دلوقتي يا جماعة أنا روحت لعادل اللي في صقر قريش (على الطريق اول صف)... و انا عارف انه محترم و بيفهم بس كنت قلقان علشان المرة دي الموضوع فتيس... بس قريت في موضوع تاني هنا عن الفتيس برده صديق عمله عند (Ahmed Proff) و شكر فيه جدا و قال برده هو عارف بيعمل ايه.
المهم روحتله و حكيته على الموضوع لاقيته عارف العيب كويس قوي و راح مكلي هو الأعراض كلها.. و قالي ده حايبقى تغيير شنابر الفتيس....(750 جنيه) بس و احنا بنشتغل بشوف مكان تركيب الشنابر لو لاقيت حصل فيه تأكل يبقى لازم المجموعة اللي بتركب عليها الشنابر تتغير و في الحالة دي حاتبقى التكلفة 2500 جنيه. قالي و غالبا مش حايحصل بس لازم اقولك الأول علشان تعمل حسابك.
المهم انا انا حسيت انه واثق بيعمل ايه فاتفقت معاه على معاد
و قبل ما روحله بكام يوم روحت حطيت مايه خضرا للعربية و ده خلى تبريدها احسن طبعا و المشكلة مابقتشي ظاهرة وي الأول... فاخت رأي عادل تاني قالي عادي.. هو اصلا الشتا كمان جاي و مش حاتبقى ظاهرة معاك اوي فممكن تصبر عليها دلوقتي
قولتله طب لو استنيت عليها مش ممكن المشكلة تزيد... قالي لاقه... هي هي ...
فقررت استنى لأأني كان عندي صيانات تانية عايز اعملها زي مجموعة الكاتينة و شداد فتيس و عملتهم عنده برده.. (عنده صنايعي اسمه أحمد 100 100)...
بس لو حد عايز يعمل حكاية الشنابر قريب انصحه بعادل و هو بيضمن الموضوع... و قالي دي اصلا تعتبر صيانة للفتيس و الفتيسات في معظم العربيات الأوروبي ده العادي بتاعها... يعني مرة سولونيود.. مرة شنابر...وهكذا ...
ارجو اني اكون أفدتكم