عرض للطباعة
السلام عليكم يا اهل المنتدى
محتاجة نصيحتكم فيما يخص السانديرو اتوماتيك تنصحوا بيها ولا لأ و ياريت لو حد مجربها وسايقها بقالو شوية يقولنا اخبارها ايه في السواقة و تنفع لبنت ولا زي ما البعض بيقول عربية تقيلة وسواقتها مش مريحة ؟؟
و اخبار قطع غيارها ايه ؟ متوفرة ولا قليلة و طبعا الاسعار كويسة ولا اوفر ؟ مش عارفة هي نفس قطع غيار اللوجان ولا تختلف ؟
يعني بشكل عام كعربية اتوماتيك سعرها اقل من 100 الف ولاستخدام بنت بس سفر كتير تبقى مناسبة وموفرة ومريحة ولا ايه ؟؟
شكرا مقدما و تتمسوا بالخير
عموما اللوجان و السانديرو ناشفه شويه مقارنه بالكورى بس بالنسبه للاوتو اكيد الفرق حيكون ف الباور بس مثلا و قطع الغيار موجوده بس اكيد بره التوكيل أرخص و هي و اللوجان و الداستر نفس العربيه و لو بتتكلمى ف رينج 100 و عربيه زيرو ف عندك افيو و بيكانتو و i-10 و اكيد بالنسبه لبنت الاقرب البيكانتو مع انها صغيره و غاليه قوى على حجمها دا . لكن لو ممكن مستعمل انصحك ب الجيتز موتور قوى و عربيه محترمه
و اتمنى اكون ساعدتك :)
اقتباس:
المشاركة الأصلية كتبت بواسطة elsokily
زي ما انت قلت بالظبط البيكانتو و الاي 10 سعرهم كتير على امكانياتهم وحجهم و عربيات خفيفة يعني في السفر وعالطريق السريع مش هاتبقى امان
الافيو محدش بيشجع عليها خالص و كله بينصح بالبعد عنها
الجيتز مفيش منها جديد ولا حتى كسر زيرو يعني عشان تلاقي عربية حالتها حلوة بردو هاتبقى موديل قديم فا مش هاتبقى مرضية اوي
انا معايا اللوجان المانيوال من 2009
والدي معاه الداستر من 2010
اختي معاها اللوجان الاوتو من 2012
والدتي معاها السانديرو الاوتو من بداية 2013 بعد ما باعت اللانسر بوما 2007 مانيوال
السانديرو بسوقها على طول
هي هي اللوجان
كل قطع غيارها هي اللوجان ماعدا بعض الحاجات البسيطة زي الفوانيس مثلا
والدتي عجبتها السانديرو عشان شكلها احلى من عربيتي
اريح طبعا من المانيوال عشان اوتوماتيك ستيبترونيك
اكثر ثباتا من المانيوال عشان فيها Stablizer bar (Antiroll bar) من تحت (لوجان اوتو او سانديرو الاثنين فيهم ده العبرة بالاوتو)
اكتر هدوء من لوجان 210 عشان فيه عزل اضافي في الموتور وعربيتي لأ
مساكات الباب تم تغييرها في 2012 الى خامات اعلى مبتزيأش وبتلمع غير عربيتي
شنطتها 300 لتر تقريبا اصغر من شنطة اللوجان 500 لتر بس تقريبا قريبة لشنطة للانوس
ماتورها اقوى من المانيوال اللي بروح بيها اسكندرية وارجع تاني في نفس الساعة
وزنها اخف من عربيتي
السانديرو اقل عرضا من اللوجان بكام سنتي
السحب بحس انها اقل سحبا في الطلعات جايز عشان لسه معملتش 5 الاف لكن على الطوالي واحد او اسرع
الباور بتاعها هو بتاع اللوجان مش ميا زي الكهربا ومش جامد بدليل ان والدتي اللي عندها 65 بتسوقها عادي رغم تعب ايديها
حاجه اخيرة لما بقول لوالدتي ايه احسن
بتقولي طبعا دي اريح بكتير
بس والدتي تفتقد نعومة هدوء الموتور بالنسبة للانسر بوما 1300
انا بقى كنت شايف موتور البومة مش مسألة ناعم
شايفه ضعيف على وزن العربية والعربية بتقلب بطة مع التكييف والتحميل مقارنة بماتور اللوجان او السانديرو اللي التكييف فيه اقل تأثيرا على الموتور
ما شاء الله عائلة لوجاناوية اصيلة :)اقتباس:
المشاركة الأصلية كتبت بواسطة ahmed a rahman
ربنا يباركلكم فيهم يارب
تقييمك للعربية كويس جدا بالذات موضوع الثبات وانها مش ناشفة في السواقة على بنت و ربنا يدي لوالدتك الصحة يارب ، موضوع مساحة الشنطة مش ازمة خالص
السحب اعتقد عشان اوتو فاكدا كدا هايبقى اقل من المانيوال وبردو مش هايبقى مشكلة لان اللي عاوزة العربية مبتجريش اصلا لدرجة ان السحب يضايقها و ممكن فعلا يكون السحب بطىء عشان لسة في اول 5000 لان انا عربيتي كانت كدا بس دلوقتي ماشاء الله بتجري لوحدها
