[frame="7 80"]

بسم الله الرحمن الرحيم

فى هذا الموضوع بإذن الله سوف نستعرض , كيفية الحفاظ على اداء المحرك بتنظيف ال IDLE VALVE & FAST IDLE

والهدف من الموضوع هو ان الاعضاء يبدأوا يعملوا الموضوع دة بنفسهم , لان بلف الايدل بيحتاج تنظيف على الاقل كل 3 شهور , عشان يفضل يعمل بكفاءة

ومش معقول كل شوية هيروحوا يدفعوا ملبغ للميكانيكى عشان يعملهم الشغلانة دية

ودول من اهم الاساسيات اللى بيخلوا العربية , دائما مظبوطة وناعمة , وتحسين ادائها كتسارع واستهلاك بنزين

اولا : الادوات المستخدمة :

1- مفتاح مقاس 12 ناحية مشرشر وناحية عادية

2- مفك صليبة يكون متوسط , مساورة حديد رفيعة السمك ويفضل تكون صلبة وطويلة

3- كماشة رفيعة

4- اسبراى INJECTION CLEANER - WD-40 - ELECTRO CLEANER

5- بلاور هواء

6- ورقة سنفرة صغيرة درجة 120

هذة الطريقة خاصة بمحركات السيفيك الانجيكشن من موديل 1992- 2000

وقبل ان نستعرض طريقة التنظيف , يتم اولا بأختصار سريع لمعرفة وظيفة كل من الاتى :

1- IACV وهية اختصار لكلمة IDLE AIR CONTROL VALVE ( بلف الايدل )

وهو المسؤل عن معرفة و ظبط كمية الهواء الداخلة الى المحرك ليتم عن طريقة تنظيم عدد لفات المحرك اثناء وضع السلانسية , ويتم رفع عدد لفات المحرك تلقائيا عند الاحساس بوجود حمل على المحرك لبقاء تشغيل المحرك بسلاسة


1- مكان ال IDLE VALVE





2- طريقة فك ال IDLE VALVE :

- بلف الايدل مربوط فى المانيفولد الخاص بالسيارة عن طريق مسمارين مقاس 12 متركبين على احدى الزاويتين كما هو موضوح بالصورة + وجود خرطومين مياة + فيشة



[COLOR="DarkRed"]1- هتجيب مفتاح مقاس 12 اللى احنا قولنا علية , ونشيل الفيشة الخاصة بالايدل

وهتجيب الناحية المشرشرة للمفتاح وتفك فيها المسمار اللى فوق بس مش للاخر يعنى تفكة شوية بس

وبعد كدة تجيب الناحية العادية وتفك بيها المسمار السفلى , وبعد كدة تبدأ تفك المسمارين بأيدك بصورة متساوية

2- بعد فك الايدل , هتريحة للخلف , وتجيب الكماشة وتنزل الافيز الخاص بخرطومين المياة , وبعد كدة تشدهم لتحت بس بصورة نصف دائرية , لانك هتلاقيهم ماسكين

- بعد فك الايدل سيكون شكلة كالتالى



3- طريقة التنظيف :

الايدل هيكون بالشكل دة



1- هيتم احضار منظف ال WD-40 ورشة فى فتحتى البلف ومحاولة ملىء الفتحتين , وتركهم على الاقل 5 دقائق

2- يتم تفريغ ال WD-40 , ورش الفتحتين ب INJECTION CLEANER حتى يكون السائل اللى هينزل فى ايدك يصبح ابيض

3- هيتم قلب بلف الايدل بهذة الصورة



سيتم فك المسامير الموجودة , وتحذير مهم جدااااااااااا , يوجد جوان اسفل هذا الغطاء لا تحركة او تشيلة من مكانة وسيكون شكلة كالتالى :




- هتجيب ورقة السنفرة وتحاول تشيل الصدأ المتراكم بالداخل عن طريق رش WD-40 لحد لما ينظف ويرجع للونة الطبيعى + انك هتجيب المفك الرفيع وتنظف الماسورتين اللى بيتركب فيهم الخراطيم

- هتمشى ورا الخراطيم اللى كانت متركبة فى الايدل قبل ماتفكة هتلاقيهم واصلين بالTHROTTLE BODY وتفكهم , وترش فيهم WD-40 وتنظفهم عن طريق الماسورة اللى احنا قولنا عليها لحد ماتنزل كل الصدأ اللى فيهم وريجعوا نظاف , ويتم تركيبهم بنفس الاتجاة يعنى كل طرف فى الخرطوم الكاوتش يكون متركب بنفس طريقة فكة

- فى النهاية وقبل التركيب : هترش رشة من ال ELECTRO CLEANER على الفيشة والجزء اللى موجود فى جسم الايدل , وكمان بداخل الايدل , ويتم تنشيفهم بالبلاور

دة الجزء الاول من عملية التنظيف , وان شاء الله هكمل طرق التنظيف تباعا

هذا الموضوع من مجهودى الشخصى , اهداء منى الى اصدقائى واخوانى فى قسم هوندا
[/frame]