مثبت السرعة لمبتة بتشتغل بس الزراير فى الطارة مش شغالة؟!!

**medo_molto** · 31-08-2013 11:47 AM

صباح الخير يا وحوش عندى استفسار بعد اذنكم انا لما بشغل مثبت السرعة او محدد السرعة اللمبة بتشتغل عادى سواء البرتقالى او الخضرا وبيتكتب فى الشاشة عادى الشغال
(speed limiter او cruse speed) بس لما بضغط على الزراير الى فى الطارة مش شغالين سواء ( - او + او R او O ) فياترى دا من اية مع انى عملت زرار الايرباج الى فى الشمال on و off شغال عادى ولما بفصلة بينور فى الشاشة وبيقلى الايرباج مفصول فدا معناه ان الايرباج شغال والعطل من مثبت السرعة ولا اية بالظبظ عشان مش فاهم وياترى لو حبيت اشغل الزراير الى فى الطارة بتاعت المثبت التكلفة هتبقى اد اية ....وشكرا ليكم ومستنى رد الوحوش

**Rsarabia** · 31-08-2013 02:22 PM

غالبا دا شريط الايرباج اتقطع
هتلاقى لمبته منورة
كل الزراير هتتصلح لو شريط الايرباج اتصلح

**medo_molto** · 31-08-2013 02:42 PM

المشاركة الأصلية كتبت بواسطة Rsarabia

غالبا دا شريط الايرباج اتقطع
هتلاقى لمبته منورة
كل الزراير هتتصلح لو شريط الايرباج اتصلح

لا يا كبير لمبة الايرباج مش منورة ولا حاجة بتنور بس فى حالة انى لو عملت off من الزار الى فى الجنب من الباب الى جنب السواق غير كدا مفيش ولا لمبة منورة الحمد لله

**Shiref_mohamed** · 01-09-2013 01:21 AM

شريط الايرباج بدا يتقطع منه تراكات

**medo_molto** · 01-09-2013 10:52 AM

المشاركة الأصلية كتبت بواسطة Shiref_mohamed

شريط الايرباج بدا يتقطع منه تراكات

طب بيتصلح ولا اجيب جديد ؟ ومحدش يقلى فكه واعملة انت عشان مليش فى الحاجات دى خالص وياريت لو حد عملة عند حد كويس وواثق فى شغلة ياريت حد يقلى فين والتكلفة تقريبا كام .....وشكرا على ردكم ياوحوش

**solly1979** · 04-09-2013 11:43 AM

لو حضرتك شارى العربيه مستعمله ممكن يكون المالك كان عمله disable
علشان كدة اللمبه مش منورة
لما تصلحه لازم على الكمبيوتر يتعمله enable
اشترى واحد استيراد بمثبت سرعه ب 800 جنيه وانت واقف كهربائى يركبهولك فى 5 دقايق وبرمجه وجربه
الجديد ب 1750 حرام بصراحه حتة شريط بالمبلغ دة

**medo_molto** · 04-09-2013 01:31 PM

المشاركة الأصلية كتبت بواسطة solly1979

لو حضرتك شارى العربيه مستعمله ممكن يكون المالك كان عمله disable
علشان كدة اللمبه مش منورة
لما تصلحه لازم على الكمبيوتر يتعمله enable
اشترى واحد استيراد بمثبت سرعه ب 800 جنيه وانت واقف كهربائى يركبهولك فى 5 دقايق وبرمجه وجربه
الجديد ب 1750 حرام بصراحه حتة شريط بالمبلغ دة

ان شاء الله هعمل كدا واجيب واحد استيراد واخلى كهربائى يركبة.. فعلا عندك حق حرام حتة شريط بالمبلغ دا

**WALEEDELGINADY** · 04-09-2013 09:59 PM

أنا عندى نفس المشكلة و إكتشفتها مؤخراً ..مع إن مثبت/محدد السرعة كان شغال و أنا عامل Disable للمبة الإير باج بتاعة السائق من أكتر من سنتين ومع ذلك الدنيا كانت شغالة عادى لكن مؤخراً ظهرت المشكلة دى عندى
السؤال دلوقت
-إشمعنى ظهرت العلاقة بين قطع شريط الإيرباج و مثبت السرعة دلوقت وهل ممكن تكون حاجة تانية هى سبب العيب؟

**medo_molto** · 08-09-2013 01:40 PM

المشاركة الأصلية كتبت بواسطة waleedelginady

أنا عندى نفس المشكلة و إكتشفتها مؤخراً ..مع إن مثبت/محدد السرعة كان شغال و أنا عامل disable للمبة الإير باج بتاعة السائق من أكتر من سنتين ومع ذلك الدنيا كانت شغالة عادى لكن مؤخراً ظهرت المشكلة دى عندى
السؤال دلوقت
-إشمعنى ظهرت العلاقة بين قطع شريط الإيرباج و مثبت السرعة دلوقت وهل ممكن تكون حاجة تانية هى سبب العيب؟

أنا الي اعرفك انه بيبقي استهلاك موضوع الايرباج دا وطبعا مرتبط معاه المثبت