الألمانى حاجة تانية
ومبروك مقدمااااااااااااااااااااا ااااااااااا:satelite:
الألمانى حاجة تانية
ومبروك مقدمااااااااااااااااااااا ااااااااااا:satelite:
الي تعرفه احسن من الي متعرفوش
اوبل استرا
انا من عشاق الكورولا وركبت موديل 84 خليجي من صغري ومعايا 2002 خليجي من اول مانزلت ولحد الان عاملة بيها 76 الف كيلو لاني بمشي بيها شوية وبركنها شويتين ومشاويري بيها قليلة وسافرت بيها مرتين وكانت من اجمل العربيات اللي ركبتها في حياتي مفيش انعم من كدة عفشة ومناورات عالطريق كفاية اني كنت حتثبت مرتين على طرق سريعة ونجدتني عشان سهولة المناورات بيها
وكنت بفكر في الموديل الجديد وروحت شوفته واتصدمت خصوصا ان تجميعه تركي والخامات فقيرة والصاج مش متين زي الي معايا وخفت احجز لحد ماتبان عيوبها خصوصا ان العيب الوحيد في الموديل الي معايا وافتكر انه عيب اغلب الموديلات انها مفيهاش ثبات من اول ال 110 كيلو واقل شوية هوا يهزوني وانا سايقة وياسلام لو مقطورة سرعتها اعلى مني بحس اني شوية وحطير
السوبارو اقتنعت بيها مؤخرا وردود الاعضاء طمنتني اكتر خصوصا اني شوفت العربية في معرض وعجبتني خصوصا انها ياباني 100 % وفيها مميزات الكورولا اللي بدور عليها
مش حضيف كتير على ردود الاعضاء الخبرة اكتر مني بس لو حضرتك عاوز عربية سرعة ونعومة واداء واعتمادية فعليك وعلى السوبارو او كورولا 2007 عداد قليل حالة شاذة مش مفحوتة وطالع عنيها ( بالنسبالي عهد الكورولا انتهى عند 2007 )
لو فخامة وثبات وقوة يبقى الاسترا وفي النهاية عليك وعلى صلاة الاستخارة ومبروك مقدما
انا مش ححيرك لكن نصيحتي ادخل علي رابطه ملاك الفلوانس في قسم رينو وشوفهم بيتكلموا مع بعض عن العربيه والتوكيل والاعتماديه ازاي .. ولاحظ ان كلهم ملاك للفلوانس وبيتكلموا مع بعض براحتهم وانا مستني ردك .
عن تجربه 15 سنه منهم 10 سنوات مع تويوتا تحديدا
تويوتا = اعتماديه + عمر افتراضى طوووويل + نعومه + استهلاك بنزين معدوم + امان نفسى لغياب الاعطال + مفيش فلسفه معقده و لا كروت الكترونيه يعنى بليه يغيرك اى قطعه غيار + سبائك الموتور و انابيب التوصيلات + الشكمان و المساعدين متقنه الصنع وقويه للغايه (ابداع يابانى بالسبائك) بعد مرور سنوات هتكتشف ان كل حاجه بالعربيه زى ما هيا بدون مبالغه
حته الصاج و الكلام ده افتح فرش اى باب و شوف بارات الفولاذ الموجوده به ثم العربيه معاها ضمان 12 سنه ضد الصدأ
مساعدين الكورولا الجديده انضاغطهم قليل جدا لذلك عند تحميل السياره بتريح حاجه بسيطه جدا ...حاول تاخد نظره على باب تويوتا بالموقع
بصراحه عربيه سلسه و نادرا جدا لما تقف بيك ..... الخليج كله اليابانى و تحديدا تويوتا و لكزس مكتسح
احلي حاجه في الموضوع
خروجه من الجدل العقيم الا القليل
الجدل البيزنطي اللي مالوش فايده
عن الياباني والالماني
غالبيه المشاركات كانت عربيه امام عربيه
كورولا امام استرا
هو ده اللي يفيد الناس
انا واقع فى نفس الحيرة تماما بس بصراحة استبعدت الكورولا من المقارنة و اقتنعت اوى بالسوبارو.. و بقارن دلوقتي بينها و بين الاسترا بس انا مش بفكر فى اعادة البيع دلوقتي خالص و عشان كده ميال للامبريزا من حيث الوسع الداخلى و الثبات و الدفع الرباعي و الفتيس ال cvt و التقفيل اليابانى و اخيرا التوكيل افضل من منصور.
الله المستعان.
