الموضوع: تسعير التو 2008

المشاركة الأصلية كتبت بواسطة dr x

17-امكانية البيع بتوكيل او اشتراط التسجيل : مش فاهم النقطة دي صراحة فلو امكن التوضيح

وطبعا شكرا لكم لقراءة موضوعي وشكرا لادارة الموقع الموقر على استضافتي عندهم
دمتم بود

خد بالك النقطة دى مهمة جداً دى خاصة بتسجيل ملكية السيارة بالنسبة ليك كبائع لازم تتمسك بشرط تسجيل السيارة مش بتوكيل لآن التوكيل حتفضل العربية متسجلة فى المرور بإسم زوجتك والمشترى حيمشى بالتوكيل لحد ما يجيله مزاج وربنا يسهله فى فلوس ويسجل لنفسه لأن التسجيل حيكلفه حوالى 1600 جنيه أو أكتر وممكن كمان يبيع العربية لحد تانى بالتوكيل بدون ما يسجل كل ده والعربية بتفضل فى المرور بإسم صاحبها وكمان يقدر يروح المرور يجدد الرخصة بالتوكيل اللى معاه وبإسم صاحب العربية الأصلى ولو أشتريت عربية تانية وسجلتها بإسم المدام بتتدفع ضريبة رفاهية هى مبلغ مش كبير يعنى حوالى 60 جنيه فى السنة ( على إعتبار إن العربية القديمة لسه مسجلة بإسمك فى المرور ).

المشاركة الأصلية كتبت بواسطة dr x

الله ينور عليك فعلا .. بس نقطة للتوضيح .. اي مشكلة قانونية او مرورية بترجع على المالك الاصلي كمان ولا على اللى معاه التوكيل ؟ يعني يقدر بيها مصيبة مثلا وتيجي على اللى متسجلة باسمة ولا اللى معاه التوكيل حتى لو كان توكيل عن توكيل والحوارات دي ؟

بالنسبة للمشاكل المرورية والمخالفات فهى على قلب العربية نفسها ومالكها وقت تجديد الرخصة اياً كان طريقة البيع توكيل أو تسجيل لآنها بتتحصل لما تيجى تجدد الرخصة
بالنسبة للمشاكل القانونية الأخرى فلو حصل حاجة النيابة العامة بتستعلم من نيابة المرور على إسم صاحب العربية والنيابة تبعت ليه طلب حضور وبيروح بالتوكيل اللى معاه وعقد البيع اللى ممضى فيه إقرار إستلام العربية وبيخلص نفسه من المسألة بس حتبقى دوخة على الفاضى .
وفيه نقطة خطيرة وارد جداً إن طلب الحضور اللى بعتته النيابة لا يصل فتضطر النيابة إنها تبعت أمر ضبط وإحضار فاللى السيارة مسجلة بإسمه يتقبض عليه عن طريق الشرطه ويتسلم للنيابة وممكن كمان النيابة تبعت القضية للمحكمة دون إخطار وتفاجىء إن عليك حكم غيابى
طب تخيل بقى لو اللى بعت ليه العربية عمل بيها مشكلة فى محافظة بعيدة شوية حتتضطر تسافر وتتبهدل لحد ما تثبت إنك بايع العربية لحد تانى
طبعاً دا كله مش أكيد يحصل بس وارد حدوثه دى عربية بتجرى على الطريق وممكن يتعمل بيها حادثة لا قدر الله ولا أى حاجة
فدع ما يريبك إلا ما لا يريبك
على البائع إشترط التسجيل وربنا يسهل فى البيع