الموضوع: ضرووووووورى من ملاك الايليزيه

المشاركة الأصلية كتبت بواسطة mido353235

انا مش من ملاكها بس لو البيجو مفيش كلام اتقال عليها او عيوب ظهرت فيها يبقى استنى البيجو احسن لانها حظوظ ممكن حظك ييجى فى واحده فيها مشاكل(الاليزيه) وطالما فى كلام اتقال انها فيها مشاكل يبقى فيها مشاكل ده ده مجرد رأى وربنا يوفقك للاصلح وبرضو صلى استخاره

هاصلى استخاره وربنا يسهل وشكرا ليك كتير

المشاركة الأصلية كتبت بواسطة islam.afifi

فيه مشاكل ظاهرة في الاليزيه
و انا من الناس ده
انصحك انك تستنى البيجو و تستريح من صداع الاليزيه

ربنا يعينك يا استاذ اسلام انا متابع مع حضرتك وبشوف المواضيع بتاعتك وان شاء الله تكون المشكله بسيطه و مش محتاجه حاجه
وانا عارف عز العرب عامل ازاى انا اخويا معاه بروتون
سؤال بسيط بس هو حضرتك من سكان التجمع الخامس ؟؟








هى المشكله كلها انى كنت حاجز بيجو واليزيه ودورى جه فى البيجو بس صديق ليا اخده عشان انا كان معايا عربيه والدتى و مش مستعجل وقلت برده اهو الواحد يتاكد من العربيه قبل مايشتريها
وحجزت الاسبوع اللى فات ده دور تانى بس الراجل قالى مش اقل من 3 شهور عشان تفكر تستلم بس
ولما سألت على الاليزيه قالولى ممكن خلال الاسبوعين دول استلم
المشكله كلها ان والدتى اخدت العربيه بتاعتها وانا بقالى سنه بالظبط كنت محتاس مش عارف اجيب عربيه !! وهديت شويه لما اخدت عربيتها لاكن دلوقتى انا بيطلع عينى
ومش عارف بقى اعمل ايه خايف استنى كتير على البيجو وفى نفس الوقت خايف اغامر اصلا بالايليزيه

المشاركة الأصلية كتبت بواسطة islam.afifi

ايوة انا من سكان الجمع الخامس
و نصيحة انتظر البيجو , احسن ما تغامر زيي و تاخد مقلب محترم
بتمنى انها مشكلة بسيطة , بس طالما التوكيل بيماطل و مش عارف اصلا المشكلة أو عارف بس بيستعبط يبقى الحل هو حماية المستهلك
والله المستعان

حاضر هاخد بنصيحه حضرتك وربنا يستر بقى
هو الاليزيه السوداء اللى عند مسجد فاطمه الشرباتلى دى هى بتاعه حضرتك ؟؟

استاذي الفاضل انا كمان ﻻ انصح باﻻليزيه خالص وزي ما حضرتك متابع انا واسﻻم ومحمد زيزو رايحين حماية المستهلك عشان نشتكي التوكيل المماطل في كل شئ الحقيقة.

والله المستعان

شكرا على نصائحكم الغاليه والله ونعم الناس
ربنا يوفقكم ان شاء الله والموضوع يتحل بسرعه