السلام عليكم ...
انا قدامى عربيتين واحد سيات ابيزا 94 والثانية فيليشيا 97 ...
انا بصراحة محتار العربيتين حالتهم نظيفة والسعر متقارب بس انا ولا اعرف دى ولا دي ؟؟؟
فهل ممكن حد يفيدنى بعد اذنكم ؟؟
عرض للطباعة
السلام عليكم ...
انا قدامى عربيتين واحد سيات ابيزا 94 والثانية فيليشيا 97 ...
انا بصراحة محتار العربيتين حالتهم نظيفة والسعر متقارب بس انا ولا اعرف دى ولا دي ؟؟؟
فهل ممكن حد يفيدنى بعد اذنكم ؟؟
العربيتين كويسين بس الفرق بالنسبة للابيزا موتورها اقوى وممكن تسقط ليها مواتير جولف او ابيزا احدث وسعة اكبر لو تحب تغير الموتور وتزود قوته بالنسبة للفليشيا مافيش غير موتور 1300 و 1600 بس وال 1600 للاسف مالهوش قطع غيار فيبقى اختيارك فى الموتور ال 1300 بس طبعا قطع غيار الفليشيا ارخص من الابيزا اهم حاجة انك تكشف كويس على العربيتين عند متخصص المانى !!
انا رئي الفليشا تكسب ....*
الفليشيا طبعا
انا كنت زيك واختارت الفليشيا
شكرا على المساعدة جدا
انا نفسيا مستريح للفيليشيا وشايفها افضل لما عملت بحث عنها على النت
بس اللى خايف منه ان كذا حد اشتكى من السخونية
وان لازم يبقى فى ميكانيكى متخصص فى صيانتها ؟؟
حكاية السخونية دى لو اهملت فى الصيانات وتغيير الزيت وده لكل العربيات مش الفليشيا بس لكن بالنسبة للفليشيا الموتور حساس زياده لنقص مية التبريد او وجود ضعف فى دورة التبريد فبيبوظ جوان وش سلندر !!
انا الحمد لله اشتريت الفيليشيا
بس فى مشكلة المراية انكسرت وشرخت معاها البربيز (ده الكلام اللى بيقوله صاحبها)
سعره تقريبا كام ؟؟
وهل فى حاجة اخلى بالى منها
مبروك عليك ربنا يديك خيرها ويكفيك شرها....*
بالنسبة لمرايا اللى انكسرت لو مراية الجنب ممكن تتملى ب5 جنية ولو فارغة المرايا اتكسرت كلها بتتغير انا غيرتهم الواحدة ب125 جنية جديد....
البريبيز الامام انا مغيرة فى جريش بالعاشر من رمضان ب195 جنية الكلام دا من حوالى ستة اشهر....
الله انا عاوزك تخلى بالك منه العدادات عامة لابد ان تراقبها كما تراقب الطريق بالظبط فهى التى تنطق بحالة الموتور والسيارة عامة وبالذات خلى بالك من عداد الحرارة واعرف عربيتك اكتر واتعرف عليها علشان لو حدث اى تغيير فى حركة العدادات او صوت الموتور تكتشفها مباشرة....
راجع على اضائة السيارة فهى من الاهميات القصوى فلابد من التاكد من ان اللمبات كلها تعمل بكفائة من الأمام والخلف والاجناب....*