موضوع مهم في الكاوتشات وينك ياسبعاوي

**spider5050** · 05-09-2008 07:42 PM

الاخوه الكرام
سمعت مقوله تقول (( الكاوتشات ربع العفشه الجيده )) ومعناه أن في كاوتشات ناشفه وكاوتشات حنينه بمعنى ان في كاوتشات لما تاخد المطب وهي ناشفه بتهد في العفشه نفسها
وفي كاوتشات لينه شوي يعني تحس انها تتشكل شوي مع المطب ودا اللي بيخليها احن على العربيه

مش عارف مدى صدق الكلام دا
تجربتي انا عندي شاهين كاوتشاتها Gt الكاوتشات ناشفه لما اديها 30 بتبقى مجحره شوي في المطبات ووو لما اديها 25 بتكون احن بكثير في المطبات ولو انها بتقل الدريكسيون

عايز رأيكم وايه افضل الاطارات للشاهين علما اني مجنط عريض

**bee** · 05-09-2008 08:04 PM

مبدئيا يا باشا
الجنط العريض = كاوتش عريض
يؤدي إلى تقل في الطارة واحتكاك اكثر بالارض وتقليل من سرعة السيارة

أحسن الاوضاع هي مقاس الجنط الي نزلت بيه العربية :)
وموضوع ان الكاوتش ربع العفشة ده غريب شوية اهوكلام والسلام لسبب
العربية كيان متكامل يا باشا لازم يكون كله مظبوط لو حاجه اختلت بتؤثر في الباقي
وبالتالي الكاوتش اكيد مهم وضغطه المناسب المفروض بردو يكون مكتوب في الكتالوج
اكتر من كده العربية تنط وترزع في المطبات واقل من كده غلط بردو ويتقل الدريكسيون

مداخلة بسيطة في انتظر سبعاوي باشا يفيدك اكتر مني بكتيررررررررررر

**spider5050** · 05-09-2008 08:29 PM

شكرا ياريس ولي توضيح بسيط العربيه فعلا كيان متكامل والتغيير فيها لابد ان يكون محسوب ومدروس

والموضوع هنا والاستفسار عن انواع الكاوتشات وافضلهم وهل صحيح ما يقوله البعض ان بعض الكاوتشات ناشفه والاخرى لينه وهل بعضها متحجر ويلزمه ضغط اقل والبعض الاخر العكس

وذكر تجربتي الشخصيه هنا للاستفاده لعل هناك عيب بعفشه سيارتي مما يصل بي لهذا الشعور وقد يكون الصنايعي العفشجي بيشتغلني

ومشكور على الرد

**bee** · 05-09-2008 11:20 PM

هو فعلا فيه كاوتشات ناشفة واخرى طرية ..
بس الطري افضل عشان يبقى قابل للتمدد من غير مشاكل..
وبعدين لما تيجي تشتري الكاوتش لازم تتاكد ان تاريخ انتاجه جديد عشان ميكونش ناشف وميتزحلقش ع الاتربة والمياه ..