عرض للطباعة
ازيكم اخوتى
ليا طلب عاجل عشان انزل ارخص بكره
دلوقتى انا جبت عربيه صاحبها معاه توكيل وعملت عقد بيع وشراء فى الشهر العقارى
والرخصة اللى كانت مع صاحبها بتاعت المالك السابق وكانت من مرور جزيرة محمد بالوراق
وانا محتاج ارخصها وادخلها فحص بأسمى تبع مرور عبود
ومجبش غير شهادة بيانات واحده للشهر العقارى والضريبه مدفوعة ل 2014
دلوقتى اروح فين الاول؟؟مرور الوراق ولا عبود واعمل ايه بالظبط؟؟
شكرا اخوتى
أولا هتاخد عقد البيع المسجل وكل التوكيلات بتاعت العربية وتروح مرور عبود تقلهم عاوز افحص علشان انقل ملكية وانقل لمرور عبود ....... هيعملك فحص عادي جدا ويديك ورقتين فحص تطلع بعدها على المرور القديم تعمل حاجة اسمها مطابقة بصمة وتفتتح ملف فرعي وتعمل استعلام أمني كل دة فى المرور بتاع جزيرة محمد ........... هتاخد مطابقة البصمة والملف الفرعي وترجع تاني لمرور عبود تكمل باقي الفحص وتسلم الملف وتنقل الملكية ومبروك عليك العربية ........... ملحوظة هام جدا يكون معاك شهادة مخالفات من الدراسة دة فى حالة لو الرخصة سارية ......... أما لو مش سارية هتحتاج تعمل شهادة بيانات ......... بالتوفيق
تمام التماماقتباس:
المشاركة الأصلية كتبت بواسطة أحمد جودة
اشكرك جدااااااااا اخى العزيز
انا معايا شهادة المخالفات للعربيه بس الرخصة خلصانه من شهرين
كده لازم اجيب شهادة بيانات من مرور الوراق..صح كده؟؟
والضريبه مدفوعة لحد 6/2014 فى مرور الوراق ومعايا الايصال الاحمر بتاعها فكده لو جددت سنه فمرور عبود هدفع تأمين بس صح كده؟؟
اقتباس:
المشاركة الأصلية كتبت بواسطة beshomilan
تمام كدة طالما الرخصة خلصانة لازم يكون معاك شهادة بيانات
بالتوفيق
اشكرك اخى العزيز
بس اخر سؤال..هو المفروض يكون معايا شهادة البيانات قبل ما اروح مرور عبود اول مره كما بالخطوات ولا اروح عبود وافحص واخد مطابقة البصمة واروح الوراق وساعتهااجيب شهادة البيانات من هناك؟؟
لازم طبعا يكون معاك شهادة البيانات أولاً ....... وكمان يكون معاك عقد البيع المسجل بالشهر العقاري والتوكيلات
بجد اشكر حضرتك جدا جداااااااااااااا
وربنا يباركلك يارب
نصيحه متنقلهاش الا قبل ميعاد انتهاء الضريبه عشان هتتعذب دلوقتي مره وتتعذب تاني في التجديد. استنى على شهر 6 2014 وانقلها وافحص مره واحده.
اقتباس:
المشاركة الأصلية كتبت بواسطة beshomilan
لا شكر على واجب وبالتوفيق وربنا يسهل عليك الاجراءات ...... تقبل تحياتي
اقتباس:
المشاركة الأصلية كتبت بواسطة ahmed_adham
هيا فكرة بردو بس اعتقد الزميل قال ان الرخصة منتهية فاكيد مش هيعرف يجددها غير باسم المالك بتاع العربية ........ وطالما هوة عمل عقد مسجل يبقي يتوكل على الله وينقل العربية باسمة وللمرور القريب منه وخصوصا علشان الايام العصيبة اللي بنعشها دلوقتي يفضل تبقي الرخصة باسمه وكمان علشان لو وقف فى كمين غلس ولا حاجة وكان ناسي التوكيل هيعذبوة ........ تحياتي
اقتباس:
المشاركة الأصلية كتبت بواسطة أحمد جودة
كلام سليم 100 - 100
اشكركم اخوتى
انا خلصت شهادة البيانات و خلصت الفحص ومطابقة البصمة فى المرورين
وجبت كل الورق وكله تمام مش ناقص بس غير انى اوديه للموظف واستنى الرخصه فبكره هكمل الموضوع ده
اقتباس:
المشاركة الأصلية كتبت بواسطة beshomilan
الله ينور ياباشا وبالتوفيق
طب لو عيز انقل من محافظه لاخري من مرور اسوان للقاهره بالتحديد الشروقاقتباس:
المشاركة الأصلية كتبت بواسطة أحمد جودة
ايه الاجراءات بالظبط عشان انت عارف المسافات
اقتباس:
المشاركة الأصلية كتبت بواسطة aminibrahim
نفس الاجراءات اعتقد والله اعلم واهم مافي الموضوع تشوفلك واحد ابن حلال هناك علشان يقولك المطلوب كله مرة واحدة وتنزل مرة تخلص الموضوع وبالتوفيق