بحكم امتلاكى للاسترا ومن اشد المعجبين للامبريزا والxv احب اقلك ان العربيتين ( الاسترا والامبريزا) ميفرقوش كتير عن بعض غير فى جوده الخامات الداخليه والاوبشنز اللى فى صالح الاسترا بتفوق واضح واعتقد اكيد التوكيل فى صالح الاسترا كمان
يعنى سعر الشرا واعاده البيع وقطع الغيار والتوكيل والثبات والصانع والاعتماديه وتوافر قطع الغيار تقريبا واحد وبيفرق بس بعض التقنيات فى وضعيىه الماتور والدفع الرباعى والانتشار اللى اكتر للاسترا
وربنا يوفقك
الاوروبي يكسب
انا نزلت اتفرجت على الأتنين و بصراحة حسيت بفرق بين الأتنين .. الموتور و الفتيس و التعليق و المساحة الخلفية تتفوق فيهم الأمبريزا .. بالنسبة للإعتمادية : انا قرات اكتر من مقال عن الإمبريزا و كفائتها و إنها مش بتحتاج اى مصاريف قبل 75 الف كيلو , بالإضافة ان إستهلاكها للبنزين اقل من الأسترا وانا بسافر بالعربية كتير و حتى مشوار شغلى مسافات طويلة ..
نقطه اعادة البيع و الإنتشار بصراحة مش من اولوياتى اوى دلوقتى لانى مش بفكر فى البيع خالص ان شاء الله قبل 6 او 7 سنين .. و الإنتشار زى ماليه مميزاته ليه عيوبه من وجهه نظرى ( مش بحب احس انى راكب عربية منتشرة اوى )
و بالنسبة للأوبشنز اللى شادانى فعلا فى الأسترا كانت ( البارك سينسور - الكروز كونترول ) واكتشفت ان تركيب الأتنين فى السوبارو حوالى 2000 جنيه , بس الأمبريزا فيها حاجات عمرها ما هتتعمل فى الأسترا من فتيس لسحب لدفع رباعى لفتحه سقف .. بالإضافه انها فيها بلوتوث و فرش جلد ( طبعا المقارنة على اعلى فئة فى الأتنين 185 الف )
والله المستعان :) :ask:
بصراحة انا شايف الكوروﻻ تكسب اعتمادىة ووسع وشكل خارجي و داخلي و اﻻهتمام بالثبات في المديل الجديد بخاصية ال vsc اما بالنسبة لانها تركى انا مش شايف انه عيب خصوصا ان مصنع تركيا بيصنع لاوروبا و كل العالم ماعدا امريكا عندها مصنعهاو اكيد تويوتا مش هتضحى باقوي اسم عندها اللى الكوروﻻ خاصة بعد تجربة جنوب افريقيا و اللي مطمنى ان نفس امكانيات اوروبا هتنزل لنا كاملة فى مصر. اما بالنسبة الاسترا فا العربية شكلها ممتاز من جوة و من برة لاجدال و لكن مشاكل التوكيل بتاعها منصور باشا و المشكلة الاكبر اللى خلتني اصرف نظر عنها خالص ضيق الصالون خاصة الكنبة الخلفية. لما ظبطت الكرسي الامامي علي وضع سواقتي و جيت اركب ورا معرفتش اركب براحتي رغم اني مش طويل و عشان اعرف اقعد لازم افتح رجلي دانا كان معايا هيونداي جيتز كانت اوسع منها و لو جيت قارنتها بالكوروﻻ في الوسع انا عملت نفس التست و لقيتها واسعة جدا جدا فا قلت اجرب ارجع الكرسي علي الاخر خالص ورا و رجعت علي الكنبة و كانت المفاجئة اني مكنتش طايل الكرسي القدماني و بدون مبالغة المسافة مبيت رجلي لضهر الكرسي الامامي لاتقل عن 12 سم
استرا
أركب اوبل .. متعه لوحدها .. حتى لو المنافس تويوتا :d
185000 في كرولا !!!!!!! ، نصيحة لو ناوي تدفع مبلغ زي دة في عربية يبقي لازم تكون الماني!
على فكره الاسترا الكوزمو دلوقتى بقت 196000 كانت ب189000
If i were you i will choose the new astra cosmo 2014
أضيق معاك وده بسبب حجم الكراسى والكنبة الأتخن فى الأسترا (الأتخن ده ميزة فى راحة القعدة فى المسافات وعيب لأنه بيضيق المساحة الداخلية).
