مطلوب : جهاز شتيمة للعربية ٧ نغمة ! بسعر معقول !!

مطلوب : جهاز شتيمة للعربية ٧ نغمة ! بسعر معقول !!

http://76.my/UserImages/Items/1010/14/wildson@2.jpg

ياريت يا جماعه الي يعرف بيتجاب منين ياريت يقولي ... ومحدش يقلي انزل التوفيقية او شارع دمشق... شارع دمشق مفهوش غير جهاز سرينة الشرطة بس انا عاوز جهاز شتيمة خمسة كيلو الي هو بيجي ٧ نغمة كوري او تيواني اما الصيني ناس كتير خوفتني منوا انو بيبوظ بسرعة ... طبعاً معليش متستغربوش من طلبي ده ... دلوقتي كل حاجة موجودة ومتوفرة. ... واحنا في عصر التكنولوجيا والسرعه ... الشعب دلوقتي كلو ماشي يشتم في كلوا ... حتى على الفضائيات بقت شتايم الافلام فيها شتايم المسلسلات بقه كلها شتايم في شتايم وكلام قبيح .

مش بس كده. بعد ما خلاص شتمنا بعضنا والكل شتم في كلوو ... اتجهنا لتصدير الشتيمه الى الخارج ... ومسكنا من اول ملك لحد الامير. لغايت ما شتمنا رئيس اكبر دولة. فيكي يا عالم امريكا بذات نفسها .

والي يدحكني من كتر الشتايم. الي بقى الشعب بيشتمها ... ولاننا شعب كوميدي بطبعوا. يجي يقولك ايه ... يقولك لا المؤسسة الفلانية خط احمر ههههه طيب بقيت المؤسسات اشتم عادي. ولا اعمل ايه ... طيب اذا المؤسسة دي خط احمر طيب معليش اذا ممكن توضيح لبقيت الالواااان لباقي المؤسسات ... يعني المؤسسات اموو خط احمررر ابقو شاورولنا عليها وامو خط اخضر قلولنا عليها برضوا ...هههههه

فيه ايه ياااااا بلد يخرب بيوتكم كسفتونا قدام بقيت الدول العربية الشقيقة .... مره نشتم الجزائر. ومره نشتم قطر وهوبا اثيوبيا ومرة دخلنا على تركيا وهوبا امريكا وشوية ليبيا. ايه يا جماعه في ايه هو عيركم فلت خلاص ولا ايه .. ده حتى في النقاش على الفيس بوك. يجي واحد يحط بوست تبص تلاقي واحد تاني داخل. يشتم ويقول *<#?}﷼*?,[~\\>~[٪٪^[>#{{_,? حتى على اليوتيوب واحد منزل فيلم اجنبي بالترجمه تبص هوبا. شتايم في شتايم في شتايم

بس على اليوتيوب. الوضع بيختلف شوية لان الشتايم بتبقى دولية ... يعني السعودي يشتم المصري والمصري يشتم السعودي هوبا دخل واحد كويتي يفزع للسعودي هوبا يخش واحد سوري يدافع عن المصري. هوبا يخش واحد ليبي يشتم ابوهم كلهم .

المهم نرجع لموضوعنا حتى الان بيبقى الواحد ماشي بالعربية ويلاقي موتسيكلين ديلفري سايقين في نص الشارع وواخدينوا لحسابهم وده يشتم ده بالكلاكس والتاني يرد عليه التحيه باشتيم ألعن والعن بواسطة الكلاكس ... برضوا العادة دي في سواقين الميكروباصات يفضلوا طول ماهما سايقين. يسبوا ويشتموا في بعض بالكلاكسات .
والعادة دي انتقلت لسواقين التكاتيك ... بس سواقين التكاتيك اتطوروا طبعاً وعندهم. دلوقتي نغمات كلكسات غريبة عجيبة اشي صوت واحد بيدحك واشي صوت جمووسة بتنهق. واشي صوت جرس عجلة مع صوت الكلكس الاصلي ... وصوت عمال زي البطة كده تشمئز منوا النفوس ... فاكيد في عبقري اخترع جهاز تزبط انتا نغمة الشتيمة الي انتا عاوزها. وبمجرد ما تدوس علي زرار كلكس الشتيمه يشتم لوحدوا ... ياريت ياجماعه الي يعرف جهاز الشتيمه ده بيتباع فين ياريت يقولي ... حتى لو كان. سته نغمة بس ، مش مشكلة اهو بقيت الشتايم اعملها بايديا على الديريكسيون مانيول هههههههه

