مشكله غريبه

**midoabdeen** · 30-08-2013 02:44 AM

مشكله غريبه اوى
كل شويه الشاشه تطفى بس الكمبيوتر شغال عادى وتشتغل لوحدها تانى بعد ثانيه تقريبا
والرساله دى بتظهر فى الستارت بار من تحت
[IMG][/IMG]

**eleanor** · 30-08-2013 06:00 AM

ممكن يكون فى مشكله فى تعريف كارت الشاشه بتاع الجرافيك

**DreAmO** · 30-08-2013 01:25 PM

شوف يا باشا .. في إقتراحات كتير جدا جدا جدا . لمحاولة حل المشكله الشهيره والغريبه دي

ولكن مع الاسف كل الحلول والإقتراحات اللي هتلاقيها عالنت سواء مواقع عربيه او اجنبية او حتى موقع الشركه منتجة الكارت .. غير مفيده ولم تحل المشكله

انا هاجبلك الزتونه

غالباً كارتك ati .. وفي الغالب من نوعية مكسور التردد مصنعياً

لكن هي منتشرة اكتر في كروت جي فورس

1- علشان نبقى عملنا اللي علينا .. تغير نسخة ويندوز .. وتنزل اخر تعريف رسمي للكارت مش بيتا من موقع الشركه

2- لو المشكله مستمره .. هتتعب بقى شويتين تلاته

حفلة تجارب هاردوير .. تجرب رامات غير الرامات اللي عندك

تجرب باور غير الباور اللي عندك .. ويكون باور محترم ماركه .. مش تجاري ابو 55 جنيه

تجرب كارت الشاشه اللي عندك على جهاز اخر " ممكن تلاقيه بيعمل مشكله على جهاز وجهاز تاني مش بيعمل .. ودي هتجننك اكتر "

لو اي محاوله من اللي فاتوا جابت معاك نتيجه وحل .. احمد ربنا وكده فل اوي

ملحوظه : لو جربت تخفض تردد الكارت بشكل كبير عن طريق احد البرامج .. هتلاقي المشكله اختفت

غير كده .. يا تروح بالكارت الضمان .. يا تغير الكارت

مشكله شهيره وبتحصل في كروت خارقه ب 8000 جنيه وفي كروت عاديه ب 500 جنيه

**javierzanetti** · 30-08-2013 04:00 PM

حل المشكلة فى كروت ati :

1-نزل البرنامج ده http://treexy.com/media/31216/driver_fusion_170.exe
2- اعمل uninstall للتعريف من Programs and Features
3-شغل البرنامج اللى نزلته و اختار اى حاجة ليها علاقة ب amd , ati
4-نزل التعريف من الاول (طبعا احدث تعريف)

حل المشكلة فى كروت nvidia :

فى control panel بتاعت nvidia هتغير Power management mode من management Adaptive ل Prefer maximum performance

زى اللى فى الصور

ا

**CarMania** · 30-08-2013 04:24 PM

يا رجالة الرسالة مكتوب فيها نوع الكارت
Intel Graphics Accelerator
يعنى لا هو ATI ولا Nvidia

المشكلة فى الغالب مشكلة تعريف
وبما انك بتستخدم Vista يبقى فى الغالب دا Laptop ودى نسخة الويندز الاصلية اللى جيه مع اللاب
فلو لو كان فعلا لاب ادخل على موقع الشركة المنتجة للاب ودور على موديل اللاب بتاعك وحمل احدث تعريف لكارت الشاشة بتاعك من على الموقع وتصطبه.
ولو كان جهاز عادى اعرف موديل البوردة بتاعتك (بيكون مكتوب على البوردة نفسها) وادخل على موقع الشركة المصنعه ليها وحمل تعريف كارت الشاشة وصطبه.

والافضل ان تشيل الويندوز خالص وتحطه من اول وجديد لأنك لو حاولت تصطب التعريف اللى انته حملته على التعريف اللى موجود بالفعل. الويندوز بيحتفظ بنفس اعدادات التعريف القديم وممكن المشكلة تفضل موجودة.