وحوش بيجو عاوز رأيكم فى بيجو 308 sw

**Karim Salem** · 05-09-2013 10:35 PM

شكرا استاذ هيثم
ربنا يجزاك كل خير

**eleanor** · 06-09-2013 07:57 AM

الف مبروك وربنا يكفيك شر طريقها

**Haitham G** · 06-09-2013 06:43 PM

عادى بس لما تتعود عليه لأن الفتيس بيشتغل حسب طريقة سواقتك فبلاش تقلق وبعدين هما مش طمنوك فى التوكيل ان كله تمام

**Karim Salem** · 06-09-2013 07:52 PM

بص انا رحت مشوار من المعادى للتجمع
و انا رايح كنت حاسس ان فيه حاجة غلط لانى كنت بكبس بنزين زى عربيى القديمة
بس و انا راجع كنت بدوس يدوب كده حسيت بفرق رهيب و انا العربية ماشية براحتها و صوتها وطى
تقريبا العيب كان فيا انا

بتلنسبة للتوكيل هو من ضمن الكشف انهم بيطلعوا يجربوا تلعربية على الطريق و يشوف الغيارات و كل حاجة و كانوا كاتبين فى التقرير تمام

شكرا يا أستاذ هانى على اهتمامك
حبيت بس أسألك سؤال بالنسبة لتوكيل احمد عمارة تنصحنى اجربه فى صيانة ال10 و لا خلينا فى غمرة و ربنا يسهل على التوهان اللى الواحد بيتوهه على ما يوصل هناك

**Karim Salem** · 06-09-2013 07:57 PM

معلش يا استاذ هيثم
اصلى بكتب من على الموبايل و لسه بشوف الرسالة لقيته كاتب هانى
:)

**Haitham G** · 06-09-2013 08:04 PM

ارجوك ارحمنى انت كل شوية تقولى اسم اسمى هيثم
عشان كده بقولك حسب طريقة سواقتك الموضوع بيبان فى السواقة الهادية وبعدين بما ان التوكيل قالك انها تمام يبقى اطمن مفيش حاجة ان شاء الله وبكرة تتعود عليها
بصراحة انا مش عارف المركز اللى بتتكلم عليه ان بالنسبة لى مش بحب مركز غمرة برضة مكانه رخم جدا وبفضل اتعامل مع المركز اللى فى صلاح سالم مرتاح فى المعاملة هناك هو للصيانات السريعة
تحياتى

**Haitham G** · 06-09-2013 08:07 PM

المشاركة الأصلية كتبت بواسطة Karim Salem

معلش يا استاذ هيثم
اصلى بكتب من على الموبايل و لسه بشوف الرسالة لقيته كاتب هانى
:)

معلش مكنتش شوفت انك كتبت قولت انت كل مرة بتنشن على اسم

وعموما انا بهزر معاك تحياتى

**Ahmed Amin** · 06-09-2013 08:21 PM

خليك في غمرة أو صلاح سالم وأبعد عن عمارة عشان بقي فيه عك كتير وقلة ضمير الفترة الأخيرة عنده.
أنا أتركب لي فلتر زيت غلط ومش بتاع عربيتي مرة عنده, عشان مكنش عندهم بتاع عربيتي!!
والفلاتر كلها حشو, بس مش معنا انو معندوش انو يحط لي مرة بتاع 406 ومرة 308

وفي مرة كانت العربية هتتقلب علي جنبها جوا مركز الخدمة بسبب أن الفني كان رافعها علي جاكين من قدام,
ورفعها علي كوريك عشان ينزلهم, وشال واحد ونسي التاني,
ونزل الكوريك مرة واحدة والعربية ميلت جامد علي جنبها وكانت هتتقلب.
نفس اليوم بعت العربية تظبط زوايا برة وحاسبني علي 70 جنيه ! والعربية جات لي الدركسيون فيها معووج.!!
ورفضت أخدها كدا وقالي هيا كانت كدا وقلت لأ أنا عارفي عربيتي, وبعتها تاني عشان تتظبط,
الملخص أنه بقي فيه أهمال عالي عنده, وأبو يحي معانا هنا كان يعرف واحد غير الكاتينة عنده وكانت مأخرة سنة والعربية كانت ماشية تسقف طول الوقت..

غمرة فاهمين وشغلهم نضيف وعندهم كل قطع الغيار, المشكلة في مكانهم,
صلاح سالم كويس برضه في الصيانات السريعة, خليك في الصيانات الكبيرة في غمرة زي صيانة ال 60 او وقت تغير سير الكاتينة

-

-

الموضوع: وحوش بيجو عاوز رأيكم فى بيجو 308 sw

LinkBack

أدوات الموضوع

عرض

-

-

-

-

المواضيع المتشابهه

رأيكم فى بيجو 305

رأيكم فى بيجو 206 cc

وحوش بيجو 205 اين انتم عربيتي بالصور ؟؟؟؟؟؟؟؟؟

رأيكم فى بيجو 106

عاوز رأيكم بيجو 405/نوبيرا/لوجان

الكلمات الدلالية لهذا الموضوع

المفضلات

المفضلات

ضوابط المشاركة