@@@@@@@@
وتحياتي

ملاحظة : الموضوع هزار اوعه حد يشتم ههههه

فقط للتوضيح :
انا اعلم ان القضاء خط احمر ... واعلم ان الجيش خط احمر ... ولا اعترض على هذه النقطة ... انا فقط استنكر ان يشتم رئيس الجمهورية. او رئيس اي دولة شقيقة او يشتم اي شخص لمجرد تبنيه فكر او لديه اراء تختلف مع ارائك ... من العيب ان نكون شعب شتام يشتم بعضه بعضاً ... من العيب الفضائيات. الناطقة باللهجة المصرية يطلع المزيع يشتم ويشتم ويشتم وبعد ساعه شتايم وردح يقلك. انما الامم الاخلاق ما بقيت فان اخلاقهم ذهبت هم ذهبوا ... انا حالاً بكتب لكم وفاتح على احدى القنوات واحد مذيع عمال يشتم معلق رياضي وعاملي فيها نفسوا الطاهر الشريف .

الشتيمة في حد ذاتها عيييييييييييب ... واذا استمرينا على هذا الحال. والاعلام بينشر الشتايم في التلفزيون يبقى قول على مصر يا رحمن يارحيم ... الاعلام الاعلام. اناشد الدولة لحط حد لشتايم الاعلام في الفضائيات في المسلسلات في الافلام .
ومفيش حاجة اسمها خط احمر وخط فوشيا ( الشتيمه شتيمه ) وكل مؤسسة ليها احترامها ووضعها ... فين يا جماعه زمان واخلاق ناس زمان واحترام ناس زمان ... واسلوب الادب في الكلام من فضلك بعد ئذنك لو سمحت ... نهارك سعيد يا فندم. صباح الخير يا فندم .... فييين الاخلاق دي فييييييييين !!!
فين ايام مكنا بنكلم بعض ونقول. ساعدتك ومعاليك. وياباشا ويا فندم. وياريس . فييين .. دلوقتي بنقول يا زميلي ويا شقيقي وصباح الفووول ... ونهارو قشطة بالصلى على النبي. ونفض ياعم ... وشوية كلام كل ما ينتشر في المجتمع كل مالمجتمع ينزل في الوحل اكتر واكتر

دمك عسل ويسلم فومك

بص يا عمده
التربيه هي الاساس يعني المتربي متربي والي مش متربي مش متربي
افي ناس اتربت علي دا صح ودا غلط في ناس اتربت دا راحل كبير يحترم
نما دلؤقتي لما ابن يحشش مع ابوه وامه تديله السنجه يتخانق بيها
ولي اب سايب بنته وابنه علي المخروب الي اسمه كمبيوتر بدون رقابه ولي ام مهمله في تربيت وﻻدها واب مبيسألش علي وﻻده
والمشكله الكبيره ان البنات بصين للوﻻد والكلمه الي بتفقع مررتي اشمعني

هات مايك الللى فى السارينة
وشغل الشتيمة اللى انت عايزها Live on air
وانا بفكر اركبه علشان فيه عربية يارس فى اكتوبر عايز اقول لصاحبها%&^%$$%&$&^$&^%%$% وكمان )*&*&%$^^%$&%$&_(*_(*()*()#$$@#$@#@#$

ههههههههه
7 نغمات وبسعر معقول

اقتباس:

---

المشاركة الأصلية كتبت بواسطة a.saad

هات مايك الللى فى السارينة
وشغل الشتيمة اللى انت عايزها live on air
وانا بفكر اركبه علشان فيه عربية يارس فى اكتوبر عايز اقول لصاحبها%&^%$$%&$&^$&^%%$% وكمان )*&*&%$^^%$&%$&_(*_(*()*()#$$@#$@#@#$

---

ههههههههههه اوعه ادبحك يا بوحميد
اهو بتاع اليارس ده بالذات خط بامبي نههههههههه اوعه حد يشتموا اويقربلوا :)

@@@@@@
حبايب قلبي جميعاً ربنا يخليكم ليا ... لسه واحد منبهني وقالي خلي بالك الاجهزة دي سرعات. ... ده غير لو هشتري كجهاز الشتيمة الايلكتروني ده ... يبقى لازم اركب على العربية كتاوت وفي واحد تاني بيقول لا العربيات الياباني مش محتاجة كتاوت وهو مركب جهاز الشتيمه ده في عربيتوا من سنتين. كان واحد قريبوا جيبهولوا. معاه من بره .

