كنت عايز اعرف سعر نيسان تيدا دلوقتي المانيوال فقط بشنطة او بدون
و هل العربية امكانياتها كويسة ؟؟
بس المشكلة اني مش متقبل شكلها اوي حاسس انها عائلية اويبي بس هي ياباني و اللي يفوتة الياباني يقول اه ياني مش هيرجع تاني :laugh6: :laugh6:
عرض للطباعة
كنت عايز اعرف سعر نيسان تيدا دلوقتي المانيوال فقط بشنطة او بدون
و هل العربية امكانياتها كويسة ؟؟
بس المشكلة اني مش متقبل شكلها اوي حاسس انها عائلية اويبي بس هي ياباني و اللي يفوتة الياباني يقول اه ياني مش هيرجع تاني :laugh6: :laugh6:
العربية حلوة جدا وريشة في السحب والجري وصوتها ما تسمعوش وتكيفها رهيب جدا. السيارة دي كانت معايا موديل 2007 زيرو اوتوماتيك بس للاسف بعتها والسبب الرئيسي هو انها خفيقة جدا ومحتاجة معاملة فافي شوية. يعني تبعد عن المطبات الجامدة والحتت المكسرة وتخلي بالك اهم حاجة من الحوادث لان اكسداماتها ورق. المهم لو حبيت تشتريها هاتها كلها اوتوماتيك وبالذات الشبابيك
للأسف الشديد السيارة التيدا موديل 2008، والمفترض أنها يابانية الصنع، تعاني من نقط الضعف التالية:
1- حوض المحرك صغير جدا ويصعب التعامل مع أجزاءه في حال أي ظرف طاريء
2- سهولة إصابة أجزاء عديدة من المحرك وبالذاتالأجزاء الداخلية الأمامية عند أقل تصادم يحدث، لا قدر الله
3- ضفيرة الكهرباء تم عزلها بشكل سيء وبدائي وبدون وضعها داخل خراطيم حماية كما هو المتعارف عليه في جميع أنواع السيارات الأخرى! وهذا شيء خطير للغاية
مع خالص تحياتي
العربيه معايا الحمد الله بسم الله ماشاء الله داخله على 45 الف كليو
ومفتحتش الكبوت وكله فى التوكيل بيتعمل فى اقل وقت واحسن خدمه ده نقطه
انا معايا السيدان منها وشكلها عاجبنى وفيه ناس بتقول وحشه دى ازواق بس التيدا الهاتش باك مفيش اتنين يختلفوا عليها شكلها روعه
طبعا العربيه حدث ولا حرج عنها ناعمه جدا جدا متسمعش ولا صوت موتور ولا صوت الشارع والتكيف تحفه
ثابته لحد ال 140 بعد كده فيه لعب بس مش موت يعنى
تسارع حلوه صالون واسع جدا جدا جدا من اوسع الصالونات فى فئتها
توكيل محترم يابانى ميه فى الميه وتعطيك انطباع بكده
فى تكفيل التابلوه مفهوش غلطه واماكن تخزين كتيره فى التابلوه وعداد واضح وايرباج للسائق والراكب وفرامل abs
يعنى كل ده واحكم انت
لمعرفة الاسعار
شوف اللينك ده
http://www.nilemotors.net/Nile/showthread.php?t=37613
انا معايا مو 2008 والسيارة روعة بكل معانى الكلمة
ده رايى بعد تجارب اخرى مع تويوتا وميجان واوكتافيا وهوندا
اتكل على الله ومش هتندم عمرك
خش على منتدى النيسان واتفرج على تجارب الاعضاء معاها
انت قلقتنى موووت من الكلمة دى :sorry:
اصل ثبات لحد 140 دة قليل اوى . كمان انا حاسة ان العربية كويسة و الناس كلها بتشكر فيها بس موضوع الثبات دة يقلق جدا
انا كنت جبت بعربيتي (سيراتو2008) لحد 180 كم و بدات احس باللعب اللى حضرتك بتقول عليه عند ال 180 كمان عشان الطريق كان طالع نازل و العربية ماشية على سرعة عالية فقلقت شوية لكن لو الطريق كان احسن مظنش كان هيبقي فى قلق
يا تري كل ملاك العربية بيشتكوا من نفس النقطة؟؟
125 الف في تيدا لا طبعا مش هو ده سعرها ولا ايه ما اجيب مازدا 3 احسن اول فئة خالص
التيدا ثابتة لغاية 140-150 حسبب الظروق و اعلى سرعة جابتها 170 كانت اقل نسمة هوا ممكن تحركها و بتعوم و الكلام دة على مصر اسكندرية الصحراوي بعد التوضيب
بس مش انا اللي جبتها كان واحد صاحبي و كنت معاه
كانت سيدان اوتوماتيك
نيسان تيدا عربيه جميله جدا و ممتازة و لو هتشتريها استخير
و لو تحب تشوف عربيه تانبيه فيها نفس كماليات و اكتر و عوامل امان و صاج محمل و صالون واسع و فخم و ثبات واتزان رهيب و موتور قوى و تصميم متميز لكنه عائلى يدل على شياكه و الوقار و سعر فوق الممتاز و تبقى فرصه جبت عربيه ممتازة و اداء متقارب ووفرت لو مهتم شوف الموضوع ده
http://www.nilemotors.net/Nile/showthread.php?t=38184
و بردوا تيدا لن تندم انا اكثر عربيات بحبها جدا مازدا 3 و تيدا و فورد فوكاس و اوبل استرا و رينو ميجان دى العربيات اللى بحلم بامتلاك واحده منهم لكن سعرهم غالى بالنسبه لى