E46 1999

**lawyer2011** · 30-08-2013 04:53 AM

الأعضاء الأفاضل .. بعد التحية
أرجو مساعدتي في تشخيص مشكلة بي ام الفئة الثالثة موديل 1999 ... حيث انني من الأسكندرية ولم اجد ميكانيكي يحدد بالظبط سبب العطل، واليكم ما يحدث
اثناء السير تفقد السيارة العزم ومؤشر استهلاك الوقود ينخفض رغم انني اكون ضاغط على دواسة البنزين ورغم ان مؤشر الار بي أم يكون عالي ومستمر في الصعود نتيجة لاستمرار الضغط على البنزين
ثم لو استمريت في الضغط بحيث وصل الار بي ام غلى 4 او 4.5 تأخذ السيارة غيار عكسي وتظهر علامة ترس ثم يعود كل شيئ لطبيعته، وبمجرد ان اوقف المحرك واعيد تشغيل السيارة يختفي الترس ويعود كل شيء لطبيعته
أما لو لم استمر في الضغط على دواسة الوقود وقمت بالتهدئة بحيث ينخفض الغيار نتيجة التهدئة يعود كل شيء لطبيعته.
وهذا العيب لا يحدث إلا بعد ان تسخن السيارة - درجة الحرارة العادية - ولا يحدث ابدا ومؤشر الحرارة قبل المنتصف مهما ضغطت عليها

أرجو المساعدة لأنني انوى الاصلاح في الحرفيين بالقاهرة ولا أعرف المدة التي سيستغرقها الاصلاح ولا تكلفته واريد استعد لذلك قبل السفر.

ولكم مني جزيل الشكر

**maskeen** · 30-08-2013 08:56 PM

طالما ظهرت علامة الترس يبقى للاسف الفتيس عندك بيودع ...انصحك تكشف بالكومبيوتر عند التوكيل او مركز محترم

**novo** · 30-08-2013 09:23 PM

المشاركة الأصلية كتبت بواسطة lawyer2011

الأعضاء الأفاضل .. بعد التحية
أرجو مساعدتي في تشخيص مشكلة بي ام الفئة الثالثة موديل 1999 ... حيث انني من الأسكندرية ولم اجد ميكانيكي يحدد بالظبط سبب العطل، واليكم ما يحدث
اثناء السير تفقد السيارة العزم ومؤشر استهلاك الوقود ينخفض رغم انني اكون ضاغط على دواسة البنزين ورغم ان مؤشر الار بي أم يكون عالي ومستمر في الصعود نتيجة لاستمرار الضغط على البنزين
ثم لو استمريت في الضغط بحيث وصل الار بي ام غلى 4 او 4.5 تأخذ السيارة غيار عكسي وتظهر علامة ترس ثم يعود كل شيئ لطبيعته، وبمجرد ان اوقف المحرك واعيد تشغيل السيارة يختفي الترس ويعود كل شيء لطبيعته
أما لو لم استمر في الضغط على دواسة الوقود وقمت بالتهدئة بحيث ينخفض الغيار نتيجة التهدئة يعود كل شيء لطبيعته.
وهذا العيب لا يحدث إلا بعد ان تسخن السيارة - درجة الحرارة العادية - ولا يحدث ابدا ومؤشر الحرارة قبل المنتصف مهما ضغطت عليها

أرجو المساعدة لأنني انوى الاصلاح في الحرفيين بالقاهرة ولا أعرف المدة التي سيستغرقها الاصلاح ولا تكلفته واريد استعد لذلك قبل السفر.

ولكم مني جزيل الشكر

حضرتك ممكن تروح لرياض فى الحرفيين
راجل محترم و بيخاف ربنا و رقمه 01004449649

**Ghost2** · 31-08-2013 11:47 PM

بص انا هقولك من الاخر عشان متوجعش قلبك .. المشكلة اللي عندك ان العربية بتيجي عند غيار معين غالبا من التالت للرابع صوت الموتور بيعلى و مش بتنقل ولو نقلت بتحس برزعة في الفتيس و تظهر علامة الترس و العربية بتفضل على الغيار ده و مش بتنقل لتحت او لفوق .. كده الفالف بادي عندك او علبة البلوف نفخت و معدش ينفع تاخد الغيار مرتاح . المشكلة دي مش بتتحل بتصليح لان محدش هيشيلك علبة بلوف من فتيس استيراد سليم و لو عملت طقم اصلاح هتلاقي الفتيس ظبط يومين و رجع عملها تاني و طبعا حضرتك مش هينفع تركب الفتيس الجديد الاستيبترونيك عشان هتغير فتيس بكنترول لكونسوله .. الحل المثالي دلوقتي ان تركب فتيس e36 هو بيركب عليها بس تجميع العربية بعد ال 170 هيكون بطئ شوية .. انما المشكلة دي مش هتظهر تاني . الفتيس اللي عندك بيعمل حوالي 4500 لحد 6000 على حسب المكان و حالة النص اللي انت هتفكه منه .. الفتيس بتاع ال e36 هيعمل 3500 و مش هتظهر المشكلة دي تاني تماما عندك و مش هتحس بفرق في المشي الا لو عديت ال 170 .. و نصيحه ركبه لانه ممتاز و مفيش منه شكاوى .. انما لو صلحت اللي معاك هزهق من العربية و هتصرف على الفاضي .. و اي حاجة تحتاجها انا تحت امرك . ولو عايز الفتيس روح عند مجدي البيومي في الحرفيين هتلاقيه عنده و هو عشرة على عشرة و محترمين في معاملتهم

**lawyer2011** · 01-09-2013 05:04 PM

الأعضاء الأفاضل
متشكر جدا على الردود
لكن لم يتأكد بعد انها مشكلة فتيس، لما علامة الترس بتظهر بيكون كل شيئ طبيعي والعربية بتقبل غيارات سواءا تصاعدي او تنازلي.
ومعلوماتي ان الترس لما بيظهر وتكون مشكلة فتيس العربية بتقف على غيار او مبتقبلش خالص والكلام ده مش موجود عندي.
ثانيا انا مؤشر استهلاك الوقود بينزل رغم اني بكون دايس والار بي ام عالى وكمان صوت المكنة عالي.
يعني اعتقد ان الموضوع ليه علاقة بحساس او عيب في تنظيم الهواء لكن انا مش عارف احدده.

جزيل الشكر

**samaegyone** · 01-09-2013 07:13 PM

شوف الاير ماس و السيكون.

**lawyer2011** · 02-09-2013 05:11 PM

المشاركة الأصلية كتبت بواسطة samaegyone

شوف الاير ماس و السيكون.

باشا .. بعد اذن حضرتك، ايه السيكون ده؟

**BMW** · 03-09-2013 03:25 AM

بص يا باشا انا كان عندى عيب قريب من اللى عند حضرتك وكانت علامة الترس بتظهر وعزم العربية بيروح خالص واقفل العربية واشغلها الدنيا تظبط وبعدين لاحظت انها بتعمل الموضوع ده على غيار معين المهم رحت عند الميكانيكى بتاعى وراح حطها على الجهاز ماظهرش حاجة المهم قاس بجهاز تانى مش فاكر اسمه الغيارات بتاعة الفتيس ظهر ان العيب فى السويتشات بتاعة الغيار الرابع ( كل غيار ليه 2 سويتش) نزل جابهم من الحرفيين وركبهم والدنيا تمام مش معنى ان الترس بتاع الفتيس ظهر ان الفتيس بيودع ماتقلقش ده ساعات تعليقة فى الكنترول بتاع العربية تخلى الترس بتاع الفتيس يظهر عادى جدا