وحوش بيجو عاوز رأيكم فى بيجو 308 sw
معروض عليا واحدة موديل 2012 عاملة 8000 كيلو
راكب فيها الكراسى بتاعت ال 7 راكب
السعر بعد الفصال 153الف
اتوماتيك
عرض للطباعة
وحوش بيجو عاوز رأيكم فى بيجو 308 sw
معروض عليا واحدة موديل 2012 عاملة 8000 كيلو
راكب فيها الكراسى بتاعت ال 7 راكب
السعر بعد الفصال 153الف
اتوماتيك
السعر كويس بما أن العربية راكب فيها الكراسي الأضافية لأني كنت عرفت من واحد إن الاتنين ب 10 الأف جنيه من التوكيل,,!
وكمان مش عاملة كيلومتر عالي, وموديل جديد,,
فاضل بس تروح تكشف عليها في التوكيل ويفضل في غمرة لأنهم فاهمين كويس,,
وأبعد عن أبو رواش عشان مبيفهمش يعني ايه يعملو كشف وضحكو عليا فيه قبل كدا.
اكشف عليها فى غمره زى الزميل الفاضل ماقال وفعلا سعر الكراسى الزياده غاليه بس لو من التوكيل مش معمولين بره وخلى بالك الكراسى دى بتبقى للاطفال مش لاشخاص كبيره
شكرا جزيلا لاهتمامكم
بس لو حد عنده فكره عن قطع الغيار و اى نصايح عموما عن العربية لانها هتكون نقلة نوعية بالنسبة ليا لانى عمرى ما سوقت اتوماتيك
العربية كويسة جدا معايا بقالها سنتين ممتازة و بالنسبة لقطع الغيار اسعارها كويسة اقل مما كنت متوقع قبل ما اشترى العربية يعنى اسعارها اقل من اليابانى ده من التوكيل طبعا وربنا يوفقك واى حاجة انا فى الخدمة .
شكرا يا أستاذ هشام على انك طمنتنى .
ان شاءالله اكشف عليها في التوكيل و ربنا يكرم
انا ميعادى بكرة ان شاء الله فى التوكيل
حد عنده اى نصايح ؟؟؟؟؟
ربنا يوفقك ان شاء الله هم فى التوكيل حيعملوا الواجب واعتقد ممكن يقولو لك العربية تساوى كام و معلش معنديش خبرة اوى فى الموضوع مشترتش مستعمل قبل كده و شوف باقى الأعضاء حيقولوا ايه وابقى طمنا على الاخبار .
الحمد لله
عملت الكشف فى التوكيل
و استلمت العربية انهارده و كنت هعمل حادثة فة شارع الكورنيش بس الحمدلله ربنا ستر لانى اول مرة أسوق اتوماتيك ضربت برجلى الشمال فرامل
و ان شاؤ اللع يوم السبت اعمل نقل الملكية و ياريت متنسوناش فى الدعاء
حصل خير الحمد لله و ربنا يستر طريقك ويبارك لك فيها ان شاء الله والف مبروك .
شكرا استاذ هيثم
ربنا يجزاك كل خير
الف مبروك وربنا يكفيك شر طريقها
طب عندى سؤال عن الفتيس
انا حاسس انه بيطول ساعات على ما يغير
ده عادى و لا انا بس علشان اول مرة اسوق اوتماتيك
عادى بس لما تتعود عليه لأن الفتيس بيشتغل حسب طريقة سواقتك فبلاش تقلق وبعدين هما مش طمنوك فى التوكيل ان كله تمام
بص انا رحت مشوار من المعادى للتجمع
و انا رايح كنت حاسس ان فيه حاجة غلط لانى كنت بكبس بنزين زى عربيى القديمة
بس و انا راجع كنت بدوس يدوب كده حسيت بفرق رهيب و انا العربية ماشية براحتها و صوتها وطى
تقريبا العيب كان فيا انا
بتلنسبة للتوكيل هو من ضمن الكشف انهم بيطلعوا يجربوا تلعربية على الطريق و يشوف الغيارات و كل حاجة و كانوا كاتبين فى التقرير تمام
شكرا يا أستاذ هانى على اهتمامك
حبيت بس أسألك سؤال بالنسبة لتوكيل احمد عمارة تنصحنى اجربه فى صيانة ال10 و لا خلينا فى غمرة و ربنا يسهل على التوهان اللى الواحد بيتوهه على ما يوصل هناك
معلش يا استاذ هيثم
اصلى بكتب من على الموبايل و لسه بشوف الرسالة لقيته كاتب هانى
:)
ارجوك ارحمنى انت كل شوية تقولى اسم اسمى هيثم
عشان كده بقولك حسب طريقة سواقتك الموضوع بيبان فى السواقة الهادية وبعدين بما ان التوكيل قالك انها تمام يبقى اطمن مفيش حاجة ان شاء الله وبكرة تتعود عليها
بصراحة انا مش عارف المركز اللى بتتكلم عليه ان بالنسبة لى مش بحب مركز غمرة برضة مكانه رخم جدا وبفضل اتعامل مع المركز اللى فى صلاح سالم مرتاح فى المعاملة هناك هو للصيانات السريعة
تحياتى
خليك في غمرة أو صلاح سالم وأبعد عن عمارة عشان بقي فيه عك كتير وقلة ضمير الفترة الأخيرة عنده.