نيجى بقى لنقطة الإمكانيات الأقل
الكورولا الفول أوبشن تتفوق فى:
هورس باور أعلى (122 مقابل 115)
الفتيس CVT (ميزته التسارع بس مش كل الناس بتحبه علشان مابينقلش بالمعنى المعتاد)
سبورت موود وإكو موود
المساحة الخلفية للكنبة أكبر
البلوتوث
ضبط مستوى الاضاءة الامامية أوتوماتيك (يدوى فى الأسترا)
سخانات المرايا الجانبية
حساسات الركن الأمامية
Park Assist
الأسترا الكوزمو تتفوق فى:
عزم حاضر على عدد لفات أقل (155 عند 4000 مقابل 154عند 5200)
أبعاد العربية عامة أكبر (طولاً وعرضاً وإرتفاعاً)
الخلوص الأرضى أعلى (134 مقابل 125)
جنوط أكبر (17 مقابل 16) وطبعا كاوتش أعرض (215 مقابل 205)
التعليق الخلفى معدل بWatt's Link مقابل Torsion Beam عادىِ
Air Bags أكثر (4 مقابل 2)
النوافذ الكهربائية ضغطة واحدة لكل النوافذ (مقابل السائق فقط فى الكورولا) مع جهاز رفع وفتح من الريموت
المرايا الداخلية ذاتية التعتيم
نظام مساعدة الطرق الصاعدة (Hill Assist)
فرامل اليد كهربائية
السماعات (7 مقابل 6)
حساسات نور ومطر
الفرش الداخلى جلد على قماش
محدد سرعة (وده غير الكروز كونترول اللى موجود فى الإثنين)
سعة الشنطة حاجة بسيطة (460 مقابل 452)
The bluetooth is added in the new astra cosmo 2014
هي المقارنة بالسعر وﻻ الفئة? لو السعر يبقي حضرتك بتقارن ازاي كوروﻻ 185 الف و كوزمو 199 الف و مع ذلك الاوبشنز اللي حضرتك قةلتها في منها كتير في كوروﻻ الفئة التانية اللي ارخص من الكوزمو 15 الف و هقولهم لحضرتك.
طب مدام فرق 15 الف ليه منقارنش كورولا 210 الف ب كوزمو ب 199 و اهي فرق 10 اللاف مش 15 الف و يبقي برضو اسمها فرق سعر اقل و بنقارن صح هاي لاين بهاي لاين ولا اييه.
ارد علي كلام حضرتك.
عزم 155 مقابل 154 هل ده فرق قوى يستاهل نتكلم فيه خصوصا ان فيه سبورت مود مش موجود في الاسترا.
الفروق في الابعاد بسيطة جدا جدا و هل من المنطقي او الافضل ابعاد العربية تكون اكبر و الاقيها ضيقة من جوة ? و معلومة برضو لحضرتك قاعدة العجلات في الكوروﻻ 2700 و في الاسترا اقل من الرقم ده و ده طبعا ميزة في الثبات عن ان عربية تبيق اكبر بحجات بسيطة و ضيقة جدا من جوة.
الخلوص الارضى الاقل معناه ثبات علي الارض دى ميزة و العربية مش واطية زي مالناس مبتقول و كمان العفشة سبور فمش بتهبط لو محملة
جنط 17 ده عيب مش ميزة في مصر عشان اى مطب علي سرعة عالية بيعمل بالونة و يبوظ و الانسب في شوارع مصر ال 16
العربية فيها 7 ايرباج الاسترا 4
المرايا الداخلية ذاتية التعتيم في الكوروﻻ
العربية فيها hill assist من اول فئة
الكوروﻻ فيها حساسات مطر و نور
الكوروﻻ فرشها جلد علي قماش
الكوروﻻ فيها كروز كنترول و كمان محدد سرعة
و تزيد كمان
انوار ليد
تشغيل اوتوماتيك لنور emergency في حالة الفرملة المفاجئة
سخانات في المرايات الجانبية
كاسيت تاتش
كاميرا خلفية
follow me home
voice recognition +voice commands
تكييف ديوال زون
مفتاح بصمة
start stop engine
فوانيس شبورة خلفية
رشاشات للفوانيس الامامية
عجلة قيادة ثلاثية المخادع
عفشة سبور
حساسات ركن امامية و جانبية
و كفاية اقولك ان فيها اوتو بارك
اعتقد دى المقارنة الاصح و التي لاتظلم اي منهم مع الاخد في الاعتبار الاسعار و الفئات كما هي مبينة، و كامل احترامي لكلام حضرتك و شكرا
[QUOTE=K.Ossama;3875307230]حضرتك إللى اخترت الفئات مش أنا
مش معنى الكلام ده ان المقارنة بين الأسترا الكوزمو والكورولا الفئة التانية......؟؟؟[/QUOTE[[
انا مخترتش خالص لو ترجع حضزتك للكلام اللى انا كاتبة كنت برد علي زميل فاضل كان كاتب الكوروﻻ 185 الف ولو هيدفع المبلغ ده فيدفعه في الماني فهو اللي قال الفئة و انا علقت علي اثاث كده.
و لو فيه مقارنة فانا شايفها افضل بالفئة او السعر.
و عموما معظم الاوبشنز موجودة في الفئة التانية 185 و تعتبر الفئة الرابحة و الهاي لاين تزيد
كاميرا مع كاسيت تاتش
7 ايرباج
مراية تعتيم
مفتاح بصمة
و مع التحفظ علي توكيل منصور و الشكوى منه و سعر اعادة البيع.