اهم حاجة موضوع قطع الغيار وتوافرها واسعارها مع ان مابقاش في حاجة قطع غيارها رخيصة بس تبقى في المعقول وماتبقاش اوفر اوي زي ما سمعنا ان قطع الغيار فرنساوي فاغالية جدا
شكرا جزيلا على ردك الوافي و جزاك الله خيرا
قطع الغيار الاستهلاكية رخيصة
يعني الصيانات الدورية في التوكيل اسعارها زي اي حتة وممكن اقل كمان
قطع الغيار الاصلية
بوجيهات 120 جنيه
فلتر زيت 62 جنيه
فتر هوا 70 جنيه
مساعدين الاثنين ب 1000
اللي ورا الاثنين بحوالي 900
شداد الموتور ب 300
قاعدة الموتور ب 600
الطنابير الاثنين ب
900
صيانة ال 10 بتعمل من 150 -250 جنيه
صيانات ال 5 الاف مجانية في التوكيل او المراكز المعتمدة
التوكيل صيانته رائعة وامينة بالنسبة لي
تم تغيير قطع الغيار الآتية لي في الضمان وببلاش من غير ولا مليم:
1. علبة بيئة تمنها 10 الاف جنيه
2. بار دركسيون تمنه 200 جنيه
3. بوابة موتور بحوالي 1500 جنيه
4. ترموستات حرارة ب 300 جنيه
5. حساس حرارة ب 300 جنيه
6. شحن التكييف كل سنة مجانا
7. سربنتينة تكييف بعد ما عملت 110 الف كيلو وانتهاء الضمان تم تغييرها بنصف الثمن فقط مجاملة وحرصا على العميل من التوكيل واتعمل كده مع ناس كتير
انما فيه حاجات مستفزة شوية بالنسبة لي لكن لسه مغيرتش اي حاجه فيها زي:
مقص اصلي ب 450
كوبلن ب 2000 الواحد
سربنتينة تكييف ب 3200 (دي الوحيدة اللي عملتها دفعت نص تمنها لانتظامي على الصيانات)
علبة دركسيون ب 3000
بس طبعا الحاجات دي بتتغير كل اكتر من 100 الف وجايز اكتر
انت هاتخليني انا اغير اعربيتي و اجيب سانديرو اوتو :)اقتباس:
المشاركة الأصلية كتبت بواسطة ahmed a rahman
افيو ؟!!!!!!!!!!!!!!!!!!!!اقتباس:
المشاركة الأصلية كتبت بواسطة elsokily
بيكنتوا ؟!!!!!!!!!
i10 ?!!!!!!!
يا باشا العربيات لا تقارن باللوجان
لصاحب الموضوع
هات السانديرو وانت مغمض عنيك
افضل عربية شيك شبابى وامان ومتانة واوربي واتوماتيك
تحت الـ 100 الف
اللى عاوز العائلى منها يجيب اللوجان
اقتباس:
المشاركة الأصلية كتبت بواسطة elsokily
حضرتك اللوجان والداستر ملهمش علاقة ببعض عشان نقول نفس العربية سوى ان شركتهم الأم واحدة
ولا نفس الموتور
ولانفس الشاسيه
ولا نفس الفتيس
ولا نفس الكاوتش ولا الجنوط
ولا نفس الفرامل
ولا نفس العفشة ولا المساعدين ولا المقصات ولا الكبالن ولا السلوك ولا السيور
ولا نفس الصالون ولا اتساعه ولا ارتفاعه
ولا نفس الشنطة
مش عارف ليه حضرتك بتقول كده ما عدا:
1. نفس مصابيح الضباب وده مشترك مع اللوجان والسانديرو والميجان
2. نفس الكراسي مع العلم حتى ان الكرسي في الداستر بتحس انك قاعد زي المكتب عشان عربية عالية
3. نفس (شكل التابلوه) انما حتى الخامة مختلفة, الداستر من خامة اعلى اوي لانها تتقفل بالكامل في رومانيا مش المغرب
4. غالبا نفس تيل الفرامل
فعلا في فئة تحت ال 100 الف تعتبر هي احسن اختيار و على كلامكم متعتبرش يعني احسن الوحشين ولا حاجة بالعكس واضح انها عربية كويسة معاكماقتباس:
المشاركة الأصلية كتبت بواسطة ayman1204
لكن بعد كدا مفيش غير ال الجين 2 و ب 107 الف يعني فرق 12 الف تقريبا و دا مبلغ بردو
مفيش حد تاني في القسم هايشجعنا ولا ايه يا جماعة ؟
عاوزين كزا رأي عشان البنت تقتنع و تريحيني
طيب يا جماعة الاوتو اعلى حاجة فيها بتنزل باوبشنز ايه بالظبط؟؟
الاوتو فئة واحدة فقط وفيها كل الاوبشن
حنتكلم على الاوتو سواء سانديرو او لوجان لان الاثنين واحد في الكماليات
الزيادة الوحيدة في السانديرو اماكنية طي الكنبة الخلفية 2/3 و 1/3 بالكامل
ايرباج (على اعتبار ان ده في مصر كماليات!)
