الموضوع: العربيه خشنه

خشنه فى المشى ؟

فى صوت من اول 40 ؟ افتح الشباك وامشى من 40 ل 60 ومور العربيه وحاول تسمع لو العربيه صوتها عالى عن المعتاد ممكن يكون بلى عجل

انا كان عندى بلى العجل مش خشن ده ماكنش فيه اساسآ كنت بسمع جرار بيتحرك لما بوصل 60 ولما تحاول تجيب 80 يا سلام كنت بتتعذب اصلآ

بصراحه موضوع الفرامل مش قادر اجمع من ايه ان شاء الله الشباب يفيدوك

الخشونه في العربيه علي اي سرعه بدايه من وانا ماشي علي الاول لاحد ما فوق ال ١٢٠ مفيش فرق بالعكس انا بحسها خشنه تحت رجلي اوي علي سرعه منخفضه اكتر،

مور العربية وحاول تمشيها بقوة يد واحدة لو أتحركت من مكانها يبقي الفرامل مفيهاش حاجة ولو سمعت صوت وأنت ممورها وهي ماشية يبقي بلي العجل

بصوا يا شباب.

العربيه لسه خشنه بس تم الأتي:


-- تيل الفرامل الخلفي كان خالص على الاخر وتم تغييره, مما ادى الي ظبط صوت الفرامل
-- شداد الفتيس كان مبوش شويه وتم تغييره مما ادي الى ظبط صوت العربيه ونقلات الفتيس
-- زيت الفتيس كان زياده شويه تم تقليله مما ادى الي ظبط نقلات الفتيس واصبحت اكتر نعومه
-- اكتشفت النهارده ان الجنط عندى اصبح بيضاوى مش دائري من كتر التكسيير اللى فى شوارعنا بس لسه بدور على حد يصلحه

المحصله ان صوت العربيه اتظبط شويه بس بعد ما اصلج الجنط ان شاء الله تبقى تمام دعواتكم.