شكرا لرد حضرتك
الموضوع مش محتاج تريقة.....
الفرق اللى انا كتبته مش 155 مقابل 154
الفرق امتى العزم الأقصى بيطلع. وده فرق يستاهل نتكلم فيه؛ عند 4000 (وده بدرى يعنى حرق بسيط من غير الحاجة الى سبورت موود) مقابل عبد 5200 (متأخر ومحتاج حرق زيادة وده اللى ببعمله السبورت موود)
قاعدة العجلات او wheel base دى المسافة بين منتصف العجلة الأمامية والخلفية. وهنا الفرق صغير أوى ما بين الثنين، 1.5 سنتيمتر لصالح الكورولا.
وده له علاقة أكبر بالمساحات الداخلية للعربية. بيفرق طبعاً فى القدرة علة المناورة اكتر من الثبات. علشان كده كل الموديلات اللى في منها نسخ سيدان ورياضية، دايماً قاعدة العجلات فى النسخة الرياضية بتبقى أقصر شوية من السيدان علشان تبقى اكثر متعة فى القيادة (Fun to Drive).
لكن حارجع وأقول الفرق هنا صغير أوى. مجرد سنتى ونص. فمش حيعمل فرق يذكر لصالح اى من العربيتين
زى ما أنا كتبت فى المشاركة السابقة
حضرتك قلت ان الأسترا أغلى عشرة آلاف جنيه من الكورولا وإمكانياتها أقل.
فأنا جبت إمكانيات الكورولا اللى ب185 والأسترا الكوزمو اللى ب195. وكتبت نقاط تفوق كل واحدة على التانية.
رحت حضرتك ماسك كل كلمة أنا قولتها عن الأسترا ومصر تحولها إما لنقطة سلبية وعيوب إما لنقطة تافهة لا تستحق الكلام. وحولت المقارنة مع أعلى فئة فى الكورولا (اللى هى اغلى من الكوزمو ب15 ألف على الأقل من غير أوفر برايس)
ده اللى حسسنى بالتريقة.
يعنى مثلاً انا شارح نقطة العزم بالتفصيل وحضرتك تختزلها ل155/154 فمايستهلش نتكلم فيها. بقى ده مش تريقة أو استهزاء
أنا كنت بحاول أساعد صاحب الموضوع بحيادية على قد ما أقدر.
بس حضرتك واخد الموضوع بشكل شخصى وإن فيه صح أوحد وواضح لا يقبل النقاش.
حتى آخر رد من حضرتك كاتب "و اللي اعرفه كمان ان العربية تقيلة في الطلعات الاولي عن الكوروﻻ " طيب مأنا كاتب كدة فى المقارنة برضو .
ولو تلاحظ حضرتك ماكتبتش ولا ميزة للأسترا. مش معنى إن كل واحد فينا إختار يشترى عربية إنها الأحسن والانسب لكل الناس بشكل عام.
أنا ماقولش ان الأسترا أحسن عربية فى الفئة دى واكيد ليها مميزات وعيوب وكذلك الكورولا نفس الكلام. مش كده ولا انا غلطان....؟
اعذرنى على الاطاله بس ما حبتش يبقى فيه اى زعل بيننا نتيجة سوء تفاهم بدون داعى
تحياتى
وسع اختياراتك وشوف فورد فوكس مع اوبل أسترا وأركب الاتنين وموفق فى الشراء
النتائج متقاربة جدا .. واضح إنها منافسة شرسة .. عموما أنا اخترت الأسترا لأني أفضل الألماني عن الياباني، ولأني شايف أن الكورولا بالذات عمالة تتخبط من بعد الشكل اللي آخره كان 2007 .. فمرة تبقى جنوب أفريقي ومرة ياباني ومرة تركي .. ثم إنه نفس الموتور من 2008 .. صحيح هو موتور كويس بس فين التجديد والتطوير .. ده سيات عملت موتور 1200 سي سي بنفس قوة المواتير ال 1600 ( القديمة طبعا ) وبيستهلك أق من 5 لتر!! كما إن أشكال الكورولا بصراحة لا تعجبني من بعد 2008 ( وهذا رأيي طبعا ) .. وفقنا الله وإياكم لما فيه الخير.
تنبيه هاااااااام
ولا دي ولا دي
اوكتافيا اي سفن
هيا اللي مسيطرة طبعا علي السوق الاوبل جميله بس سعرها واقع جدا تلاقي منها مستعمل نازل 30 الف و اكثر
التويوتا واطيه جدا انا سالت واحد بيطلع علي سكك زراعي و صحراوي متعذب بيها
الاوكتافيا مسيطرة و لو مش معاك ثمنها
اركب تويوتا 2013 خليجي ب 155 الف
ال اي سفن فتيس جديد cvt الجديد مش اللي في الباسات