فكرة لفوجات الريو هاتشباك

**الجنرال** · 31-08-2013 11:41 PM

السلام عليكم ورحمة الله

انا العربية الريو الهاتشباك اللى معايا مفيهاش فوج لايت وكنت بفكر انى اركب واحد غير اللى بينزل فى العربية لانه عابرة عن فانوس صغير ملهوش اي معنى

المهم فضلت افكر فى افضل واحد ممكن ينفع يركب .. ولقيت ان افضل واقرب حاجة هو الفوج زي اللى بينزل في بيجو 308

ميزة الفوج بتاع 308 هو ان معاه الداي تايم لايت (نور ليد للاضاءة النهارية) وده هيبقى تحفة اكتر

شوفوا الصور دي

ودي صورة البيجو

السؤال:
1- ايه رأيكو فى حاجة زي كده؟؟
2- اجيب الفوج بتاع البيجو منين؟؟ وبكام؟؟
3- مين حد كويس يعرف يركبه وبكام تقريبا؟؟

**eng.salama93** · 31-08-2013 11:46 PM

مش المهم الشكل انه يبقي نفس الشكل
المهم يبقي نفس المقاس
بس بيتهيألي في فوجات بتنزل بالفبرة بتاعتها بس شكل الفانوس اشكال تانيه زي شكل البيجو كدا مثلا او شكل عربية تانيه
بس مصممه لل ريو

**saddam** · 31-08-2013 11:50 PM

ركب بتاع الهيونداي آر بي أحلى وتوديها لحد بتاع فيبر في الحرفيين يركبهالك ودمتم

**Haitham Basha** · 01-09-2013 12:25 AM

شوف يا باشا الناس دي كده عاملة إيه

exLED Full LED Tuning for All New Kia Rio White 6000K, 2Way - YouTube

أنا شايف إن كده أحلى كتييير أوي من إنك تغير الفجات و شوف برضو الفجات الي بتنزل بره زي كده

https://www.youtube.com/watch?v=ZNGW3PIf5ow

و على فكره ممكن تجيبو من عن طريق النت أو إنت تسأل أخونا الي في المنتدى هنا بيعمل الفوانيس و بيعدل كمان دور عليه هتلاقيه و هو أكيد هيفيدك

**الجنرال** · 01-09-2013 11:30 AM

اووووف .. جامد قوي الليد اللي فى الفيديو الاولاني ده .. اهو ده لو عملته يبقى شكرا كده

مين بقه ممكن يعمل الكلام ده؟؟ ولو اشتريته من بره هشتري الفانوس كله ولا الليدات بس؟؟ وايه تانى المفروض اشتريه غير اللمبات ؟؟

**Haitham Basha** · 01-09-2013 05:06 PM

المشاركة الأصلية كتبت بواسطة الجنرال

اووووف .. جامد قوي الليد اللي فى الفيديو الاولاني ده .. اهو ده لو عملته يبقى شكرا كده

مين بقه ممكن يعمل الكلام ده؟؟ ولو اشتريته من بره هشتري الفانوس كله ولا الليدات بس؟؟ وايه تانى المفروض اشتريه غير اللمبات ؟؟

شوف يا باشا عندنا هنا في المنتدى واحد بيعملها هدورلك عليه و لو معملتوش عندو بضرو الشغل ده بيتعمل في الحرفيين و في شارع دمشق و بيتعمل على الفانوس بتاعك أو تجيب فنوس تاني و تحتفظ بفانوسك الأصلي و إنت مبتشتريش حاجة خالص إنت كل الي عليك إنك تدي الراجل الفانوس و شكراً

**الجنرال** · 01-09-2013 11:48 PM

يا ريت يا هيثم بجد تقولي مين ممكن يعمل الشغل ده .. علشان بجد طلع فى دماغي قوي انى اعمل اول فيديو انت جايبه للريو ده ..

وفي نفس الوقت لو لقيته كويس وشغله نضيف هعمل موضوع الفوج ده

**Haitham Basha** · 02-09-2013 12:01 AM

ممادو الجلفاوى وده عضو هنا فى المنتدى وألف من يوصلك ليه
و عندك السجان في شارع دمشق
وعندك الفنجرى وده مصنع تعديل وده الجروب بتاعه كلمه وشوف يكلف كام
Log In | Facebook
و بالتوفيق إن شاء الله ...