الموضوع: استفسار عن أبواب إبيزا ٩٨

المشاركة الأصلية كتبت بواسطة karim ibiza

ياباشا اللي انت هتعمله ده أكبر غلط
أنا ممكن اركب عربية تكون محتاجة أبواب ورفارف وكبوت وشنطة واكصدامات بس اهم حاجة يكون الشاسيه سليم
لكن اللحام والكلام ده يبقي انت بترمي فلوسك في الأرض وعمر العربية ما هيبان عليها نضافة وكمان بتعرض حياتك للخطر

قولتله الكلام دة بس هو مش مقتنع
بقوله حرام عليك فلوسك والموضوع متعب ومش سهل
ومش راضي اقوله والله انها كمان خطر
وهو متخيل ان انصاص البولو كلاسيك دى مرمية في الحرفيين

لصاحب الموضوع
عربيات بتبقي سليمة 100% وبتفتٌح لما بتبقي المكنة عفية
مابالك بعربية فيها لحامات عليها مكنة عفية

الموضوع مش اني اظبط الامور علي قد امكانياتي
لا
انا علي قد امكانياتي اركب العربية المناسبة

هل ال30.000 بيتوفروا معاك كل فترة بحيث لو التجربة دي مانجحتش تعوضها المرة الجاية؟ ولا هما كلهم اول عن اخر؟

انت مابتشتريش كل يوم
هات عربية سليمة وابقي اعمل اللي انت عايزه فيها علي مهلك
العربيات دي لما بتبقي سليمة بيتعمل فيها كل حاجة والشغل بيبان عليها وبيزود قيمتها
لكن انت تجيب عربية معيوبة وتعيبها اكتر بانك مسقط عليها مكنة كبيرة؟
مش منطق

انت واضح انك راكب اكسيل
المواتير بتاعة فولكس غير اللي انت متعود عليه خالص
1600 بجد غبية ربنا يكفيك شرها

هات باللي معاك عربية 98 سليمة عليها مكنة 1400 هتخليك تعمل كل اللي انت عايزه ولما ربنا يفرجها من وسع ابقي سقط وجنط واعمل كل اللي انت عايزة

تحياتي