استفسار مهم وعاجل فى نقل الملف من مرور لاخر

**beshomilan** · 01-09-2013 10:38 AM

ازيكم اخوتى
ليا طلب عاجل عشان انزل ارخص بكره
دلوقتى انا جبت عربيه صاحبها معاه توكيل وعملت عقد بيع وشراء فى الشهر العقارى
والرخصة اللى كانت مع صاحبها بتاعت المالك السابق وكانت من مرور جزيرة محمد بالوراق
وانا محتاج ارخصها وادخلها فحص بأسمى تبع مرور عبود
ومجبش غير شهادة بيانات واحده للشهر العقارى والضريبه مدفوعة ل 2014
دلوقتى اروح فين الاول؟؟مرور الوراق ولا عبود واعمل ايه بالظبط؟؟
شكرا اخوتى

**أحمد جودة** · 01-09-2013 11:05 AM

أولا هتاخد عقد البيع المسجل وكل التوكيلات بتاعت العربية وتروح مرور عبود تقلهم عاوز افحص علشان انقل ملكية وانقل لمرور عبود ....... هيعملك فحص عادي جدا ويديك ورقتين فحص تطلع بعدها على المرور القديم تعمل حاجة اسمها مطابقة بصمة وتفتتح ملف فرعي وتعمل استعلام أمني كل دة فى المرور بتاع جزيرة محمد ........... هتاخد مطابقة البصمة والملف الفرعي وترجع تاني لمرور عبود تكمل باقي الفحص وتسلم الملف وتنقل الملكية ومبروك عليك العربية ........... ملحوظة هام جدا يكون معاك شهادة مخالفات من الدراسة دة فى حالة لو الرخصة سارية ......... أما لو مش سارية هتحتاج تعمل شهادة بيانات ......... بالتوفيق

**beshomilan** · 01-09-2013 08:27 PM

اشكرك جدااااااااا اخى العزيز
انا معايا شهادة المخالفات للعربيه بس الرخصة خلصانه من شهرين
كده لازم اجيب شهادة بيانات من مرور الوراق..صح كده؟؟
والضريبه مدفوعة لحد 6/2014 فى مرور الوراق ومعايا الايصال الاحمر بتاعها فكده لو جددت سنه فمرور عبود هدفع تأمين بس صح كده؟؟

**أحمد جودة** · 02-09-2013 08:50 AM

المشاركة الأصلية كتبت بواسطة beshomilan

اشكرك جدااااااااا اخى العزيز
انا معايا شهادة المخالفات للعربيه بس الرخصة خلصانه من شهرين
كده لازم اجيب شهادة بيانات من مرور الوراق..صح كده؟؟
والضريبه مدفوعة لحد 6/2014 فى مرور الوراق ومعايا الايصال الاحمر بتاعها فكده لو جددت سنه فمرور عبود هدفع تأمين بس صح كده؟؟

تمام كدة طالما الرخصة خلصانة لازم يكون معاك شهادة بيانات

بالتوفيق

**أحمد جودة** · 02-09-2013 09:06 AM

لازم طبعا يكون معاك شهادة البيانات أولاً ....... وكمان يكون معاك عقد البيع المسجل بالشهر العقاري والتوكيلات

**Ahmed_Adham** · 02-09-2013 07:37 PM

نصيحه متنقلهاش الا قبل ميعاد انتهاء الضريبه عشان هتتعذب دلوقتي مره وتتعذب تاني في التجديد. استنى على شهر 6 2014 وانقلها وافحص مره واحده.

**أحمد جودة** · 03-09-2013 08:59 AM

المشاركة الأصلية كتبت بواسطة beshomilan

بجد اشكر حضرتك جدا جداااااااااااااا
وربنا يباركلك يارب

لا شكر على واجب وبالتوفيق وربنا يسهل عليك الاجراءات ...... تقبل تحياتي

الموضوع: استفسار مهم وعاجل فى نقل الملف من مرور لاخر

LinkBack

أدوات الموضوع

عرض

-

-

-

-

-

المواضيع المتشابهه

نقل الملف من مرور لمرور بياخد اد ايه

عايز اعرف خطوات نقل ملكية من مرور لاخر

نقل الملف من مرور لمرور.........؟

اسئلة حول نقل رخصة السيارة من مرور لاخر

نقل ملكية من مرور لاخر

الكلمات الدلالية لهذا الموضوع

المفضلات

المفضلات

ضوابط المشاركة