاجة فيه؟

أنا كان عندي الكومبريسور بيعمل كدة بالضبط وفضل على الحال ده لفترة ومش بيسقع نهائي إلا لما أكون ماشي على سرعة عالية ..وفي الوقفة يفضل يشتغل ويفصل ورا بعض

وفي الآخر طلع الشحن بتاعه زيادة جدا والراجل بتاع التكييف قالي كويس إن الكومبريسور ما اتكسرش منك ... مش عارف بقى هل ممكن يعمل كدة لو الشحن قليل برضه ولا لأ

وفضى الشحن خالص وشحنه من الأول وكل حاجة ضبطت الحمد لله