أنا أتركب لي فلتر زيت غلط ومش بتاع عربيتي مرة عنده, عشان مكنش عندهم بتاع عربيتي!!
والفلاتر كلها حشو, بس مش معنا انو معندوش انو يحط لي مرة بتاع 406 ومرة 308
وفي مرة كانت العربية هتتقلب علي جنبها جوا مركز الخدمة بسبب أن الفني كان رافعها علي جاكين من قدام,
ورفعها علي كوريك عشان ينزلهم, وشال واحد ونسي التاني,
ونزل الكوريك مرة واحدة والعربية ميلت جامد علي جنبها وكانت هتتقلب.
نفس اليوم بعت العربية تظبط زوايا برة وحاسبني علي 70 جنيه ! والعربية جات لي الدركسيون فيها معووج.!!
ورفضت أخدها كدا وقالي هيا كانت كدا وقلت لأ أنا عارفي عربيتي, وبعتها تاني عشان تتظبط,
الملخص أنه بقي فيه أهمال عالي عنده, وأبو يحي معانا هنا كان يعرف واحد غير الكاتينة عنده وكانت مأخرة سنة والعربية كانت ماشية تسقف طول الوقت..
غمرة فاهمين وشغلهم نضيف وعندهم كل قطع الغيار, المشكلة في مكانهم,
صلاح سالم كويس برضه في الصيانات السريعة, خليك في الصيانات الكبيرة في غمرة زي صيانة ال 60 او وقت تغير سير الكاتينة
شكرا جدا على ردودكم السريعة و الواحد كان قلقان ان منتدى بيجو يكون محدش بيدخل عليه بس الحمد لله حاسس انى مع اخواتى
و معلش تانى يا استاذ هيثم :)
يا فندم مفيش اعتذار ولا حاجة انا زى ما قولتلك بهزر معاك
ومتخافش الناس هنا متابعين علطول
تحياتى
هيا جنزير فعلاً, بس تتغير علي 180 ألف كيلو أو 9 سنين,,
وانا قصدت بصيانة ال 60 اللي بيكون فيها أغلب الشغل بتاع الفلاتر والقواعد وتغير السوائل.
وقصدت بوقت تغير الكاتينة لما يجي وقتها تكون في غمرة لأني لاقيتهم متمكنين في الشغل عن صلاح سالم.
وصلاح سالم حلو مش وحش, أنا ليا تجربة ممتازة معاه وتجربة سيئة جداً معاهم, حاسبوني مرة علي غيار زيت 290 جنيه بسبب غلطة مهندس ومش غلطتي, وفكو حاجات كتير من العربية مكنتش مفروض تتفك.
غمرة لحد دلوقتي ممتازين والشغل بيتم بأحتراف عن صلاح سالم, ومفيش غلطات معاهم زي ما حصل معايا في صلاح سالم.
طب ممكن توفصلى فين التوكيل اللي في صلاح سالم
التوكيل امام مسجد الرحمن الرحيم بالظبط لو تعرف المسجد يبقى الموضوع سهل بالنسبة لك
تمام كده
مسجد الرحمن. الرحيم اللى هو قبل مسجد الشرطة
ان شاء الله اروح اعمل صيانة ال10 هناك و اقولك عملت ايه
ان شاء الله و ابقى اعملنا تقرير بعد تجربتك للعربية