كرسي بيطلع وينزل
فوج لايت 2 امامي واحد خلفي
كمبيوتر رحلات مع استهلاك العربية
حليات نيكل خارج وداخل السيارة
عزل داخل الموتور زيادة على الموديلات السابقة
راديو بلوتوث اكتر من رائع بعمل بيه المكالمات بمنتهى الوضوح للي سامعني ولا يوجد اي تشويش
طارة دركسيون بتطلع وتنزل
ايموبيلايزر لمنع السرقة (مفيش الى الآن ولا حالة سرقة لوجان في المنتدى, كان فيه اتنين واتسرقوا بمفتاحهم وكانت خلافات شخصية مش حرامي)
كاسيت mp3
ده اللي انا فاكره
اقتباس:
المشاركة الأصلية كتبت بواسطة ahmed a rahman
مافيهاش abs و ebd ؟؟
مرايات ضم ؟
طارة مالتي ؟
جنوط ؟
اقتباس:
المشاركة الأصلية كتبت بواسطة donzi
abs في السانديرو الستيب واي مش في الاوتو
مرايات كهربا مش ضم لكن بتروح وتيجي في الصدمات عشان على سوست
الطارة الملتي موجودة انا نسيتها فعلا
جنوط برضه في الستيب واي مش الاتو
ماكذبش على حضرتك انا لحد دلوقتى عينى عليها لكن كل مادخل القسم واسمع اسعار قطع غيارها وافتكرها هى شكلها نفسها والله بتضايق هى مسألة اذواق مش اكتر بأختصار انا بقارن بينها وبين البيكانتو للمدام والاتنين واقفين جنب بعض فالتوكيل لأن توكيلهم واحد المهم النهاردة عرفت انى لا ممكن اطيق السانديرو لأن جاتبى فرصة بال97الف تمنها اجيب الفول اوبشن كيا بيكانتو 2014اللى مفيهاش واقولهولك مرايات ضم كهربا لكن ظبط طبعا موجودةاقتباس:
المشاركة الأصلية كتبت بواسطة donzi
الكاميرا الخلفية مش موجودة او فتحة السقف غير كدة كله فيها
يكفى ان المندوب اما وريته التقفيل اللى فشنطة العربية والبطش اللى تحت الفرش حاجة توجع القلب دة غير اللحام المشهورة بيه طبعا !! فى النص تحت العتبة مش موجودة حتى فالماروتى ولا اى عربية زيرو ولما تيجى تتكلمى يترد وايه يعنى كويس انه مش موجود فالسقف ودة اللى ناقص
بالنسبة للثبات لا يقارن بين السانديرو والبيكانتو بدليل انها دخلت اوروبا ومعتمة لوسائل الامان وكل مالعربية تصغر كل ماخامت الكبوت الداخلية بتتكن من الحديد المقاوم للصدمات غير الاكبر والاكبر اللى نظرا للتكلفة مش حتتقفل كلها من حديد فحديد حيكون اجزاء واجزاء منها
البيكانتو مينى الريو فالداخل من الجودة والتقفيل
السانديرو حسيت انى ركبت تاكسى لادا وارجو محدش يزعل من كلامى
كفاية التقفيل وخامات التابلوه وشكل الطارة ومكان الكلاكس والازاز والبيبان وتنزلى تفتحى التانك بنفسك هى الفرصة دلوقتى الخصم اللى عالبيكانتو الهاى لاين بسعر السانديرو اللى فيها ميزة مساحة الشنطة فقط لأن كدة كدة كلوووووو بيشيل 3 ورا وانا جربت وقعدنا 3 ماشاءالله فالبيكانتو وكنا مرتحايين والا مكنتش فكرت فيها ويارب يوفقك وصلى استخارة وحتلاقى الموضوع متسهل قدامك ان شاءالله وبالتوفيق لحضرتك
جبتي ايه في الاخر الني انا كمان في حيرة بينهم وكمان الاي تن
وانا كمان جديدة في السواقة فربنا يستر
طبعا رأى حضرتك يحترم جدا جدا لكن البيكانتو مش هي القيمة مقابل النقود عربية غالية أنا لسه شايف الفول أوبشن منها النهارده شكلها أشيك من السانديرو و لكن مش عارف حسيت أنها لعبة مش عربية عربية ال i10 برضه نفس الموضوع الحاجة الأهم أن العربيات موايرهم 1200 و 1000 سى سى ماينفعش أقارن بينها و بين السانديرو 1600 سي سياقتباس:
المشاركة الأصلية كتبت بواسطة sayco100
البيكانتو و ال i10 دى عربيات مدينة city cars لكن السانديرو فئة 3p دى فئة و دى فئة ماينفعش أقارن البيكانتو بالماروتى دى حاجة و دى حاجة تانية خالص
ممكن تكون السانديرو أسوء عربية في فئتها و البيكانتو هي أحسن عربية في فئتها لكن الفئتين مختلفتين تماما فلا يجوز المقارنة و الله أعلم