الموضوع صدقوني مش موضوع تربية .أسرة بقدر ماهو موضوع تربية مجتمع ... يعني كاب اسرة غلبان وعلى قد حالي ... بربي واعلم واهندم وفي النهاية ابني يسمع شتيمه من بره يجي يتخانق مع اختوا يقوم شاتمها. بالشتيمه الي سمعها في الشارع. طبعاً انا بلطشوا. وبجلدوا لغاية ما يقول بس ... لكن مهما ضربتوا. ومهما فهمتوا. انها عيب ومتتقالش ... فانا من جوايا عاوز اقولوا انا اسف يا ابني. ] اشتم يا حبيبي براحتك. بس ابقى اختار الشتيمه المناسبة.

مش عاوز احبط ابني واحرموا او اسببلوا عقدة من الشتيمه ... بضرب ابني ومن جوايا قلبي بيتقطع. وضميري بيعزبني. الله هو انا بضربووا لييييييييييييييه !!! هو عمل ايه الواد يعني شتم وايه يعني مالدنيا كلها بتشتم كبيرها وصغيرها ده احنا في زمن الشتيمه. ...

طيب وانا كأب :
هل مفترض اني اعلم عيالي فنون الشتيمة. لا ومش بس كده كمان اعلم بنتي فنون الرررردح وفرش الملايات علشان تتواكب مع لغة العصر ( ولغة العصر مش الكمبيوتر الكلام ده بره مصر ... لغة العصر في مصر هيا الشتيمة ) ... حسبي الله ونعم الوكيل ... تقبلوا تحياتي .

اقتباس:

---

المشاركة الأصلية كتبت بواسطة Y a r i s

ههههههههههه اوعه ادبحك يا بوحميد
اهو بتاع اليارس ده بالذات خط بامبي نههههههههه اوعه حد يشتموا اويقربلوا :)

---

اشوفه بس بتاع اليارس ده
هيبقى :beated::beated:

علشان هيتعمل فيه :36_2_49[1]::36_2_49[1]:

:gun_bandana::gun_bandana::11air[1]::11air[1]::2guns::2guns::2guns::death::death:وكمان :70[1]::70[1]: مع :hang::hang:

وحتى ال :36_1_40[1]: مش هيعرف ياخدها ويبقى :36_1_31::36_1_31:

كدة برضوا يا أ/ Yaris
البوست بتاعك أتنشر وشافه مصنع السارينا الصيني
وحوله على المصنع الأصلي بالصين
وصدروا بعض الغلابة من الدويقة والكيلو 4.5
لتسجيل الشتايم المنتقاة على السارينا الجديدة
وورد خبر من مصدر مسئول : إن سارينة الشتايم هتكون 15 نغمة شتيمة وهتكون في متناول الموظف العادي ، وقد أفادر المصدر المسئول بضرورة تهريب هذه الأجهزة لأنها ممنوع بيعها ولكن متاح تهربيها زي بمب العيد للعيال والصواريخ والشماريخ وأدوية القلب وبعض أدوية السكر والضغط . :coming-soon[1]:

هههههههههههههه
انتو بتقولوا فيها ... في اللحظة الي احنا بنتكلم فيها دلوقتي. ... هتلاقي الخارجية الصينية الملحق التجاري بعتين للقنصلية هنا في مصر بيستفسروا عن ايه هيا الشتايم. الشعبية لدى المصريين والشتايم المفضلة ... واكيد في اللحظة الي احنا بنتكلم فيها دلوقتي. هيكونوا انتجوا تسعمية خمسه وسبعين جهاز شتيمه اليكتروني ومش بعيد دبدوب او عروسة. صغيرة للاطفال تيجي تخبطها على ضهرها تقوم شتماك ههههههه

ايه يا جماعة هو فيه حاجة فعلا اسمها جهاز شتيمة ---معقول الكلام ده وهو بيجى مبرج بالشتائم ولا بتتسجل هنا معلش انا مستغرب شوية او حتى الان فاكر الموضوع مزحة

والله انتا راجل عسلية :d

موضوع جميل وكوميدي خلينا نكركر شوي اريس باشا ... استمر استمر

مبروك مقدما علي الجهاز
بس لما تلاقيه وتيجي تركبه ابقي ركبه في التوكيل علشان الكهربا ماتطلعشي من الضمان أصل بيقولوا ال 7 نغمة ده شديد اوي وممكن يفرتك الضفيرة ههههههه

المهم اول ماتجيب الجهاز بتاع الشتيمة دى ابقى قولى عشان عايز اجيب واحد هههههه