ربنا يكرمك و يجازيك خير عن مجهودك و عن كل اللى إستفاد من الموضوع ده ،،،، رااااااائع
ربنا يكرمك و يجازيك خير عن مجهودك و عن كل اللى إستفاد من الموضوع ده ،،،، رااااااائع
حضرتك رايك ايه فى السيارة داستر هى عاجبانى ولكن هى سيارة عالية عن الارض ووزنها ثقيل ودفع رباعى و موتور ليس بوكسر قريب من الارض و اصبحت متخوف من ثباتها خصوصا اننى شاهدت فيديو للسيارة وهى ماشية على طريق عليه ماء وضرب السائق فرامل فدارت السيارة حول نفسها اكثر من مرة ثم انقلبت وقرات مداخلة عن انه اثناء سير السيارة على الطريق السريع حاول السائق تفادى عائق بالطريق ففرمل ثم كسر الدركسيون شمال وعند رد الدركسيون دارت السيارة حول نفسها وانقلبت فما راى حضرتك فهل هذا عيب من السائق ام من السيارة او من الطريق وشكرا مقدما على الافادة .
أول حاجة.. أشكرك على سؤالك.. لإني مفتقد الأسئلة فعلا لإنها بتوضح أشياء كتير ممكن ما تكونش واضحة في الموضوع الأصلي.. ده غير إني أنا شخصيا بتعلم منها.
اللي حضرتك بتوصفه (أو خايف منه) يعتبر عيب في كل سيارات الـsuv بلا استثناء.. حتى في أرقى سيارات الـSUV في العالم زي البورش كايين والبي إم دبليو x5 مثلا والتويوتا لاندكروزر.
والرينو داستر (أو داتشيا داستر) ما تختلفش عنها
http://sacarfan.co.za/wp-content/upl...t-duster-1.jpg
http://www.marathonrally.com/news/up...dacia_1_01.jpg
أغلب سيارات الـsuv وزنها تقيل.. وارتفاع السيارة عن الأرض معناه إن مركز الثقل بتاع العربية بقى عالي.. وبالتالي العربية بقت عرضة للانقلاب أكتر من غيرها.
دي حقائق فيزيائية لا يمكن حد ينكرها.
علشان كده .. لازم نفهم الغرض اللي السيارة مصممه من أجله.. ونعرف كويس حدود استخدامها ..
سيارات الـsuv بشكل عام مخصصة للاستخدام على الطرق الوعرة Off-Road .. وتقدر تدخل في أماكن ما تقدرش سيارات السيدان مثلا إنها تدخلها.. وعادة القيادة على الطرقات الوعرة بتبقى بسرعات منخفضة..
يعني علشان تشتري عربية SUV .. لازم تعرف كويس إنها ما ينفعش تسوقها بسرعات عالية.. وغالبا بتبقى السرعة القصوى لها أبطأ من سيارات السيدان اللي ليها نفس الحجم ونفس قدرة الموتور.
لو حضرتك أولوياتك متجهه ناحية الثبات أكتر.. يبقى تنسى أي عربية suv نهائيا... مهما كانت ماركتها.. وحتى لو شايف إنك محتاج عربية suv.. يبقى تدور على عربية يكون فيها أنظمة إلكترونية تساعد في التدخل في المواقف الحرجةزي الـesp مثلا (راجع مشاركة رقم 5 عن أنظمة الثبات الإلكتروني)..
والحاجات دي مش ببلاش.. يعني أكيد العربية اللي فيها الأنظمة دي بتبقى أغلى بفرق كبير.
ملخص الكلام..
كل عربية ليها استخدم معين.. ولازم نعرف إيه الاستخدام ده ونشتري على أساسه.
...
انا شاكر جدا على تشجيع حضرتك انا معك ان كل سيارة لها اسخدامها وهو ما نفتقده فى مصر الواحد عايز يشترى سيارة للاستخدام داخل المدينة وفى السفر وتصلح للطرق المكسرة وان تكون عالية عن الارض وموفرة للبنزين وشنطتها واسعة واعادة بيع كويسة واهم حاجة ان تكون ثابتة على السرعات العالية لاتقل عن 160 كيلو وياريت ان تكون ثابتة عند اخذ المنحنيات على سرعات عالية وتكون متجاوبة تماما مع اخذ الغرز كل ده فى عربية واحدة وده المستحيل بعينه لقد قرات تقييمات لبعض اصحاب الداستر فرحون ان موتورها قوى ويقومون بالشد مع سيارت اخرى على الطريق ويسبقونهم وهذا بالنسبة قمة السعادة بالعربية والرضا عنها بالنسبة لى اريد استخدامها داخل المدينة فى الشوارع المكسرة فاريد ان اعرف مواصفات الامان لقيادة الداستر علما ان بها abs ومش عارف فيها عمود استابليزر وايه الاضافات التى يمكن اضافتها لزيادة الامان .
موضوع رائع
موضوع جميل جدا
موضوع أكثر من رائع
موضوع رائع جدا
جــزاك الله خــيرا ..