الموضوع: سانديرو اتوماتيك ... اه ولا لأ ؟

المشاركة الأصلية كتبت بواسطة ahmed a rahman

انا معايا اللوجان المانيوال من 2009
والدي معاه الداستر من 2010
اختي معاها اللوجان الاوتو من 2012
والدتي معاها السانديرو الاوتو من بداية 2013 بعد ما باعت اللانسر بوما 2007 مانيوال

السانديرو بسوقها على طول
هي هي اللوجان
كل قطع غيارها هي اللوجان ماعدا بعض الحاجات البسيطة زي الفوانيس مثلا

والدتي عجبتها السانديرو عشان شكلها احلى من عربيتي
اريح طبعا من عربيتي عشان اوتوماتيك ستيبترونيك
اكثر ثباتا من عربيتي عشان فيها stablizer bar (antiroll bar) من تحت
اكتر هدوء من عربيتي عشان فيه عزل اضافي في الموتور وعربيتي لأ
مساكات الباب تم تغييرها في 2012 الى خامات اعلى مبتزيأش وبتلمع غير عربيتي
شنطتها 300 لتر تقريبا اصغر من شنطة عربيتي 500 لتر بس تقريبا قريبة لشنطة للانوس
ماتورها اقوى من عربيتي اللي بروح بيها اسكندرية وارجع تاني في نفس الساعة
وزنها اخف من عربيتي
السحب بحس انها اقل سحبا في الطلعات جايز عشان لسه معملتش 5 الاف لكن على الطوالي واحد او اسرع
الباور بتاعها هو بتاع اللوجان مش ميا زي الكهربا ومش جامد بدليل ان والدتي اللي عندها 65 بتسوقها عادي رغم تعب ايديها

حاجه اخيرة لما بقول لوالدتي ايه احسن
بتقولي طبعا دي اريح بكتير
بس والدتي تفتقد نعومة هدوء الموتور بالنسبة للانسر بوما 1300

انا بقى كنت شايف موتور البومة مش مسألة ناعم
شايفه ضعيف على وزن العربية والعربية بتقلب بطة مع التكييف والتحميل مقارنة بماتور اللوجان او السانديرو اللي التكييف فيه اقل تأثيرا على الموتور

ما شاء الله عائلة لوجاناوية اصيلة :)
ربنا يباركلكم فيهم يارب

تقييمك للعربية كويس جدا بالذات موضوع الثبات وانها مش ناشفة في السواقة على بنت و ربنا يدي لوالدتك الصحة يارب ، موضوع مساحة الشنطة مش ازمة خالص

السحب اعتقد عشان اوتو فاكدا كدا هايبقى اقل من المانيوال وبردو مش هايبقى مشكلة لان اللي عاوزة العربية مبتجريش اصلا لدرجة ان السحب يضايقها و ممكن فعلا يكون السحب بطىء عشان لسة في اول 5000 لان انا عربيتي كانت كدا بس دلوقتي ماشاء الله بتجري لوحدها

اهم حاجة موضوع قطع الغيار وتوافرها واسعارها مع ان مابقاش في حاجة قطع غيارها رخيصة بس تبقى في المعقول وماتبقاش اوفر اوي زي ما سمعنا ان قطع الغيار فرنساوي فاغالية جدا

شكرا جزيلا على ردك الوافي و جزاك الله خيرا