بلى العجل الامامى - وصيانة 5000 - السبع

ارجوا الافادة من ملاك نيسان صنى الشكل القديم بسمع صوت طقطقه عند لف الدركسيون لاقصى الشمال وانا فى بداية حركة السيارة من الثبات -
واول مرة توكيل السبع قال محتاج تربط الكبالن ؟؟؟ قلت ماشى وبعد صيانة الالف لم يتغير شئ رحت صيانى ال 5000 قالوا محتاج تغيير بلى العجل الامامى - ومش موجود - قلت ماشى المهم اتصلت بيهم قالوا البلى وصل ورايح بكره انشاء الله - اضع حل لهذه المشكلة

بالاضافة طبعا لصوت الموتور عااااالى جدا خصوصا على السرعات

ثانيا مفتاح O/ D او over drive اللى موجود فى الفتيس - انا محتار يا ترى الطبيعى بتاعه انه يكون منور فى التابلوه قدامى " والعجيب انه منور بيكتب قدامك over drive off - وطبعا انا محتار دى معناها انه حاليا off -- ولا انه شغال وبيفكرنى انى اطفيه

الطقه دى ممكن تكون مقص الكبالن تطقط فى الملفات وانتا ماشى مش فى الثبات ولا حاجه

وبلى العجل ما يعملش طقه ده توكيل حمار لامؤخذه يعنى

بلى العجل يخلى السحب وحش ويخلى صوت العجل من اول 50 او 60 زى الزفت وكأنك راكب جرار

حاول تتأكد الصوت العالى ده صوت ماتور ولا صوت العجل مور العربيه او سيب بنزين لو عربيتك اوتو واسمع الصوت

الزرار ده ما اعرفش بصراحه ان شاء الله الشباب يساعدوك

صوت الطقطقه بيبان بس لما بكسر طارة الدريكسون على الاخر اقصى الشمال من الثبات ومش بيبان الصوت فى الملفات خالص - وانا عندى الفتيس اوتو - اشكرك
وبعدين انا هجرب بكره وربنا يسهل

اشكرك -

زرار over drive المفروض يكون مش منور في التابلوة
ولما بينور بالشكل دة over drive off بيفكرك انك تطفيه لما تحب
ولو عاوز تتأكد عامتا ان الـ over drive شغالة ولا لا، الزار بيكون دايما داخل لجوا وهو شغال
اما لو كان مطفي هتلاقي الزار وضعيته لبرة طبيعي في العصاية

اقتباس:

---

المشاركة الأصلية كتبت بواسطة roshdy_tiger

ارجوا الافادة من ملاك نيسان صنى الشكل القديم بسمع صوت طقطقه عند لف الدركسيون لاقصى الشمال وانا فى بداية حركة السيارة من الثبات -
واول مرة توكيل السبع قال محتاج تربط الكبالن ؟؟؟ قلت ماشى وبعد صيانة الالف لم يتغير شئ رحت صيانى ال 5000 قالوا محتاج تغيير بلى العجل الامامى - ومش موجود - قلت ماشى المهم اتصلت بيهم قالوا البلى وصل ورايح بكره إن شاء الله - اضع حل لهذه المشكلة

بالاضافة طبعا لصوت الموتور عااااالى جدا خصوصا على السرعات

ثانيا مفتاح O/ D او over drive اللى موجود فى الفتيس - انا محتار يا ترى الطبيعى بتاعه انه يكون منور فى التابلوه قدامى " والعجيب انه منور بيكتب قدامك over drive off - وطبعا انا محتار دى معناها انه حاليا off -- ولا انه شغال وبيفكرنى انى اطفيه

---

اعتقد ان البلى يعمل صوت ونه على السرعات و تقدر تفحصها انك تخلى العجل يدور وهيه واقفه لو البلى بايظ هيظهر فيه ناس معينه عندهم الجهاز ده

انما صوت الطاطاه و مع الملفات اعتقد انه الكبلن الشمال الجلبه اتقطعت و دخلت تراب
تنما موضوع الزارار اللى فى الفتيس
هوه المفروض اللمبة ما تبقاش منورة و تبقى مطفية و السبب ان العادى ان طريقة القيادة يبقى over drive شغال و العربية تنقل الغيار عادى انما لو دوست على الزار هتظهر اللمبة اللى over drive off بمعنى ان العربية مش هتاخد غيار اكتر من التالت و لو ماشى بسرعة هتنزل للغيار التالت فاستخدمه بحزر يعنى لو ماشى على 70 و تلقيت الطريق طالع و الا حاجه و عاوز تجمع العربية شغله فاللمبه بتوصف اللى عمله الزارار و حالة العربية فلما تطفيه العربية ترجع تجيب الرابع عادى و اللمبه تنطفى و يبقى over drive on وده من الممكن اللى يكون معلى صوت الماتور على السرعات فتاكد ان اللمبة تكون مطفية
اتمنى انى اكون افدتك

بحمد الله تم تغيير البلى فى التوكيل -
وشكر خاص للمهندس - "" مهند "" فى توكيل السبع راجل مهذب ومحترم جدا وامين فى توصيل المعلومة
على الرغم من انى قضيت فى التوكيل 8 ساعات على يومين بسبب موضوع البلى ده بس الحمد لله

شكرا لكل الاعضاء المشاركين فى الموضوع