الموضوع: بدور على Kenwood 400 Watt اندونيسي

السلام عليكم,

كل الاحترام لجميع الاعضاء الفعالين في المنتدى. فعلا انا استفدت منه جدا في تحديد نوع السماعات البيضاوي اللي هركبها في ال Sirion ان شاء الله.

بدور على Kenwood 400 Watt اندونيسي.

روحت امبارح التوفيقيه. كل الي هناك صيني. روحت طالع ش دمشق دخت برضه بس لقيت اندونيسي 450 عند محلين بس:

- السجان: سعره غالي جدا 520 جنه
- حسني: 450 جنيه واتكلمت مع ا.امير صاحب المحل(راجل محترم جدا) قالي مش هتلاقي ال 400 Watt خالص لان خط الانتاج اتنقل الصين و ال 400 Watt كان عليها طلب جامد فاللي هتلاقيها عنده هتبقى متخزنه. زي مانا عندي ال 450 Watt متخزنه. قدام شويه مش هتلاقي حاجه اندونيسي خالص. كلامه منطقي جدا.

بس هو السؤال بقه:

1- حد هنا يعرف محل لسه عنده ال 400 Watt اندويسي?
2- اتكل عالله و اشتري الاندونيسي ال 450 Watt?
3- اشتري ماركه تانيه خالص?

تنصحوني بايه يا شباب?

يا راجل يا طيب إنت غاوي شقة وتتعب نفسك وبتحرق بنزين عالفاضي يعني 400 ملقتش لقيت 450 أحسن من طلبك ومخدتش وحتضرب مشوار تاني دنته مصاريف الطريق ووقتك اللي ضيعتو في المشورة وقف عليك أكثر من ال 50 وات الزيادة إتكل على الله ولا تكن متذبذب الموضوع بسيط ودمتم للنضال