الموضوع: بفكر اشتري نــيــســـــان تـيـــدا

العربية حلوة جدا وريشة في السحب والجري وصوتها ما تسمعوش وتكيفها رهيب جدا. السيارة دي كانت معايا موديل 2007 زيرو اوتوماتيك بس للاسف بعتها والسبب الرئيسي هو انها خفيقة جدا ومحتاجة معاملة فافي شوية. يعني تبعد عن المطبات الجامدة والحتت المكسرة وتخلي بالك اهم حاجة من الحوادث لان اكسداماتها ورق. المهم لو حبيت تشتريها هاتها كلها اوتوماتيك وبالذات الشبابيك

العربيه معايا الحمد الله بسم الله ماشاء الله داخله على 45 الف كليو

ومفتحتش الكبوت وكله فى التوكيل بيتعمل فى اقل وقت واحسن خدمه ده نقطه

انا معايا السيدان منها وشكلها عاجبنى وفيه ناس بتقول وحشه دى ازواق بس التيدا الهاتش باك مفيش اتنين يختلفوا عليها شكلها روعه

طبعا العربيه حدث ولا حرج عنها ناعمه جدا جدا متسمعش ولا صوت موتور ولا صوت الشارع والتكيف تحفه

ثابته لحد ال 140 بعد كده فيه لعب بس مش موت يعنى

تسارع حلوه صالون واسع جدا جدا جدا من اوسع الصالونات فى فئتها

توكيل محترم يابانى ميه فى الميه وتعطيك انطباع بكده

فى تكفيل التابلوه مفهوش غلطه واماكن تخزين كتيره فى التابلوه وعداد واضح وايرباج للسائق والراكب وفرامل abs

يعنى كل ده واحكم انت

انا معايا مو 2008 والسيارة روعة بكل معانى الكلمة
ده رايى بعد تجارب اخرى مع تويوتا وميجان واوكتافيا وهوندا

اتكل على الله ومش هتندم عمرك

خش على منتدى النيسان واتفرج على تجارب الاعضاء معاها

المشاركة الأصلية كتبت بواسطة mahamedaraby

ثابته لحد ال 140 بعد كده فيه لعب بس مش موت يعنى

انت قلقتنى موووت من الكلمة دى

اصل ثبات لحد 140 دة قليل اوى . كمان انا حاسة ان العربية كويسة و الناس كلها بتشكر فيها بس موضوع الثبات دة يقلق جدا

انا كنت جبت بعربيتي (سيراتو2008) لحد 180 كم و بدات احس باللعب اللى حضرتك بتقول عليه عند ال 180 كمان عشان الطريق كان طالع نازل و العربية ماشية على سرعة عالية فقلقت شوية لكن لو الطريق كان احسن مظنش كان هيبقي فى قلق


يا تري كل ملاك العربية بيشتكوا من نفس النقطة؟؟

التيدا ثابتة لغاية 140-150 حسبب الظروق و اعلى سرعة جابتها 170 كانت اقل نسمة هوا ممكن تحركها و بتعوم و الكلام دة على مصر اسكندرية الصحراوي بعد التوضيب
بس مش انا اللي جبتها كان واحد صاحبي و كنت معاه
كانت سيدان اوتوماتيك