الموضوع: مشكله ف فتيس الفيكترا الاتوماتيك

السلام عليكم ....
انا لسه عضو جديد معاكم الاول عايز اشكر ادارة المنتدى على المجهود الرائع ده واشكر اعضاءه المحترمين على مساهمتهم اللى افادتنى وبالاخص الاستاذ طنانى باشا لانه ساعدنى انى اخد قرار الابقاء على سيارتى الاوبل وما اتسرعش فى بيعها بس المشكله انى لسه مشتريها من شهر مايو الماضى فكترا 2001 ماكينه 2000 ecotech فتيس اتوماتك وهنا المشكله انا مش عايز اطول عليكم بس معليش استحملونى انا زى اى حد بيشترى سياره مستعمله اول مابيستلمها بيعملها شوية صيانه غيرت الزيوت وطبعا من ضمن زيت الفتيس وسالت هو ليه فلتر قالو لا طيب المشكله انه من غير مقدمات وانا راجع من اسكندريه والسياره ماشيه كويس لقيت ال rbm بيعلى ومفيش سحب ولا غيرات بيوصل مثلا 4000 والسرعه 80 المهم شكت ان مفيش زيت فى الفتيس قيست الزيت لاقيته مظبوط المهم خدتها واحده واحده و السرعه ساعات توصل 80 وساعات توصل 30 او اقل المهم وصلت وروحت للميكانيكى وقالى الحقيقه المره اللى كنت بكدب نفسى فيها ومش عايز اصدقها السياره عايزه فتيس اه نسيت اقولكم مافيش مارشدير واكتشفت ده وانا بدخلها الجراج معليش طولت عليكم انا عايز اعرف ده من ايه ياترى صاحب السياره كان ملصم الفتيس مع العلم اناخليت الميكانيكى بعد ماكشف عليه يشوف اتفك قبل كده ولى لا قال لا ؟؟؟؟؟؟؟؟؟ انا سالت فى الحرافين عليه لقيته ب 2900 جنيه ياريت حضرتكم تفيدونى الميكانيكى بيقول فى فتيس اربعه غيار والتانى خمسه انهى واحد احسن او لو فيه حل عند حد منكم
ملحوظه : اناسالت عليه فى التوكيل جديد لقيته 67000جنيه ايوه سبعة وستون الف جنيه اكتر من ثمن السياره اللى انا دفعته افيدونى افادكم الله وشكرا